1Samiɛl 4:3 - BII BILA

³ Lɔ́ɔ́ vanaa lo yoomu-a muungu o dɔ́ɔ́ngɔ́ɔ̀ nin-ndo, mí kaasoŋaa kɔlkalua Israɛlla va ɲuunianndo aa: «Le kɔlɔ yɛɛ nɛ Mɛlɛka cɛl-lɛ mí Filistia diw naa hau nuaa? Hee ndi, n kɔnnun ndɔ Silo mì n kɔ cuannun kesu kpema Mɛlɛka-o, mò hun va naa tɛɛn, mò baŋa naa yaamɔaa naa o ba.»

1Samiɛl 4:3 Referans Kwoze

Yude 1:5

La sínà sɔɛi ken ɲɛkɛndɛ-kɛndɛ, i yeema mi yiyalan niaa mɛɛ Mɛlɛka baŋa Israɛlla o lɛŋnde Esipte len nin, kɛ mó diw vanaa kɛɛ le ndu laalanndo-a.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

2Timote 3:5

A vanin Hala vow a lahɔl, kɛ mà kɛɛ kpaaya Mɛlɛka kpeekpeiyo. Faŋan vanaa vaa lende kɔɔli.

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

Yeremi 3:16

Telen niaa kuinin mì la pɛ lɛŋnden ca-o, vana suu lɛnin a kesu kpema Mɛlɛka-o o kɔɔ le. Ya Mɛlɛka co sɔɛi nuaa ni. Vana yiyan ndɛnin a ndu o kɔɔ le. Vana loonun ndɛnin a ndu o kɔɔ le. Hali mo ve lɛ le, vana yiyan ndɛnin a ndu le, o celen selnun ndɛnin vɛlɛ le.

Esai 58:3

A co ɲunaa aa: «Tɔnɔ yɛɛ naa n nɔ yɛ le sumndo biyɔɔ te nɔm (Mɛlɛka) co ndi cɔ le? Tɔnɔ yɛɛ naa n nɔ yɛ le naa pila tuisinndo tootoo te nɔm co naa saalan te?» O kon mí Mɛlɛka muli aa: «O co fondo le, paale niaa co sumndo biyɔɔ len, la co yiyannda niaalan tosaa, la co vanaa baalaa niaa saangiaa a kɔlvesɛiyo.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Condii lisai 74:11

Le yɛɛ n calnun yɛ nuaa, a co ɲɛ-ɲɛ tosa le? Le kɔlɔ yɛɛ n kafala yɛ balan?

Condii lisai 74:1

Condii Asaf-e. Kpòkóó Hala! Le yɛɛ n co yɛ naa yomnɔnndo ho nuaa? Le kɔlɔ yɛɛ n co yɛ kɔllo tuuloo a naa, naa cɔlua n co mandaa-a?

1Dɛnnda lemasalan 17:1

Lɔ́ɔ́ David cal o cɛi ndɔ lemasaa nin-ndo, mó dimul Natan vana-tɛɛngaa-diom Hala-o aa: «Tofa vɔ, ya i co icali o cɛi tangulun a yɔmii sɛɛdrei-yo nin, mi kesu kpema Mɛlɛka-o ndu va o cɛi-kola-toandaa nin.»

2Samiɛl 15:25

Mí masaa dimul Sadɔk aa: «Mingi kesu kpema Hala-o ciee. Te Mɛlɛka ce vɔ pɛ ya ɲia, o co ya mingi, mì kɔ cɔ vɛlɛ kesu kpemaa a Cɛi-Diandaa o co nin-ndo.

1Samiɛl 14:18

Mí Saul dimul Ahiya vana-solia-lasálàá aa: «La hun a kesu kpema Mɛlɛka-o nanu.» Ɲinkon yɛ, kesu kpema Hala-o va o dɔ́ɔ́ngɔ́ Israɛlla nin.

Yosue 7:7

Mí Yosue dimi aa: «Éé Maalii, Mɛlɛka! Le yɛɛ nɛ n tɛɛnguu yɛ naa peo Yurdɛn le naa hunɔɔ malɔɔ Amoriia o ba mà diw naa? Ndóò va fisa mí naa n lonnún Yurdɛn leeloo.

Yosue 4:7

La mulul nda aa: ‹Lɔ́ɔ́ kesu kpema Mɛlɛka-o va Yurdɛn taŋɔɔ-o, mí mɛnndan ma kiolu tɛɛn ndu laci, mí ma sɛyan. Powtan ndan la co ɲɛ loonanndo le Israɛlla le fɛɛn a fɛɛn ni.›»

Tɔŋ miingua 31:26

«La bii sɛbɛ tɔŋndo ho, mì la kɛsi ndu o kesu kpema Mɛlɛka Hala niaa ikɛi. Lon o vanin o kɛsiaa le vaa seilen le Israɛlla ni.

Tɔŋ miingua 29:24

O kon, a mululnin nda aa: ‹Kani kpema Mɛlɛka, Hala fuɲa ndaa mamaa yii a nda, mó mɛnalan nda telen o soli nda Esipte-o-o nda mal ni.

Kundalan 31:6

Mí Moise viam nda kpow o cɔwvo. Mó mal nda Pineas, po Eleasar vana-solia-lasálàá kɔɔli. Pineas kon ɲɛm diandan co le vali Mɛlɛka-o-on va o ba ni, a bulula hɔŋaalan le tɔɔmaseloo yɔngoo le cɔwvo kaandɔɔ.

Kundalan 10:35

Telen oo telen ndáà cɛn pɛ a kesu kpemaa le kɔlan, Moise ndóò piɛi Mɛlɛka aa: «Cɔn, Mɛlɛka, haliko mi yaamɔaa nɔmnda sɔɔndian, mì vanaa nɔ nɛyɔn nɔmndo-a ɲaanun nɔm polon.»

Kundalan 10:33

O kon mí Israɛlla faŋan o pembii Mɛlɛka-e, má kɔa palɛi ndii yáá yɛngɛsɛɛ. O palɛi yaii ken bɛngu, kesu kpemaa va kɔlan nda laci le fonda ndáà bɛnda le dɔ́ɔ́ngɔ́ɔ̀ kilaa-o nuwviaa.

Yosue 6:6

Mí Yosue, po Nun-ndo veelu vanaa-solia-lasálàá, mó dimul nda aa: «La siilun kesu kpemaa, mì vanaa ŋɔmmɛw o niaa tɛɛn cua bulula hɔŋaalan tan ŋɔmmɛw, leela saa kóndólan pɛɛn, mà sim kesu Mɛlɛka-o laci.»

Yosue 7:8

Éé Maalii! Mɛɛ Israɛlla ɲaanun yaamɔaa ndaa nuaa yɛ, yɛɛ ya dimi yɛnin kpeekpei?

1Samiɛl 1:24

Lɔ́ɔ́ Anɛɛ soli poo mɛɛlen o sondo-o, má bii naw tova vɔsila yaa-o nda pɔnɔ ndɔ, má cua kpeyanndo bɔlɔɔ pilɛ a mɔiyan hemndo ca, má kɔa a Samiɛl o Cɛi-Mɛlɛka-o nin Silo. O va vɔ o pɔmbɔ-pɔmbɔ má kɔa a ndu.

1Samiɛl 4:2

Mí Filistia bɛɛndian le Israɛlla cɔlɔbaa. Cɔwvo tuuloo tei, mí Filistia nɔla Israɛlla. Má diw nda o fó-fó kon háá le n'van vàála hiɔɔlu.

Esai 59:1

Ɛ-ɛ, Hala bumba vana ciindiaa le, nile ndɔlen bɛɛ le co lebaŋulɛi kpíŋ le kɛɔ tueyɔɔ le.

Esai 59:2

Kɛ yɔŋnda vɔɔnnda niaalan la sɛi niaa a Hala niaa ni, hakila niaalan la vin niaa hɔlaa ndɔa ni, mí la kuuna ndu le niaa nilan yaŋɔɔ.