1Samiɛl 5:10 - BII BILA

¹⁰ Fɔ́ɔ́fɔ̀, má hiaw a kesu kalaa Ekrɔn. Kɛ mɛɛ nda tiiya dɔ́ɔ́ vɛlɛ lon, mí vannda deŋi a caŋndan aa: «Yoo he-he! A cuu naa kesu kpema Hala Israɛlla le naa diwvo fɔ́!»

1Samiɛl 5:10 Referans Kwoze

Amɔs 1:8

I toawnin vanaa co icali Asdɔd-a mì tow vana co masalen tosaa Askelɔn-ndo. I kuelnin vannda Ekrɔn mì diw nda. Lende Filistia tɔ̀a kpow a cuunin vu ni. Lende Maalii, o co Mɛlɛka-o dimi ni.» Lende Maalii Hala dimi ni.

2Masaa 1:2

Paale pum, mí masaa Ahasia hialun o dio-pɔmbɔɔ nɛɛ o va coocoo o cɛi ndɔ lemasaa nin Samari-a, mó del lɛŋ, mó yɔŋulun taw. O kon, mó viam vannda le kɔlan yavaa vomɔɔ o Baal-Sebub lo, hala va o kobio Ekrɔn nin-ndo, le ndu ɲunaa te ndóò siangunin a yɔŋulɔn kon.

Masaa kialaa n'yamaa 1:18

Mí polale Yuda len le kɔ bii vɛlɛ kobilan ndan a tàndàla ndalan kpow: Kaasa, Askelɔn a Ekrɔn.

Yosue 15:45

Ekrɔn, cieon ndɔn a sɔndɔkɔlta ndɔlan,

Yosue 13:3

kandɔɔ o pee pɔmbɔɔ Sihɔr, Esipte a ba paalen le can-ndo, kɔlan háá a lɛŋnde Ekrɔn-nden a maluaŋ. Tàndà kon kpow, vannda ndáà ce ndu maa o lɛŋnde Kanaan-nden coo o va ni. Lon masaa ŋuɛɛnua Filistia va masalen tosaa ni: masaa Kaasa, hoo Asdɔd, hoo Askelɔn, hoo Kat a hoo Ekrɔn, mí lɛŋnde Aviia le va vɛlɛ nda o ba bɛngu.

1Samiɛl 5:9

Kɛ ndáà tiiyaa dɔ́ɔ́ a ndu lon, mí Mɛlɛka tuisi vanaa va o kobi kon nin-nda kpow sangalan a kɔlta yulan-yulanndan coo. Mí nàà bondokpaa fula nda, kandɔɔ a cuaambɔa kɔ bii a kaasonnda kpede.

1Samiɛl 5:11

Mí nda bɛɛ veelu simlacia Filistia, má dimul nda aa: «La mingi kesu Hala Israɛlla nɛɛ o va-a, yɔŋii naa n cuu vu kpow.» Mí siòòŋii piɔ́mnde bii vannda o kobi kon nin taw. Kani ba Hala-o va vannda sangala bɛndulan tuisio coo taw, má va muungoo yulan-yulan.

2Samiɛl 7:9

Nɛɛ-nɛɛ nɔm óò kɔɛ pɛ, i va nɔm ikɛi. Mí diw yaamɔaa nɔmnda kpow nɔm laci. Mí siinguu nɔm vana tɔ́ɔ́ bɛndoo, maa vanaa tɔ́ɔ́ bɛndua co o lɛŋnden coo-a.

Yosue 15:11

Mí la kɔ demul Ekrɔn a maluaŋ, mí la tundu a ba Sikarɔn-ndo, mí la kei a pembei Baala, mí la tiiya Yabneɛl, mí la kɔ mɛɛlu o mɛmma ihɛllan Mediteranee.

1Samiɛl 6:1

Paangon mún ŋɔmmɛw kesu kpema Mɛlɛka-o va o lɛŋnde Filistia nin.

1Samiɛl 17:52

Mí vanaa cɔvaa Israɛlla a haa Yuda a yonda yonda cɔwvo, má ɲaanun Filistia kɔɔli háá o bóllo landɔnndo, Kat a Ekrɔn ciee-lekɔɔ. Filistia vílɛ́iya va ihini lɛ́ɛ́siɛn o nɛi Saaraim-ndo.

1Dɛnnda lemasalan 7:21

Sabad, Sutela. Mí Esɛr nda Elead, poaa celeŋaa Efraim-nda kɔa le cɔlua vanaa velun o lɛŋnde Kat len nin-nda hiɔlɔɔ, kɛ mí vanaa kan a diw nda.

Amɔs 6:2

La kɔ Kalnee mì la kɔ tofa ɲɛ tosan lon-ndo. La cɛn pɛ lon, la kɔɛ háá o kobi bɛndoo Hamat nin. La cɛn pɛ lon, la tol Kat o Filistia lo. La kela vɔ mɛɛndianndo lende, mì la sina te kobila lan la hiow masɛi niɛi ŋiinnde naŋɔɔ, te lɛŋnde ndalen le hiow le niaalen vaa lebɔɔ.