1Samiɛl 4:10 - BII BILA

¹⁰ Mí Filistia tiŋ Israɛlla a cɔwvo, má nɔla nda, mí vana-vana ɲaanun o cɛi-kola-toandaa ndɔɔ nin, mí ɲɔɔ yɔŋnun dɛnɛ palaa bɛndoo pila le nda. Vanaa cɔwva vaalan beleyaa a sɔla piɔ́mndo Israɛlla tɛɛn ni.

1Samiɛl 4:10 Referans Kwoze

2Masaa 14:12

Mí Israɛlla nɔla Yudaa, mí vana-vana ɲaanun o ndu lo.

1Samiɛl 4:2

Mí Filistia bɛɛndian le Israɛlla cɔlɔbaa. Cɔwvo tuuloo tei, mí Filistia nɔla Israɛlla. Má diw nda o fó-fó kon háá le n'van vàála hiɔɔlu.

Tɔŋ miingua 28:25

Mɛlɛka malnin niaa yaamɔaa niaa o ba, mà nɔla niaa. Te la kei pɛ o nɛiyo ndu pilɛ coo le kɔlan nda cɔlɔbaa, la ɲaanunnin nda, mì la sɔɔndian o nɛilan tan ŋɔmmɛw. Dɛnɛ niaa kon lueinin masɛi co o lɛŋnden coo-e kpow siòònde.

Tɔŋ lasálàá 26:17

I mululunnin niaa, yaamɔaa niaa koaŋnin niaa, mì vanaa nɔ nɛyɔn niaa-a kɛsin niaa nda o labɛngunin. La ɲaanunnin hali mì vana ve niaa tovɔɔ le.

2Samiɛl 18:17

Má cua Absalɔm o vílɛ́iyo, má viaw ndu o soon yingilaa bɛndoo pum nin o bundɔɔ tɛɛn. Má dii powtan kunda bɛndoo ndu coo. Tuma kon Israɛlla kpow a va ɲaanɔnndo, vana-vana va muungoo o ndu lo.

Condii lisai 78:9

Vanaa fula o polale Efraim-nden nin-nda ndáà nɔ kɔɔn o laba o paale cɔwlen, kɛ a kon kpede, má sɔɔndian.

2Dɛnnda lemasalan 25:22

Mí vanaa cɔwva Israɛl nɔla vanaa cɔwva Yuda. Má sɛŋin, má ɲaanun o la nda lo.

2Dɛnnda lemasalan 13:17

Mí Abiya nda vanaa ndɔa cɔwva koaŋ nda koŋɔɔ pila, má diw vanaa cɔvaa Israɛlla vaalan kɛmɛ leŋuɛɛnu.

1Masaa 22:36

Paalen delɔɔ, má yonda aa: «Vana-vana muungu o kobi ndɔ nin, o lɛŋnde ndɔlen nin!»

1Masaa 12:16

Mɛɛ Israɛlla kpow a ce maa masaa ve nda lani yaŋɔɔ le, má mulul ndu aa: «Yɛɛ co yɛ naa tɛɛn naa David-aa? N nɔ kɛ́ latulu naa po Yisai-yo-aa le! Sei! Naa Israɛlla, n muungun o la naa lo cɛinin. Nɔm po David-o ho, a ce cɛi nɔmndo, koma tosa mɛɛ n yeema yɛ.» O kon, mí Israɛlla muungun o la nda lo.

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

2Samiɛl 19:8

Lelan sisa, cɔn mà fula, mà kɔ soo o vanaa nɔmaa baalaa lo. Kani le Mɛlɛka co hoo yoomu-o, taa fula le, vana-vana lonin nɔm kɔɔli cɔɛllɛn te. Kon tosan yɛ pɛ, dɛnɛ palaa toalnin nɔm coo-o hiawnin kalei a dɛnnda palaala kei nɔm coo kabi kandɔɔ o felengiyɛi nɔmnde nin-ndan.»

2Samiɛl 18:7

Mí vanaa cɔvaa David-a nɔla vanaa cɔvaa Absalɔm-nda, má diw vannda vaalan bidiin nda tɛɛn paale len.

Tɔŋ miingua 28:15

«Kɛ te la bii diom Mɛlɛka Hala niaa le, te la kindin le kelaa o silala ndɔlan a o tɔŋnda ndɔla ya co niaa hau yɔngoo lan coo le, dangala toalnin niaa coo lan la vanin ndan ni:

Yeremi 7:12

Lelan, la kɔ Silo o fonda ni diandaa, nɛɛ diola nilan la va veelɔnndo o tasendɔ-a, mì la kɔ tofa mɔnɛ ya soli a fonda kon, le dɛnɛ vɔɔn vanaa niaa Israɛlla tosa-o.

1Samiɛl 3:11

Mí Mɛlɛka dimul Samiɛl aa: «I co hunɔɔ dɛnɛ tosa Israɛl, vana-vana tuei ndu pɛ, nilan la baŋul ndu.