1Samiɛl 26:21 - BII BILA

²¹ O kon kɔɔli, mí Saul dimi aa: «Àá David po ni! I cua hakio. Muungu nanu. I tosal-lɛnin nɔm dɛnɛ vɔɔn te few. Kani yoomu nuu siŋnun hau ɲɛ sɔvɛɔ nɔm o hɔl. I tosa bɔɔ dɛnndan maa diɔm, i tosa bɔɔ dɛnɛ vɔɔn bɛndu!»

1Samiɛl 26:21 Referans Kwoze

1Samiɛl 24:17

Lɔ́ɔ́ David cii sɔɛi lende o Saul lo-o, mí Saul ɲuna ndu aa: «David po ni, vɛ̀ɛ̀ diom nɔmndo ya tuei nuaa ni?» Mí Saul caŋ fúkpàà-fùkpàà!

1Samiɛl 15:24

Mí Saul dimi aa: «I cua hakio fɔ́! I bii diom Mɛlɛka-o le, i tui vɛlɛ silala nɔm Samiɛl-tan te. Siòòŋii vannda va ya ni, lelan ya yaŋnun nda ni.

Fulaa 9:27

Mí Faraɔnnɔɔ viam kilaa le kɔlan Moise nda Aarɔn veeloo, mó dimul nda aa: «O laan ndu, i cua hakio. O sandaa Mɛlɛka ndu co ni, kɛ naa n co vanaa yɔŋ vɔɔnda naa yungu nuu ni.

Matie 27:4

Mó dimul nda aa: «I tosa yɔŋ vɔɔndo le vana tɛɛmbuu isɔɔ loo malɔɔ vannda o ba le ndu diyɔɔ.» Kɛ má mulul ndu aa: «O co sɔɛi naa le co ken te! Nɔm sina ken ni!»

1Samiɛl 15:30

Mí Saul dimi vɛlɛ aa: «A toɲa, i cua hakio lekɛ́ndɛi. Kɛ i co nɔm tɛɛlɔn, ke ya lasiɛmbu kaasoŋaa kɔlkalua a Israɛlaa tɔ̀a o hɔl te. N muungu yandi, mì kɔ del Mɛlɛka Hala nɔmndo o labɛngunin.»

Condii lisai 116:15

Piɔ́m vanaa lo o lediom coo-a saangiaa bɔɔ Mɛlɛka kɔllo.

Condii lisai 49:8

Kɛ vana-vana tiwba mò baŋa puapilɛ ndɔɔ le. Vana-vana nɔla mò yɔngu Hala ɲɛ pum le yoomu ndɔɔ baŋaa le.

1Samiɛl 27:4

Saul tueyɔɔ nin David tɔ́ɔ́ Kat, o kuel lɛ ndu le.

1Samiɛl 26:24

Nduyɛ mɛɛ ya ce hau yoomu nɔmndo ɲɛ sɔvɛɔ nuaa yɛ, màá Mɛlɛka cɔ yoomu nuu ɲɛ sɔvɛ lende, mò baŋa ya le sangalan kpow!»

1Samiɛl 18:30

O telen kon, simlacia Filistia va Israɛlla kuello a cɔwvo. Kɛ nduyɛ, o cɔw oo cɔw ndáà kɔɛ pɛ, David ndóò hiaw nɔlaa a kuubaa cɔvaa Saul-la ni. Lelan mí tɔ́ɔ́ David-o tiw kpede.

Kundalan 22:34

Mí Balaam dimul mɛlɛkanɔ Hala-o aa: «I tosa dɛnɛ vɔɔndo, kani i ve sina maa nɔm te kelu nɛiyo ya laci le. Lelan sisa, te kɔla ya co lan-ndan la hɛnan nɔm te, i muungun o ya lo.»

1Samiɛl 26:22

Mí David dimi aa: «Má cè bál masaa nanu! Buɛi nɔmndo pilɛ hun mò cua ndu.

Condii lisai 72:14

O baŋanin nda le delɔɔ coo a le kɔlvesɛiyo nda co nda tosallo-o, kani yoomu ndaa co ɲɛ sɔvɛ ndu hɔl.

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

2Masaa 1:13

Mí masaa viam vɛlɛ simlacinɔ yàándɔɔ a kunda ndɔ n'van beleŋuɛɛnoo ndu kɔɔli. Mí simlacinɔ yàándɔ kunda n'van beleŋuɛɛnu kon hel pembei. Ndóò tiiyaa, mó baŋ vulan Elii o labɛngunin, mó tɛɛlun ndu aa: «Vana-tɛɛngaa-diom Hala-o, màá cɔ yoomu nuu a yoomu n'van beleŋuɛɛnua co haa buɛyaa nɔmnda-a ɲɛ sɔvɛ!

2Masaa 1:14

Tofa vɔ, yinnden le fula o halataala, mí le toal, mí le loam simlacia ŋiɔŋaa tasea kunda n'van beleŋuɛɛnu-beleŋuɛɛnua a vanaa kan latulu kpow. Kɛ sisa, màá yoomu nuu va ɲɛ sɔvɛɔ nɔm o hɔl!»