1Samiɛl 26:10 - BII BILA

¹⁰ Mí David dimi aa: «Te Mɛlɛka co yoomu, ndu Mɛlɛka pila co ndu lɔɔ ni. Te o hini a ba ndɔ mo vi le, mɛɛ o sɔlanin piɔ́mndo o cɔwvo nin.

1Samiɛl 26:10 Referans Kwoze

Tɔŋ miingua 31:14

Mí Mɛlɛka dimul Moise aa: «Tuma n bɛnda le vuo-o tiiya. Lelan, veelu Yosue mì la kɔɛ o cɛi-kola-toandaa-labɔɔŋianndo nin, lon ya dimulnin ndu ɲɛ o bɛnda le tosaa-o ni.» O kon, mí Moise nda Yosue a kɔa o cɛi-kola-toandaa-labɔɔŋianndo, má luɛi, má sim lenin.

O Kandɔɔ 47:29

Mɛɛ o sina maa piɔ́m ndɔɔ co le tiiyaa, mó veelu Yosɛf po ndɔ, mó dimul ndu aa: «Taa ce ya pɛ ɲia, mɛɛ handu ba nɔmndo o lɔlu nuu bɛngu, mà mɛnan maa a co lo o lediom coo ma cɔm ya maa a ce ya ɲia, maa a kumbunin ya o lɛŋnde Esipte len nin nanu le.

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Condii lisai 37:13

Kɛ Maalii co vana kɔlvesɛi kon mamɔɔ, kani o co cɔu maa paale ndɔlen le co tiiyaa.

1Samiɛl 31:6

Nuaa Saul nda poaa ndɔa yáá-a, vana ndɔ cuaa ɲɛm cɔwvo a vanaa ndɔa cɔwva sɔla piɔ́mndo o lepilɔɔ paale len ni.

1Samiɛl 25:38

Palɛi tɔ́ o kon kɔɔli, mí Mɛlɛka lɔa Nabal, mó vu.

1Samiɛl 25:26

I laalan maa Mɛlɛka pila kuuna nɔm le koovan solio ni, ndu kuuna nɔm le cɔlɔbaa le nɔm pila ni. Lelan te Mɛlɛka co yoomu, mí nɔm pila bɛɛ va yoomu, yaamɔaa nɔmnda a vanaa yeema dɛnɛ nɔm kɛndɔɔ le-a kpede a siŋnunnin maa Nabal.

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Dɛnnda cɔɔmuanndan 18:8

Ɛ̀ɛ̀ nduyɛ, le ken kpeekpei dɛnnda palaala kelun le ndu lan la toalnin ndu coo o lepilɔɔ o paalen ten pilɛ bɛngu ni: nàà piɔmndo, biisilan a yima fofolan, o kon mò ŋɔɛ o yinnden nin. Kani vana kpaayaa Mɛlɛka Hala kelu ndu iyama-o co ni.»

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

Luke 18:7

Vɛ̀ɛ̀ Hala kenin vanaa ndɔa o hɛli, ma va ndu piɛiyo idii a icɔl-la di le? Vɛ̀ɛ̀ tamalaa o tamalanin le nda malaa ni?

Vana Kɔlkaloo 3:2

Telenndo co le violɔnndo, telenndo co le vuo. Telenndo co le tɔlɔɔ, telenndo co le ɲɛ tɔlnun-ndo sungɔɔ.

Condii lisai 94:23

O mingulnin nda mɛɛ tɛɛmbuula ndalan la co yɛ, mò tɛɛmbuu nda le hakila ndalan. Mɛlɛka Hala naa tɛɛmbuunin nda.

Condii lisai 37:10

O lo nin ɲɛ-pɔmbɔ cobe, vana kɔlvesɛi ve lɛnin te, à nuwviaanin o fonda o va-o, à seelunin vana le.

SƐBƐ YƆB-O 14:14

Vɛ̀ɛ̀ vanaciee vi nin-ndo nɔla pá mó muungu vɛlɛ yoomu? Te lende ni, yáà nɔlanin biuvɔnndo o palɛi baalɛi nii nin kpow, háá tuma ndáà hun tindinin ya-o.

SƐBƐ YƆB-O 14:5

Yoomu vanacieo nɔ pɛɛngulan, nɔm Hala koni kelu paangun ndɔn ni, má hendul ndu pɛɛngula o nɔla hiovɔɔ le lan.

SƐBƐ YƆB-O 7:1

«O co macoaa telen lepɔtɔllo le vanacieo co tosaa o lɛŋnden coo le? Vɛ̀ɛ̀ palɛi ndɔɛi co hiovɔ̀ɔ́ maa palɛi vana co baalaa le salaa sɔlaa-o le?

1Samiɛl 24:15

Nɛ̀ɛ́-nɛ̀ kpeekpei nɔm masaa Israɛl co yɛ kiltan-ndan kɔɔli a cɔwvo? Nɛ̀ɛ́ n co yɛ tovɔɔ ho? Yéè ya tun vílɛ́iyo ho n co kiltan-ndan kɔɔli ni? Yéè ya kpangbaɲaalaa ho n co tovɔɔ ho ni nɛ?

Hebreea 10:30

N sínà maa vana dimio aa: «Ya bɛnda le màá mingi o ni. I salanin vana-vana mɛɛ o bɛnda yɛ». Ndu koni dimi vɛlɛ ni aa: «Mɛlɛka kialunin vanaa ndɔa iyama.»

1Samiɛl 24:12

Òó Pua, tofa vɔ! Tofa vɔ bɔ̀ɔ̀le doma nɔm bɛndoo ya o ba! Yáà tiwba mì yáà dii nɔm, kɛ bɔ̀ɔ̀le doma nɔm bɛndoo daama ya kelu ni. Lelan sina maa i nɔ nɛyɔn nɔm te, i tɛɛndan nɔm te, i cue vɛlɛ haki a nɔm te. Kɛ mí nɔm va ya tovɔɔ le ya diyɔɔ.

1Samiɛl 25:39

David tueyɔɔ maa Nabal vi, mó dimi aa: «I mel Mɛlɛka balika le tùú o lɔɔnun ibuŋ le ya, mó mingi màá nuu le bɛ̀ɛ̀la Nabal tɛɛmbuu ya lan-ndo. O cɛl mì tosa dɛnɛ vɔɔn te, mó tuisi Nabal pila kɔlvesɛi ndɔ ndu pilaa coo.» Mí David viam kiilaa o Abikail lo le ndu kaolaa mò siŋnun laa ndɔ.

1Samiɛl 31:4

mó dimul vana ndɔ cuaa ɲɛm cɔwvo aa: «Cua mɔɛi nɔmii cɔwve mà dii ya, kani i yeema mi Filistia dii haa tooma le-a dii ya le.» Kɛ mí vana ndɔ cuaa ɲɛm cɔwvo kɛɛ, kani siòònde va ndu taw. O kon mí Saul pila cua mɔɛi ndɔɛi cɔwve, mó del lecoo.