1Samiɛl 23:4 - BII BILA

⁴ Mí David ɲuna vɛlɛ Mɛlɛka, mí Mɛlɛka mulul ndu aa: «Cɔn ma kɔɛ Keila. I cii Filistia malɔɔ nɔm o ba.»

1Samiɛl 23:4 Referans Kwoze

Masaa kialaa n'yamaa 7:7

Mí Mɛlɛka dimul Sedeɔn aa: «A n'van kɛmɛ leyáá-a kɔndu haa mɛnndan a laba le kolɔɔ-a ya baŋanin niaa ni, mì mal Madiannda niaa o ba. Vanaa tɔ̀a kpede, nda bɛnda mà muungu o la nda lo.»

Yosue 8:7

O kon niaa koma fula niko a makɔɔ, la bii kobio, kani Mɛlɛka Hala niaa cii ndu malɔɔ niaa o ba.

2Masaa 3:18

Ken co ɲɛ-ɲɛ Mɛlɛka o hɔl te. O co vɛlɛ Moabua malɔɔ niaa o ba.

2Samiɛl 5:19

Mí David ɲuna Mɛlɛka aa: «Vɛ̀ɛ̀ o bɛnda mì kɔ del Filistia coo a cɔwvo? A malnin pá nda ya o ba?» Mí Mɛlɛka mulul David aa: «Kɔ! I co nda malɔɔ lekɛ́ndɛi nɔm o ba.»

1Samiɛl 28:6

Mó ɲuna Mɛlɛka, kɛ Mɛlɛka mulul ndu le, o mulul ndu o lɔma sɔlaa nin te, o mulul ndu o urim nin te, o suu o vanaa-tɛɛngaa-diom Hala lo le ndu sɔɛi ken dimul te few.

Masaa kialaa n'yamaa 6:39

Mí Sedeɔn dimul Hala aa: «A yandi, fula kɔl a ya le, sɔɛi nii mɛɛlɛi co nihau hee ni: i yeema vɛlɛ mì tɔɔmaseloo yɔŋnun a kola ipɛngɔɔ ho. Kɛ o laan, mì fonda tɔ̀u kpow liva a kɛmndan, mì kola ipɛngɔɔ lo o vesɛi sɛ́ɛ́n.»

1Samiɛl 10:22

Má ɲuna vɛlɛ Mɛlɛka aa: «Vɛ̀ɛ̀ vana kon co pá nanu?» Mí Mɛlɛka muli aa: «O co o viannan o volɔɔlan ikɛi.»

1Samiɛl 23:2

Mí David ɲuna Mɛlɛka aa: «Vɛ̀ɛ̀ o bɛnda pá mì kɔ del Filistia ha coo a cɔwvo mì nɔla nda?» Mí Mɛlɛka mulul ndu aa: «Kɔ del nda coo, ma baŋa kobio Keila.»

1Samiɛl 23:3

Kɛ mí vanaa cɔvaa David-a dimul ndu David aa: «N co vɔ o naa lo Yuda nanu mí siòònde va naa a Filistia, vɛɛ nɛ naa n nɔla yɛnin vɛlɛ mì n kuel nda Keila?»

1Samiɛl 23:5

O kon, mí David kɔa Keila nda vanaa ndɔa cɔwva, má kɔ del Filistia coo, má nɔla nda. Má poondiaa cɔlua ndaa. Nuaa David baŋa vannda Keila ni.

1Samiɛl 30:8

Mí David ɲuna Mɛlɛka aa: «Te i ɲaanun pɛ vannda ha kɔɔli, vɛ̀ɛ̀ i biinin pá nda?» Mí Mɛlɛka mulul ndu aa: «Kuel nda, a co nda bendal mà baŋa vanaa nda bii-a.»

2Samiɛl 2:1

Dɛnnda lan hiovɔɔ, mí David ɲuna Mɛlɛka aa: «Vɛ̀ɛ̀ i heelu o kobio pum nin o tàndá Yuda-o nin?» Mí Mɛlɛka mulul ndu aa: «Oi, heelu.» Mí David ɲuna vɛlɛ aa: «Kobi kuɛɛ nɛ ya kɔ nin kpeekpei?» Mí Mɛlɛka mulul ndu aa: «Kɔ Hebrɔn.»

Masaa kialaa n'yamaa 7:9

Icɔl kon, mí Mɛlɛka dimul Sedeɔn aa: «Cɔn ma kɔ del Madiannda coo a cɔwvo o dɔ́ɔ́ngɔ́ ndaa nin, kani i cii nda malɔɔ niaa o ba.

1Dɛnnda lemasalan 14:10

Mí David piɛi Hala, mó ɲuna aa: «Vɛ̀ɛ̀ o bɛnda pá mi kuel Filistia? A malnin pá nda ya o ba?» Mí Mɛlɛka mulul ndu aa: «Oi, kuel nda, i malnin nda nɔm o ba!»