1Samiɛl 4:5 - BII BILA

⁵ Mɛɛ kesu kpema Mɛlɛka-o tiiyaa dɔ́ɔ́ o dɔ́ɔ́ngɔ́ɔ̀ nin, mí vanaa cɔvaa Israɛlla saan deŋio kpélén háá mí lɛŋnden le ɲiiya.

1Samiɛl 4:5 Referans Kwoze

Yosue 6:5

Lɔ́ɔ́ nda hɔŋnin buloo, mí la tuei bulu kon diom taw-taw-vo, vannda kpow a yonda yonda cɔwvo. O telen kon, kpaki kobio tɛɛndiaanin, mò del. O kon, vana-vana kɔɛ ndu pila o hɔl sanaa le cɔwvo.»

Amɔs 6:3

Kani la co yiyanndo maa la tiwba le paale dɛnɛ palaalen mingio a makɔɔ lándán. Kɛ masale kɔlvesɛilen niaa pila co sɔɔngɔnndo coo lende nuaa ni.

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

SƐBƐ YƆB-O 20:5

le telen bingi kínɛí vana kɔlvesɛiyo tiw dɛnɛ ba ni, kɔlkɛndɛ vana yɔŋ vɔɔndo bendu bu le.

Masaa kialaa n'yamaa 15:14

Tuma nda tiiya Lehi-o, mí Filistia hun ndu bɔŋaa a yoondiaalan le cɔmndo maa a nɔla ndu. Kɛ mí kɔl Mɛlɛka-o toal Samsɔn coo, mó piasa. Fɔ́ɔ́fɔ̀, mí yoei ndáà yiw ndu congúlan a balan-nde kioli cɔ́-cɔ́ maa kɛi ŋɔalɛi.

Yosue 6:20

Mɛɛ vannda yonda yonda cɔwvo, mí bululan la hɔŋnun, mí kpakio komba. Fɔ́ɔ́fɔ̀, mí vana-vana kɔa ndu pila laci sanaa, mí Israɛlla luɛi ciee, má kɔ bii kobio.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

1Samiɛl 4:6

Filistia tueyɔɔ yoondiaala bɛndula lan, má ɲuna aa: «Ko ivɔkɔ-vɔkɔɛi yɛɛ co yɛ hee o dɔ́ɔ́ngɔ́ Israɛlla nin?» Lɔ́ɔ́ nda sina maa kesu kpema Mɛlɛka-o tiiya o dɔ́ɔ́ngɔ́ɔ̀ nin ni-o,

2Samiɛl 15:24

Sadɔk vana-solia-lasálàá, a leviia kpow va nda tɛɛn, a va kɔlan a kesu kpema Hala-o o lebol. Vannda cuu fula lende o kobi kon nin, Abiatar va sálàlan solio tuŋ.

1Masaa 1:40

Mí vannda kpow a va kɔlan ndu kɔɔli, má va sɛ̀ŋndan hɔŋndo. A lo kponyoo tei mí lɛŋnden le va piɔsio o fonda kon.