1Samiɛl 3:9 - BII BILA

⁹ Mí Helii dimul Samiɛl aa: «Muungu mà kɔ hini. Tàà veelu nɔm nihau pɛ, a muli aa: ‹Soo Mɛlɛka, vana nɔm baalaa co nɔm lani.›» O kon kɔɔli, mí Samiɛl muungu o fonda ndɔ hinia, mó kɔ hini.

1Samiɛl 3:9 Referans Kwoze

Fulaa 20:19

O kon má dimul Moise aa: «Nɔm pila soo nin o naa lo, mì n bii sɔɛi nɔmnde. Kɛ Hala soaa lɛ o naa lo sakpo le, yɔŋii naa n sɔla piɔ́mndo.»

Esai 6:8

O kon, mí tuɛi diom Maalii-o, mó ɲuna aa: «Nɛ̀ɛ́-nɛ̀ ya viam yɛnin nɛ? Nɛ̀ɛ́-nɛ̀ kɔa yɛnin le naa?» Mí muli aa: «Má cè ya! Viom ya.»

Condii lisai 85:8

Éé Mɛlɛka! Cɔm naa maa vana lo o lediom coo-o n co ni, mà ciindiaa naa.

Dɛnnda kiilaa 9:6

Kɛ cɔn mà kɔɛ ciee. A kɔ dimulnin nɔm ɲɛ n bɛnda ma tosa-o.»

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

1Samiɛl 3:8

Mí Mɛlɛka veelu vɛlɛ Samiɛl o bɛmbɛ yàándɔɔ aa: «Samiɛl!» Mí Samiɛl can mó kɔa nɛɛ Helii va-a, mó kɔ dimul ndu aa: «I hin veelu n veelu ya-o!» O kon, mí Helii sina dɔ́ɔ́ maa Mɛlɛka va poombɔɔ veeloo ni.

1Samiɛl 3:10

Mí Mɛlɛka hun sim vɛlɛ o fonda pilɛ kon, mó veelu aa: «Samiɛl! Samiɛl!» Mí Samiɛl muli aa: «Soo, vana nɔm baalaa co nɔm lani.»

Yosue 5:14

Mí vana kon muli aa: «I co o kunda kɛ́-kɛ̀ coo le. Ya co simlacinɔ vanaa cɔvaa Mɛlɛka-a ni, hunɔɔ koni ya co nuaa ni.» Mí Yosue del o kuumbuan ndu o hɔl, mó dimi aa: «Yɛɛ nɔm vana ni bɛndoo nɔ yɛ le ya vana nɔm baalaa dimullo?»

Condii lisai 85:9

I tuɛi ɲɛ Mɛlɛka dimio, o co sɔɛi le kɔlɲulu vanaa ndɔa a vanaa laalan ndu-a, haliko a muungu lɛ o diɔmii ndɛi nin te.