1Samiɛl 4:2 - BII BILA

² Mí Filistia bɛɛndian le Israɛlla cɔlɔbaa. Cɔwvo tuuloo tei, mí Filistia nɔla Israɛlla. Má diw nda o fó-fó kon háá le n'van vàála hiɔɔlu.

1Samiɛl 4:2 Referans Kwoze

Cɛɛŋɔnnda Yeremi lan 3:40

N mɛɛndian ndɔ kelala naalan, n dɔwnun-ndɔ lan taasi, o kon, mì n muungun Mɛlɛka o ibuŋ.

1Samiɛl 17:21

Israɛlla va a simulannda nda Filistia le cɔwvo.

1Samiɛl 17:8

Mí Koliat sim, mó yondal vanaa cɔvaa Israɛlla aa: «Le yɛɛ niaa fula yɛ mí la sim le cɔwvo a naa? Ya Filistinɔɔ ya co ni, niaa yɛ cɛa Saul-la niaa co ni. La hɛli vɔ hau vana pilɛ o niaa tɛɛn mì vana kon hun simul-la.

Yosue 7:12

Lelan, à nɔlanin yaamɔaa ndaa simullo le, ɲaanɔnndo tuŋ nda vanin nda ni, kani a del kasi. Te la tɛɛmbuu ɲɛm ya kuuna niaa mun le cuaa-on te, i ve lɛnin niaa tɛɛn te few.

1Samiɛl 4:1

Mí Israɛlla kpow a tuɛi a sɔɛi Samiɛl-le o kɔɔ. Paale pum, mí Israɛlla cuungian Ebɛn-Esɛr (kon co dimio ni aa «Pow mala vana-o») le bɔŋanndo a cɔwvo nda Filistia. Mí Filistia nda kila dɔ́ɔ́ngɔ́ ndaa Afɛk.

1Samiɛl 4:3

Lɔ́ɔ́ vanaa lo yoomu-a muungu o dɔ́ɔ́ngɔ́ɔ̀ nin-ndo, mí kaasoŋaa kɔlkalua Israɛlla va ɲuunianndo aa: «Le kɔlɔ yɛɛ nɛ Mɛlɛka cɛl-lɛ mí Filistia diw naa hau nuaa? Hee ndi, n kɔnnun ndɔ Silo mì n kɔ cuannun kesu kpema Mɛlɛka-o, mò hun va naa tɛɛn, mò baŋa naa yaamɔaa naa o ba.»

1Samiɛl 4:10

Mí Filistia tiŋ Israɛlla a cɔwvo, má nɔla nda, mí vana-vana ɲaanun o cɛi-kola-toandaa ndɔɔ nin, mí ɲɔɔ yɔŋnun dɛnɛ palaa bɛndoo pila le nda. Vanaa cɔwva vaalan beleyaa a sɔla piɔ́mndo Israɛlla tɛɛn ni.

Tɔŋ lasálàá 26:37

Hali mì vana ve nda tovɔɔ le, a boŋinin o nda pila vellaa-velle mɛɛ vana ɲaalun mɔɛi cɔvii yaamɔɔ nuaa yɛ. A nɔlanin yaamɔaa ndaa simullo le.

Kundalan 14:45

Mí Amalɛkea a Kanaŋaa va icali o pembon coo-a toal, má soaŋ nda taw, má toaw nda háá Hɔrma, ma sɛŋin.