1Samiɛl 23:2 - BII BILA

² Mí David ɲuna Mɛlɛka aa: «Vɛ̀ɛ̀ o bɛnda pá mì kɔ del Filistia ha coo a cɔwvo mì nɔla nda?» Mí Mɛlɛka mulul ndu aa: «Kɔ del nda coo, ma baŋa kobio Keila.»

1Samiɛl 23:2 Referans Kwoze

1Samiɛl 23:4

Mí David ɲuna vɛlɛ Mɛlɛka, mí Mɛlɛka mulul ndu aa: «Cɔn ma kɔɛ Keila. I cii Filistia malɔɔ nɔm o ba.»

2Samiɛl 5:23

Mí David ɲuna vɛlɛ Mɛlɛka. Mí Mɛlɛka dimul ndu aa: «Kɔa nda laci sanaa a cɔwvo le, kei nda a makɔɔ, mà kɔ fulal nda o bundɛ iyùúo dangalaa.

2Samiɛl 5:19

Mí David ɲuna Mɛlɛka aa: «Vɛ̀ɛ̀ o bɛnda mì kɔ del Filistia coo a cɔwvo? A malnin pá nda ya o ba?» Mí Mɛlɛka mulul David aa: «Kɔ! I co nda malɔɔ lekɛ́ndɛi nɔm o ba.»

Yeremi 10:23

Mɛlɛka, i sina maa vanacieo nɔla kelaa mɛɛ o bɛnda yɛ le, vanacieo nɔla kelaa a ba ndɔ o nɛila kɛndɛlan coo le.

1Samiɛl 30:8

Mí David ɲuna Mɛlɛka aa: «Te i ɲaanun pɛ vannda ha kɔɔli, vɛ̀ɛ̀ i biinin pá nda?» Mí Mɛlɛka mulul ndu aa: «Kuel nda, a co nda bendal mà baŋa vanaa nda bii-a.»

1Samiɛl 23:6

Lɔ́ɔ́ Abiatar, po Ahimelɛk-o hin vionnɔnndo o David lo Keila-o, mó hun a doma ifalen solia lasálàá o ba.

Yosue 9:14

Mí Israɛlla bii ɲɛm dian ndan, kɛ a ɲuna Mɛlɛka le.

Condii lisai 32:8

Mɛlɛka dimul-la aa: «I pɛɛkunin nɔm, mì cɔm nɔm nɛi n bɛnda le kelaa coo-o. I silanin nɔm, mì landu hɔlla nɔm coo.

1Dɛnnda lemasalan 14:10

Mí David piɛi Hala, mó ɲuna aa: «Vɛ̀ɛ̀ o bɛnda pá mi kuel Filistia? A malnin pá nda ya o ba?» Mí Mɛlɛka mulul ndu aa: «Oi, kuel nda, i malnin nda nɔm o ba!»

Masaa kialaa n'yamaa 1:1

Biisi Yosue-o cuvɔɔ, mí Israɛlla ɲuna Mɛlɛka aa: «O naa tɛɛn, ɔ́ɔ̀ vanaa tasea kɔanin mà kɔ del Kanannda coo a cɔwvo-a?»

Kundalan 27:21

O simnin Eleasar vana-solia-lasálàá o hɔl, mì Eleasar ɲuna ya Mɛlɛka a urim le dɛnɛ ndɔɔ. Mɛɛ o diminin yɛ Yosue a sɛ́lɛ́ Israɛlla kpow a tosanin o dɛnndan kpow nin ni.»

1Samiɛl 10:22

Má ɲuna vɛlɛ Mɛlɛka aa: «Vɛ̀ɛ̀ vana kon co pá nanu?» Mí Mɛlɛka muli aa: «O co o viannan o volɔɔlan ikɛi.»

1Samiɛl 23:3

Kɛ mí vanaa cɔvaa David-a dimul ndu David aa: «N co vɔ o naa lo Yuda nanu mí siòònde va naa a Filistia, vɛɛ nɛ naa n nɔla yɛnin vɛlɛ mì n kuel nda Keila?»

2Samiɛl 2:1

Dɛnnda lan hiovɔɔ, mí David ɲuna Mɛlɛka aa: «Vɛ̀ɛ̀ i heelu o kobio pum nin o tàndá Yuda-o nin?» Mí Mɛlɛka mulul ndu aa: «Oi, heelu.» Mí David ɲuna vɛlɛ aa: «Kobi kuɛɛ nɛ ya kɔ nin kpeekpei?» Mí Mɛlɛka mulul ndu aa: «Kɔ Hebrɔn.»

1Samiɛl 14:37

Mí Saul ɲuna Hala aa: «Vɛ̀ɛ̀ o bɛnda mì kuel Filistia? Vɛ̀ɛ̀ a malnin pá nda naa Israɛlla o ba?» Kɛ o mulul ndu ɲinkon te.