1Samiɛl 26:16 - BII BILA

¹⁶ Dɛnɛ n tosa kon-ndo niŋ te. Lelan te Mɛlɛka co yoomu, fɔ mì niaa kpow la sɔla piɔ́mndo! Kani la kanda vana nia bɛndoo le, masa Mɛlɛka pɔla-o pɛɛn. La tofa vɔ masaa o bollen coo. Ɔ́ɔ̀ bállo a bɔlɔ ndɔ mamɛnndo?»

1Samiɛl 26:16 Referans Kwoze

Efɛsea 2:3

Naa kpow, maa nda naa n va kelaa telen pum ni, n va yeemɛi naa n'dial-le a ɲɛ va naa hunɔɔ o lebollo tosaa. Mɛɛ mì kɔl tambɛi Mɛlɛka-o ndóò tol naa coo maa vanaa celen le vanacieeyɛi nɛi paandui ken.

Condii lisai 102:20

Mɛlɛka lo o Fonda-Diandaa ndɔɔ, mó naŋun le tofaa. O lo o halataala, mó mɛɛndan lɛŋnden

Condii lisai 79:11

Yaŋ nilan a ɲííye o cɛɛŋɔnnda vanaa kaasoo co lan, kanda vanaa piɔ́mndo co hinullo-a a kpaaya nɔmndo!

2Samiɛl 19:28

Kɛ mí buɛi nuu kɔ ɲiinduu ya còòlan coo, mó lɔalu ya o nɔm ndo. Kɛ o va bɛɛ lende, nɔm, maa mɛlɛkanɔ Hala-o n co ni. Lelan, tosa mɛɛ ɲɔɔ hɛnan nɔm yɛ.

2Samiɛl 12:5

O kon mí David tuulu kɔl taw-taw a vana bolofaa kon, mó dimul Natan aa: «Te Mɛlɛka co yoomu, vana tosa dɛnɛ kon-ndo bɛnda mò sɔla piɔ́mndo!

1Samiɛl 26:11

Lelan màá Mɛlɛka cɛl lɔ́ɔ́-lɔ́ɔ̀ mì hol masa ndu Mɛlɛka pila pɔla-o baa le! N cua bál co ndu o bollen coo-o, a bɔlɔ ndɔ mamɛnndo, mì n kɔɛnnun.»

1Samiɛl 26:9

Kɛ mí David mulul Abisai aa: «Dii ndu le! A sina pá maa vana-vana hol pɛ masa Mɛlɛka pɔla-o baa, vana kon sɔla sangaa?»

1Samiɛl 20:31

Kɛ nduyɛ, te po Yisai-yo ho co vɔ pɛ yoomu o lɛŋnden nden coo, nɔm a siŋnunnin vanapɔnɔ lɔ́ɔ́-lɔ́ɔ̀ le, hali masale nɔmnden bɛɛ le venin lemasa le. Lelan viom vannda mà kɔ bii ndu, mà cuu ya ndu nanu, kani o bɛnda mò vi.»

1Samiɛl 24:6

Kɛ mí kɔllo kandu ndu fulaa taw le bɔ̀ɔ̀le doma bɛndu Saul-te o kelu len-nden.

1Samiɛl 26:15

Mí David ɲuna ndu aa: «Abnɛr, vɛ̀ɛ̀ vanapɔnɔɔ o tiiyàà kpɔdɔ le n co le? Ɔ́ɔ̀ kuubanɔ cɔw sulan a nɔm o lɛŋnde Israɛl-ten nin-ndo? Kɛ le yɛɛ nɛ a kanda vana nɔm bɛndoo le, masaa pɛɛn? Mí vanndo pum hun le masa kon diyɔɔ, masa co kon vana nɔm bɛndoo-o pɛɛn.

1Masaa 2:26

O kon kɔɔli, mí masaa Salomɔn dimul Abiatar vana-solia-lasálàá aa: «Kɔnnun Anatɔt o nɔm ndo, kani nɔm óò bɛnda mì nɔm óò sɔla hau piɔ́mndo. Kɛ i co nɔm diyɔɔ le, bau telen David fuɲa ni va masaa-o, má kɔa a kesu kpema Maalii-o, o co Mɛlɛka-o ndu o hɔl, má sanga vɛlɛ fuɲa nuu kɔɔli o sangala kei ndu coo lan kpow nin.»