1Samiɛl 5:4 - BII BILA

⁴ Diimandɔɔ pilɔɔ vɛlɛ, má pena cɔnɔn idiiyo púŋ, má saalun vɛlɛ Dakɔn o kuumbuan lɛŋ o kesu kpema Mɛlɛka-o hɔl-ndɔ. Bungɛi daama ndíì lonin ndu ni, kani mí bolle ndɔlen le piɔsi, mí bala ndɔlan bɛɛ la yomiyomi, mí la sɛŋin o kèédei máán kon coo.

1Samiɛl 5:4 Referans Kwoze

Misee 1:7

Piɔmaa ndɔa kpow a piɔsinin, mì ɲɛm nda ke ndu-on kpow n ŋɔɛ o yin. I pesinin piɔmaa ndɔa nda sɛl kan-nda, kani a sala suunda ndɔɔ o cuungiaa nda ni. Le sala suunda pilɛ kon koni nda vanin vɛlɛ ni.›»

Yeremi 50:2

La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Daniɛl 11:8

O cuanin piɔmnda a halaa co o lɛŋnde len nin-nda, o cuanin vɛlɛ ɲɛm cɔwnun a volin humbon-ndon a ɲɛm cɔwnun a sianion-ndon, mò kɔɛnnun a mun o lɛŋnde Esipte len nin. O tosanin vɔsilan taw, o sɔɔnguunin masaa a ba luaŋ-ndo ikɛi le.

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

1Samiɛl 6:5

Lelan, la tuuliaa hindɔɔla ipawla niaala lan mì la tuuliaa vɛlɛ bɛlaa co kan lɛŋnde niaalen tɛɛmbuuo-a, o kon mì la biilu Hala Israɛlla. Bɔɔle mò faŋa niaa pila, piɔmaa niaa a lɛŋnde niaalen kpede sangaa coo!

Esai 40:20

Vana ikɔɔ nɔla bolofaa vaa lende sɔla loo, yɔm kálà-kálà suuva nɔla luɛyɔɔ loo o hɛli ni, mò nuwviaa vana caa piɔmnda siɔlɔɔ taw-vo, le ndu piɔmndo sello.

Yeremi 10:14

Vanndacieea kpow a siŋnun diɔmnda, siɛmbulan la bii vanaa toosiaa n'piɔmnda a piɔmaa ndaa, kani còòlan fúú piɔmaa kan a co ni, a nɔ hoeyii yoomaa nda niŋ te.

Yeremi 10:15

Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.