1Samiɛl 3:12 - BII BILA

¹² Paale len, i tosanin ɲɛ yáà tuu le Helii nda yungu ndɔɔ tuisio coo-o, i mɛinin ɲɛ-ɲɛ le.

1Samiɛl 3:12 Referans Kwoze

Luke 21:33

Halataalaa a lɛŋnden le hiawnin, kɛ sɔɔn nun hiwnin te.»

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Yosue 23:15

Nduyɛ, maa mɛɛ Mɛlɛka Hala niaa peelu kpemala kɛndɛla ndóò yiilu niaa lan yɛ, lende koni o peelunin dɛnnda palaala o kɔngɔlan le niaa tuisio coo lan ni, háá mì la hun cuu itambu o lɛŋnde kɛndɛle o yɔngu niaa len coo.

Kundalan 23:19

Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.

Esekiɛl 21:5

O kon, mí (ya Esekiɛl) dimi aa: ‹Éé Maalii, Mɛlɛka nuu, vanaa kan co dimio a ya o kɔɔ aa talelan koni ya co dimio a miinguuvo ni.›

Masaa kialaa n'yamaa 4:24

Mí Israɛlla tisa Yabin masa Kanannda kɔɔli háá má dii ndu kɔsɔ.

1Samiɛl 4:11

Mí Filistia poonda kesu kpema Hala-o, mí poaa ŋiɔŋaa Helii-a, Hɔfni nda Pineas bɛɛ a sɔla piɔ́mndo.

1Samiɛl 4:17

Mí langbanɔɔ mulul ndu aa: «Israɛlla ɲaanun Filistia. Vanaa naa cɔwva vi taw. Hali poaa nɔmaa ŋiɔnda, Hɔfni nda Pineas, a sɔla piɔ́mndo. Handɔɔ o kon coo, Filistia kɔɛnnun vɛlɛ a kesu kpema Hala-o.»

1Samiɛl 4:21

Viovɔɔ ka-ka, mó dimi aa: «Le tùú biilu Hala-o faŋan Israɛl-lo, i ke hɔ́ɔ́ ho diolan aa I-Kabɔd.» Kon co dimio ni aa «Biiloo cuu.» Le kɔnnda ndáà kɔɛnnun a kesu kpema Hala-o lan a le piɔ́m pɔnɔ ndɔ bɛndoo nda pɔnɔ ndɔ sɔla-o ndóò yɔngu diola lan lende ni.

1Samiɛl 4:22

Le kɔnnda yaamɔɔa kɔɛnnun a kesu kpema Hala-o lan o dimi ni maa biiloo faŋan Israɛl.