1Samiɛl 26:9 - BII BILA

⁹ Kɛ mí David mulul Abisai aa: «Dii ndu le! A sina pá maa vana-vana hol pɛ masa Mɛlɛka pɔla-o baa, vana kon sɔla sangaa?»

1Samiɛl 26:9 Referans Kwoze

2Samiɛl 1:14

Mí David ɲuna ndu aa: «Vɛ̀ɛ̀ siòòŋii bii nɔm le masa Mɛlɛka pɔla-o diyɔɔ le?»

Condii lisai 105:15

«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»

2Samiɛl 1:16

Mí David dimi aa: «Nɔm pila cii yaalan, kani a dimi maa nɔm dii masa Mɛlɛka pɔla-o ni. Lelan nɔm pila nuwviaa piɔ́m nɔmndo ni.»

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

1Samiɛl 26:8

Mí Abisai dimul David aa: «Hala cii haw yaamɔɔ nɔmndo malɔɔ nɔm o ba. Lelan cɛl mì kɔ baŋ ndu lɛŋ o lepilɔɔ a bál ndɔɔ, o lepilɔɔ kpé, i peinin lediin te few.»

Condii lisai 7:4

Mɛlɛka Hala nuu, te i tosa pɛ dɛnɛ pum, te i luei pɛ balan o dɛnɛ vɔɔndo nin,

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

2Samiɛl 19:22

O kon mí Abisai, po Seruya-o soaa, mó ɲuna masaa aa: «Vɛ̀ɛ̀ le hee Simei yeow hoo masa Mɛlɛka pɔla-o-o kɛɛnin piɔ́mndo sɔla ni?»

Condii lisai 17:4

I cen tombola o dɛnnda vannda co tosaa lan coo le, sɔɔn fula nɔm o sondo-on ya del kɔɔli ni, mí va mandanndo a nɛila vanaa kɔlvesɛiya.

Condii lisai 57:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa: «Tɛ́ɛ́mbùù le»-o o soli ndi ni. Telen David hɛlun Saul o buululan nin mó ɲaanun-ndo o soli condei he ni aa: