1Samiɛl 6:4 - BII BILA

⁴ Mí Filistia ɲuna aa: «Sálà bɛɛndiaa isɔɔ súú yɛɛ naa n solul-lɛnin ndu?» Má muli aa: «La tuuliaa hindɔɔla ipawlan tan ŋuɛɛnu a sianion mì la tuuliaa vɛlɛ bɛlla nda ŋuɛɛnu a sianion mɛɛ simlacia Filistia co nda ŋuɛɛnu yɛ, mì la soli ɲɛm mun sálàá. Kani sanga pilɔɔ kpé niaa sɔla nia simlacia niaa latulu ni.

1Samiɛl 6:4 Referans Kwoze

Masaa kialaa n'yamaa 3:3

Vanaa-mangalaa-isɔaa kan va haa ni: simlacia ŋuɛɛnua Filistia, Kanannda kpow, Sidɔnnda a Heviaa va o tàndá n'pemboo Liban nin-nda, cɔnɔnndo o pembei Baal-Hɛrmɔn kɔlan tiiyaa háá le luɛyɔɔ Hamat.

Yosue 13:3

kandɔɔ o pee pɔmbɔɔ Sihɔr, Esipte a ba paalen le can-ndo, kɔlan háá a lɛŋnde Ekrɔn-nden a maluaŋ. Tàndà kon kpow, vannda ndáà ce ndu maa o lɛŋnde Kanaan-nden coo o va ni. Lon masaa ŋuɛɛnua Filistia va masalen tosaa ni: masaa Kaasa, hoo Asdɔd, hoo Askelɔn, hoo Kat a hoo Ekrɔn, mí lɛŋnde Aviia le va vɛlɛ nda o ba bɛngu.

1Samiɛl 5:9

Kɛ ndáà tiiyaa dɔ́ɔ́ a ndu lon, mí Mɛlɛka tuisi vanaa va o kobi kon nin-nda kpow sangalan a kɔlta yulan-yulanndan coo. Mí nàà bondokpaa fula nda, kandɔɔ a cuaambɔa kɔ bii a kaasonnda kpede.

1Samiɛl 5:6

Mí Mɛlɛka tuisi vɛlɛ vannda Asdɔd sangalan coo, mó luei nda siòònde taw, mó tuisi nda nàà bondokpaa coo, kandɔɔ Asdɔd ciee kɔ bii o cieon balu lon-ndon kpow.

1Samiɛl 6:5

Lelan, la tuuliaa hindɔɔla ipawla niaala lan mì la tuuliaa vɛlɛ bɛlaa co kan lɛŋnde niaalen tɛɛmbuuo-a, o kon mì la biilu Hala Israɛlla. Bɔɔle mò faŋa niaa pila, piɔmaa niaa a lɛŋnde niaalen kpede sangaa coo!

1Samiɛl 5:12

Bondokpaa va vanaa ve vu le-a fulaa, má va koŋullo, mí diom ndaa va helɔɔ háá o halataala di.

Fulaa 12:35

Má tosa ɲɛ-ɲɛ Moise dimul nda, má piɛi Esiptea ɲɛm cɔwnun a sianion-ndon, ɲɛm cɔwnun a volin humbon-ndon a volɔɔla cuɛinanndan.

1Samiɛl 6:8

Mì la cua kesu kpema Mɛlɛka-o, mì la kɛsi ndu o ɲɛ ɲaanan soa nan kon-ndo coo, mì la cua vɛlɛ ɲɛm niaa toosiaa a sianion le Hala keo le ndu sálàá solullo a mun-ndon, mì la vow mun o kesu pɔmbɔɔ nin, mì la kɛsi mun o kesoo ikɛi. La tosa pɛ lende, la mal nda kɔlan.

Masaa kialaa n'yamaa 14:19

O kon mí kɔl Mɛlɛka-o toal Samsɔn coo, mó kɔa Askelɔn. Mó diw vanpiaandua beleyaa lon, mó cua domala ndalan, mó yɔngu vanaa cɔm kɔlɔ tale kon-nda lan le kafoo. O kon kɔɔli, mó can a kɔltuwvo, mó muungu o fuɲa ndɔ lo.