1Samiɛl 3:21 - BII BILA

²¹ Mí Mɛlɛka hiaw laci a cɔmnɔnndo Silo, kani lon ndóò cɔmnun Samiɛl o sɔɛi ndɔɛi nin ni.

1Samiɛl 3:21 Referans Kwoze

1Samiɛl 3:1

Samiɛl va baala Mɛlɛka-o tosaa Helii o ba bɛngu. O telen kon yɛ, Mɛlɛka ndóò suu ka cuɛi-cuɛi o vanacieo lo le, ndóò cɔm vɛlɛ ka vanacieo vundulen cuɛi-cuɛi le.

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

1Samiɛl 3:4

Mí Mɛlɛka veelu Samiɛl. Mí Samiɛl cɛl aa: «Yoo!»

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

1Samiɛl 3:10

Mí Mɛlɛka hun sim vɛlɛ o fonda pilɛ kon, mó veelu aa: «Samiɛl! Samiɛl!» Mí Samiɛl muli aa: «Soo, vana nɔm baalaa co nɔm lani.»

Yeremi 41:5

Mí vanpiaandua belaŋɔmaa fula Sikɛm, Silo a Samari, ndáà nɔ siayun sendian a volɔɔla sɛɛsiɛilan nda lekɔɔ, boolɔnndan la va nda kɔɔlen kpede. Má hun a kela n'mal tan a ansan le lan yɔngoo o Cɛi-Hala-o nin Yerusalɛm.

Tɔŋ miingua 29:10

Hɔ́aa niaa, laandaa niaa a mialaa co niaa o bɛngu coo le niaa yɔmnde kiŋndo, te kon te le niaa mɛnndan kondullo-a bɛɛ a co isisi nanu.

1Samiɛl 9:15

Nduyɛ, lɔ́ɔ́ pá mí Saul ciikan nda Samiɛl, Mɛlɛka ndóò cii nin Samiɛl dimul aa:

1Samiɛl 10:19

Mí Samiɛl dimi vɛlɛ aa: «Kɛ niaa kan te co hau Hala niaa soli niaa kon o sangalan nin a o dɛnnda palaalan nin-ndo kɛɔ, mí la muungu ndu dimullo aa ‹Ke naa masaa› le? Lelan, la hun niko o Mɛlɛka lo mɛɛ polama niaan a yungula niaalan la co yɛ́-yɛ́ yɛ.»