1Samiɛl 28:3 - BII BILA

³ Lɔ́ɔ́ Samiɛl vi-o, mí Israɛlla kpow a tosa biisi ndɔɔ, má kumbu ndu Rama o kobi ndɔɔ nin. O kon kɔɔli, mí Saul kɛɛ vanaa soolaa n'vanvílɛ́iya a vanaa viamaa yavaa o masale ndɔlen nin.

1Samiɛl 28:3 Referans Kwoze

1Samiɛl 25:1

A boondii ken, mí Samiɛl vu. Mí Israɛlla kpow a cuungian le biisi ndɔɔ tosaa, má kumbu ndu o ndu lo Rama. O kon kɔɔli, mí David can, mó tuusu o lɛŋnde veselɛilen Paran nin.

Tɔŋ lasálàá 20:27

Lelan, te vanapɔnɔɔ, te kon te vanalanɔɔ nɔ pɛ kpaaya o suukan a vanvílɛ́iya-o, te kon te vanndo va pɛ vana mangalaa le suukanndo a vanvílɛ́iya, vanaa nɔ kan kpaaya kon-nda bɛnda mà sɔla piɔ́mndo. Israɛlla bɛnda mà lo vanaa kan viiyo a powtan háá mà vi, kani nda pila nuwviaa piɔ́m kon ni.»

Tɔŋ lasálàá 19:31

La sɔ́ɔ́nguu vanaa soaa a vanvílɛ́iya-a ikɛi le, la sɔ́ɔ́nguu vanaa mangalaa ikɛi le, yɔŋii niaa nɔɔlian maa nda. Ya co Mɛlɛka ni, Hala niaa pɛɛn.

Fulaa 22:18

Vana-vana hini pɛ a cɔloo, ndu bɛnda mò sɔla piɔ́mndo kangalan.

1Samiɛl 28:9

Mí cua kon ɲuna ndu aa: «Kɛ nɔm pila sina ɲɛ Saul tosa-o válán: o cii dɛnɛ soolaa n'vanvílɛ́iyo a dɛnɛ viamaa yavaa kuuna o lɛŋnden nden nin. Le kɔlɔ yɛɛ nɛ n yeema yɛ niko le ya yaŋɔɔlen hendullo haliko mi sɔla piɔ́mndo?»

1Samiɛl 15:23

Kani mɛɛ yavaa vomɔɔ co dɛnɛ vɔɔndo yɛ, lende koni nila kalulan la co dɛnɛ vɔɔndo ni. Mɛɛ piɔmaa tongoninnda sooloo co dɛnɛ nɔɔlɛiyo yɛ, lende koni sɔɛi biyaa lepɛŋnde co dɛnɛ nɔɔlɛiyo ni. Lelan, mɛɛ n kɛɛ le diom Mɛlɛka-o biyɔɔ yɛ, Mɛlɛka bɛɛ kɛɛ nɔm. A co lɛ masa le.»

1Samiɛl 7:17

malan ndóò muungu o ndu lo Rama. Lon calta ndɔlan la va ni, lon ndóò kialu yaman cuavaa Israɛlla tɛɛn ni, lon koni ndóò tangul vɛlɛ fonda-loamaa-lasálàá le Mɛlɛka ni.

Tɔŋ lasálàá 20:6

Te vanndo mulin pɛ o vanaa soaa a vanvílɛ́iya-a lo a o vanaa mangalaa lo, mò laasian nda kɔɔli, i hinulnin vana kon mì faŋa ndu Israɛlla tɛɛn le laasian ndɔ kon.

Fulaa 22:17

La cɛl mì vanalanɔ mangalaa va yoomu niaa tɛɛn te.