1Samiɛl 4:4 - BII BILA

⁴ Má viam vannda Silo le kɔlan hunɔɔ a kesu kpema Mɛlɛka-Nɔ-Kpaayaa-Kpow-vo-o, o co icali o mɛlɛkaa kanda ɲɛm Hala-on-nda tɛɛn-ndo pɛɛn. Poaa ŋiɔŋaa Helii-a, Hɔfni nda Pineas a va o kesu kpema Hala-o ikɛi lon.

1Samiɛl 4:4 Referans Kwoze

2Samiɛl 6:2

má can Baale-Yuda nda David-aa le kɔlan hunɔɔ a kesu kpema Hala-o, o ndáà pial diola ndɔlan coo-o, diola Mɛlɛka-Nɔ-Kpaayaa-Kpow-vo lan pɛɛn, o va o mɛlɛkaa kanda ɲɛm Hala-on-nda tɛɛn o kesu kpemaa coo-o.

Condii lisai 80:1

Condii Asaf-e, í fula o condun simlacinɔ vanaa n'condua nin-nde. A bangaa o soli condei he ni.

Kundalan 7:89

Te Moise ndóò luɛi pɛ o cɛi-kola-toandaa-labɔɔŋianndo nin le suukanndo nda Mɛlɛka, kpendekele ndóò tuɛi diomndo sɔɛi o kumbu va o handaa o kesu kpemaa coo-o coo ni. Ó mɛlɛkaa ŋiɔŋaa kanda ɲɛm Hala-on-nda tɛɛn ndóò tuɛi diom kon sɔɛi ni. O kon, mì ndáà suukan nda ndu lende.

Condii lisai 99:1

Mɛlɛka co masaa ni, vanaa-mangalaa-isɔɔa co ɲiiyaa. O co icali o kpɛŋɛ lemasa ndɔɔ nin mɛlɛkaa kanda ɲɛm Hala-on-nda tɛɛn, lɛŋnden le co ɲiiyaa.

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

Malasi 1:9

Mbɔ̀ la piɛi ya Mɛlɛka, mì ɲulul kɔl a niaa! Niaa ca ko aa mì ce niaa ɲia a laasiaa niaa co kon-ndo kpow? Ya Mɛlɛka-Nɔ-Kpaayaa-Kpow-vo ɲuna nuaa ni.

1Samiɛl 2:22

Helii ndóò yuuva nin taw, mó tuɛi ɲɛ poaa ndɔa va tosaa a Israɛlla-o, mó tuɛi vɛlɛ maa a va hinilan a vanlaandua va hunɔɔ baalaa tosaa o Cɛi-Hala-o sondoo-a.

Kundalan 4:15

Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni.

Kundalan 4:5

Te la puusiaa pɛ dɔ́ɔ́ngɔ́ niaa vanin nin-ndo le hiovɔɔ laci, mì Aarɔn nda poaa ndɔa timbi kola-landaa kelu Fonda-Diandaa a Fonda Diandaa-Diandaa tɛɛn-ndo, a kuumbuu ndu o kesu kpemaa coo,

1Samiɛl 1:24

Lɔ́ɔ́ Anɛɛ soli poo mɛɛlen o sondo-o, má bii naw tova vɔsila yaa-o nda pɔnɔ ndɔ, má cua kpeyanndo bɔlɔɔ pilɛ a mɔiyan hemndo ca, má kɔa a Samiɛl o Cɛi-Mɛlɛka-o nin Silo. O va vɔ o pɔmbɔ-pɔmbɔ má kɔa a ndu.

2Samiɛl 15:24

Sadɔk vana-solia-lasálàá, a leviia kpow va nda tɛɛn, a va kɔlan a kesu kpema Hala-o o lebol. Vannda cuu fula lende o kobi kon nin, Abiatar va sálàlan solio tuŋ.

Esai 37:16

«Mɛlɛka-Nɔ-Kpaayaa-Kpow-vo, Hala Israɛlla, nɔm co icali o mɛlɛkaa kanda ɲɛm Hala-on-nda coo-o, nɔm pilɛ kpé co Hala le masɛi co o lɛŋnden coo-e kpow ni! Nɔm cɔw halataalaa a lɛŋnden ni.

1Samiɛl 14:3

Vana-solia-lasálàá va lon, po Ahitub puapilɛ I-Kabɔd-o. I-Kabɔd kon yɛ, Pineas po Helii-o velu ndu ni. Doma ifalen solia lasálàá va ndu lekɔɔ, ndu va vana-solia-lasálà Mɛlɛka-o Silo ni. Vanaa cɔwva ve sina maa Yonatan ndóò kɔɛnnun te.

Condii lisai 80:2

Nɔm co maa Vana mandaa n'saa le Israɛl-lo, yaŋ naa nilan yandi, nɔm co vanaa nɔmnda simndan laci maa cɔlua kunda-o, nɔm co icali mɛlɛkaa kanda ɲɛm Hala-on-nda tɛɛn-ndo, cɔmnun vakpa o biilu nɔmndo nin.