1Samiɛl 24:8 - BII BILA

⁸ A sɔɔn mún David nɔla langbaa ndɔa ni, mó kuuna nda le Saul delɔɔ coo. O kon mí Saul can, mó fula o buulula lan nin, mó bii nɛiyo le kɔlan nɛɛ o va kɔlan-nda.

1Samiɛl 24:8 Referans Kwoze

Rɔmnda 13:7

Lelan, la ke vana-vana ɲɛ o bɛnda le niaa sɔlaa o ba-o: la yɔngu vanaa niaa bɛnda le cuungiaalan yɔngoo-a cuungiaalan, mì la yɔngu vanaa niaa bɛnda le muloo yɔngoo-a muloo, mì la ke vanaa niaa bɛnda le bɛɛlen keo-va bɛɛlen, mì la biilu vanaa niaa bɛnda le biiloo-a.

1Samiɛl 26:17

O kon mí Saul sina David diomndo, mó ɲuna aa: «Vɛ̀ɛ̀ nɔm David po ni co sɔɛi nuaa ni nɛ?» Mí David muli aa: «Oi, ya ni masaa, vana ni bɛndoo.»

1Samiɛl 20:41

Tuma poombɔɔ muungun-ndo, mí David koma fula nɛɛ o va o viannan o powvo kɔɔli a ba too-a, mó baŋ vulan Yonatan o labɛngunin háá bɛmbɔɔ leyáá. Má kɔɔmian a caŋndo taw nda ŋiɔn, kɛ David hiow caŋ.

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

O Kandɔɔ 17:3

O kon mí Abram baŋ vulan, mó tundu hɔlla lɛŋ. Mí Hala hiaw laci a ndu dimullo aa:

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

1Samiɛl 24:7

Mó dimul langbaa ndɔa aa: «Màá Mɛlɛka kanda ya le vana ni bɛndoo dɛnɛ vaa lende tosallo, le masa Mɛlɛka pɔla-o baa holɔɔ! Kani masa Mɛlɛka pila pɔla-o o co ni.»

1Samiɛl 24:9

Mí David bɛɛ koma cɔn, mó fula ndu kɔɔli o buululan nin, mó yonda coocoo aa: «Vana bɛndoo sei! Masaa sei!» Mí Saul mulin mó tofan kɔɔli, mí David baŋ vulan, mó tundun lɛŋ dí.

1Samiɛl 28:14

Mí Saul ɲuna cuaa aa: «Maa yɛɛ n co yɛ ndu cɔu?» Mó dimi aa: «Fal yuuvɛiyo pum ya co cɔu fulaa o simbulaa o doma bɛndoo nin ni.» Mí Saul sina fɔ́ɔ́fɔ̀ maa Samiɛl ni. Mó tundun, mó baŋ vulan, mó tiiya lɛŋ dí.

1Masaa 1:31

Mí Bat-Seba tundun, mó baŋ vulan masaa o labɛngunin, mó tundu hɔlla lɛŋ. Mó dimi aa: «Masaa, màá vá yoomu le fɛɛn a fɛɛn!»