1Samiɛl 26:6 - BII BILA

⁶ Mí David veelu Ahimelɛk Hitiinɔ nda Abisai po Seruya-o, pɔmbɔɔ Yoab pɛɛn, mó ɲuna nda aa: «O niaa tɛɛn, ɔ́ɔ̀ vana cɛlnin mì n kɔɛ naa ndu háá o dɔ́ɔ́ngɔ́ Saul-lo nin-ndo?» Mí Abisai muli aa: «Ya i co lakɔ nɔm kɔɔli.»

1Samiɛl 26:6 Referans Kwoze

2Samiɛl 2:18

Poaa yáá-aa Seruya-a va lon: Yoab, Abisai a Asaɛl. Asaɛl ve vana lusulan te, keleŋaa pila ndóò keleŋa ni maa púvɛ.

2Samiɛl 23:39

a Uri Hitiinɔ. Faw-faw, n'van beleyaa a vanaa ŋɔmmɛw nda va ni.

2Samiɛl 23:18

Abisai pɔmbɔɔ Yoab, po Seruya-o, o kunda vanaa mandaa masaa nin o va ni. Ndu hiŋ bállo ni, mó diw vannda kɛmɛ leyáá. Mó pialnun diolan taw o kunda vanaa yaa kon coo.

2Samiɛl 18:5

Mí masaa congun Yoab, Abisai a Itai aa: «I co niaa tɛɛlɔn, a yandi la kɔ tosal Absalɔm po ni dɛnɛ vɔɔn te.» Mí vanaa cɔwva kpow a tuɛi ndu simlacia sila kon yɔngoo.

2Samiɛl 12:9

Kɛ le yɛɛ n pɛɛsa yɛ sɔɛi nii, ya Mɛlɛka, má tosa ɲɛ hɛnan ya loo? Nɔm vɔngul Uri Hitiinɔ o mɔɛi cɔwve bɛngu ni, má cua laa ndɔ, má siinguu ndu laa nɔm. Nɔm tosa ni mí Amɔnnda dii ndu o cɔwvo.

2Samiɛl 11:24

Kɛ vanaa vuaa n'kɔɔa lo o kpakio coo, má va vanaa nɔmaa cɔwva viiyo a kɔɔn. Mí a bɔɔ-bɔɔ a vu, hali Uri Hitiinɔ bɛɛ sɔla piɔ́mndo lon.»

2Samiɛl 11:21

La sina pá mɛɛ Abimelɛk, po Yerubesɛt-o looku vu yɛ? O co vanalanɔɔ le dii ndu Tebɛt le? O lo o kpakio coo, mó mal pow bɛndoo ndu o lebol, mó vu. Le kɔlɔ yɛɛ niaa sɔɔnguu yɛ niko o kpakio ikɛi kpɛɛlun?› O kon, a dimul niko ndu aa: ‹Uri Hitiinɔ, vana nɔm baala bɛɛ vi.›»

2Samiɛl 11:6

Fɔ́ɔ́fɔ̀, mí David yɔngu congɔnndo o Yoab lo aa: «Dimul Uri Hitiinɔ aa o komal-lɔ ya.» Mí Yoab mal Uri le hunɔɔ veelu David-o cɛlɔɔ.

O Kandɔɔ 15:20

Hitiia, Perisiia, Refaimnda,

O Kandɔɔ 10:15

Poaa Kanaan-nda yɔŋnun Sidɔn nda Hɛt ni. Sidɔn va po ndɔ tasoo ni.

O Kandɔɔ 23:3

O kon kɔɔli, mó faŋan nɛɛ vana vílɛ́iyo va-a, mó kɔa o Hitiia lo, mó dimul nda aa:

O Kandɔɔ 26:34

Mɛɛ Esau cii vɔsilan belehiɔɔlu, mó yil laandua nda ŋiɔn: Yudit, cua Beeri Hitiinɔ-o a Basmat, cua Elɔn Hitiinɔ-o.

Yosue 3:10

Mɛɛ niaa sinanin maa Hala kiyɛiyo co niaa tɛɛn, maa ndu toawnin Kanannda, Hitiia, Heviia, Perisiia, Amoriia a Yebusiia niaa laci ni yɛ co hoo ni.

1Samiɛl 26:7

Icɔllo, mí David nda Abisai kɔa o dɔ́ɔ́ngɔ́ vanaa cɔwva nin. Saul va ihini o dɔ́ɔ́ngɔ́ɔ̀ kɔllo, bál ndɔɔ va o baŋaa lɛŋ ndu o bollen coo. Abnɛr a vanaa cɔwva va o lɔan ndu balɔɔ sɔ́.

1Masaa 10:29

A va ɲɛ ɲaanan soa nan-ndo pilɛ piondɔɔ Esipte volin latámán kɛmɛ leŋɔmpum, sow o pilɛ támálan kɛmɛ a beleŋuɛɛnu. Yulaa pilɛa kan koni ndáà yoo vɛlɛ masaa Hitiia a masaa Aramiia ɲɛm mun le piondɔɔ ni.

2Masaa 7:6

Kani Mɛlɛka ndóò tosa ɲɛ pum ni, mí vanaa cɔvaa Aramiia va o dɔ́ɔ́ngɔ́ nin-nda tuɛi diom bɛndoo pum, vanáà tuɛi ko aa kunda vanaa cɔwva pum co hunɔɔ sɛ́lɛ́ bɛndoo a soa ndaa a á ɲɛla ɲaanannda soa nan-ndan taw-taw ni. Má dimulan vellaa-velle aa: «Má cè mɛɛ masa Israɛlla cii masa Hitiia a masa Esiptea volion yɔngu, má mɔɔsiaa vanaa ndaa cɔwva le naa hunɔɔ delɔɔ coo yɛ!»

2Samiɛl 2:13

Mí Yoab, po Seruya-o, nda buɛyaa David-a bɛɛ a bii nɛiyo le kɔlan. Mí kundala tiɔnnda lan la kɔ bɔŋan o lumii mamɛnnde Kabaɔn. Mí kundaa pilɛ sim o kɔngɔɔ leeloo, mí kundaa pilɔɔ sim o kɔngɔɔ pilɔɔ leeloo.

2Samiɛl 23:34

Elifelɛt, po Ahasbai-yo, po langbanɔ Maakatiinɔɔ pum, Eliam po Ahitofɛl Kiloniinɔ-o