1Samiɛl 27:1 - BII BILA

¹ Mí David pila dimi o kɔl ndɔɔ nin aa: «O va paale pum, Saul co ya diyɔɔ. Lelan o co fisa mì hɛlun ndu, mì kɔɛnnun o lɛŋnde Filistia nin. Te o ve lɛ ya cɔ o lɛŋnde Israɛl-ten nin te, o tuw lɛnin ya le.»

1Samiɛl 27:1 Referans Kwoze

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

1Samiɛl 23:17

Mó dimul ndu aa: «Siòòŋii bii nɔm te. Saul fuɲa ni nɔlanin nɔm biyɔɔ le. Nɔm vanin masa Israɛlla ni, mì ya i va nɔm ikɛi. Ndu pila bɛɛ sina nin ken.»

Talelan 13:12

Vanndo hiw pɛ ɲɔɔ pum viovɔɔ cumndo, o tambu kɔllo. Kɛ maa yɔm cindaa yeemɛi peelun-nde co ni.

Condii lisai 116:11

I va o sangaa nin mí dimi aa: «Vannda kpow, còòlan nda dimi ni.»

1Samiɛl 29:2

Simlacia Filistia va kɔlan kundala n'van kɛmɛ-kɛmɛlan a kundala n'van vàá-vàálan laci. Mí David nda langbaa ndɔa a masaa Akis va hunɔɔ nda kɔɔli.

1Samiɛl 25:30

Tuma Mɛlɛka tosalnin nɔm dɛnnda kɛndɛla o yiilu nɔm kpemaa lan kpow, mò siinguu nɔm simlacinɔ Israɛlla-o,

1Samiɛl 22:5

Paale pum, mí Kad vana-tɛɛngaa-diom Hala-o dimul David aa: «Lo o vionnɔnndo nin te, cɔn mà muungu o tàndá Yuda-o nin.» O kon mí David can, mó kɔ kila caltan o bundɔɔ Herɛt nin.

1Samiɛl 16:13

Mí Samiɛl cua lee macuɛiyo, mó tala cuɛima va lenin-ndan David o lebol bɛndaa ndɔa o hɔl. Kandɔɔ paale len, mí kɔl Mɛlɛka-o toal David coo. Mɛɛ Samiɛl cii tosa lende, mó can, mó muungun Rama.

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

Fulaa 14:12

Le hee naa n dimul nɔm telen naa n va vɔ lon-ndo ni aa mal naa mì n vannun cɛa Esiptea. Kani Esiptea vaa o ba o cɛlen nin co fisa le naa a piɔ́mndo sɔlaa o lɛŋnde veselɛilen nin.»

2Korɛntea 7:5

Kani telen naa n tiiya Maseduan-ndo, n sɔla pɛngi le: sɛɛngianndan la va ba-ba fee, siòònde va naa.

Marke 4:40

O kon mó ɲuna nda aa: «Le yɛɛ niaa nɔ yɛ siòònde nuaa taw? La nɔ manɔa laalan te?»

Matie 14:31

Fɔ́ɔ́fɔ̀, mí Yeesu siɛndi baa, mó saa ndu, mó dimul ndu aa: «Laalan nɔmndo dɔɔnan bɔɔ, le yɛɛ n kiisan yɛ?»

Kundalan 14:3

Le kɔlɔ yɛɛ Mɛlɛka co yɛ naa yɔɔ ho o lɛŋnden nden nin le kɔlan piɔ́mndo sɔlaa o mɔɛi cɔwve bɛngu, mì yaamɔaa naa kɔ poondiaa laandaa naa a hɔ́aa naa? O co fisa le naa mì n muungun Esipte le?»

1Samiɛl 26:19

Masaa, vana ni bɛndoo, yaŋ-ndɔ nilan, ma tuei ɲɛ ya vana nɔm baalaa co dimi-o. Te Mɛlɛka vem nɔm hee ya tosallo ni, màá sálà ya co ndu solul-lo ɲulul ndu kɔllo! Kɛ te vanndacieea vem nɔm hee tosaa ni, màá Mɛlɛka dɔw nda danga! Kani vannda co ya hau tovɔɔ mà va ya kuunaa calle o lɛŋnde Mɛlɛka ke vanaa ndɔa kɛ́ɔ len nin, kon co dimio ni maa ya kɔ sooluu halaa celennda.

1Samiɛl 29:3

Mí simlacia Filistia ɲuna aa: «Hebreaa kuɛɛ nɛ co yɛ haa?» Mí Akis mulul nda aa: «David ni, ó va buɛi Saul masaa Israɛl-lo pɛɛn. O co nin vɔsila bɔɔ-bɔɔ a palɛi bɔɔ-bɔɔ o co ya o ba bɛngu. Kɛ kandɔɔ o paale o faŋan vana ndɔ bɛndoo kɔɔli len, hun bii a hau, i ci ɲɛ-ɲɛ vɔɔn o kela ndɔɔ nin te.»

1Samiɛl 20:3

Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

1Masaa 12:26

Mí Yeroboam dimin o kɔl nin aa: «Te i tosa pɛ mamɔɔlan, masale nilen le co muungu o David lo cɛinin.

1Masaa 12:28

Le hee, mí masaa Yeroboam nuwviaa nɛilan, mó cɔaw navaa téndéa nda ŋiɔn a sianion, mó dimul vannda aa: «Éé Israɛlla! O co lɛhau le niaa kandu sangaa le kɔlan Yerusalɛm te. Lelan, la tofa vɔ halaa niaa, a soli niaa o lɛŋnde Esipte len nin-nda!»

1Masaa 19:3

Elii cɔu lende, mó can, mó kɔannun le yoomu ndɔɔ ciindiaa. Mó kɔa Bɛɛr-Seba, o tàndá Yuda-o nin, mó kɔ mɛi buɛi ndɔɔ lon,

2Dɛnnda lemasalan 25:17

Amasia va masaa Yuda-o ciiyo sɔɔn vanaa ndɔa silaa tueyɔɔ, mó viam kiilaa o Yoas va masaa Israɛl-lo lo. Yoas kon, po Yoahas-o a po imama Yehu-o o va ni. Má kɔ dimul ndu aa: «Hun, mì n hun cɔman vanapɔnɔyɛi a cɔwvo.»

Condii lisai 55:7

I va yiyanndo aa te yáà sɔla pɛ kumbanndan maa poonpoon, i va cɔnɔn mì yáà kɔɛnnun nɛɛ celen.