1Samiɛl 22:2 - BII BILA

² Handɔɔ o kon coo, mí vanaa va o sangalan nin-nda, vanaa kueelan la va coo-a a vanaa va a kɔlta tambɛilan-nda kpow a sɔɔnguu ndu ikɛi, a va le n'van kɛmɛ lehiɔɔlu. Mí David siŋnun simlacinɔ ndaa.

1Samiɛl 22:2 Referans Kwoze

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

1Samiɛl 25:13

O kon mí David dimul nda aa: «Niaa kpow, vana-vana cuá mɔɛi ndɔɛi cɔwve mò baanun o caŋ.» Mí nda kpow vana-vana baanun mɔɛi ndɔɛi cɔwve o caŋ, mí David bɛɛ baanun mɔɛi ndɔɛi cɔwve o caŋ. Vanaa kɔɛ paale len David kɔɔli-a va le n'van kɛmɛ lehiɔɔlu, mí n'van kɛmɛ lediin lo o volɔɔlan ikɛi.

1Samiɛl 23:13

Fɔ́ɔ́fɔ̀, mí David nda langbaa ndɔa faŋan Keila, má kɔannun nɛɛ celen, a va le n'van kɛmɛ leŋɔmpum. Má kɔ dimul Saul aa David faŋan Keila mó kɔannun nɛɛ celen. O kon, Saul hin ndɛ a cɔwvo le.

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

1Samiɛl 1:10

Anɛɛ va a kɔl tambɛiyo taw. Mó va Mɛlɛka piɛiyo a caŋndo fúkpàà-fùkpàà.

Masaa kialaa n'yamaa 11:3

Le hee, mí Yɛfte ɲaanun, mó faŋan puapilɛa ndɔa kan ikɛi, mó kɔ calnun o tàndàá Tob nin. Mí langbaa fondoa pum del ndu kɔɔli, má va keiyo cɔwlan tosaa nda ndaa.

Hebreea 2:10

Hala cɔw ceendo ni, le ndu o co ni. Nduyɛ o yeema mi cuavaa ndɔa bɔɔ-bɔɔ a sɔla biilu ndɔɔ a ndu latulu. Kani Yeesu co vana nda ciindiaa ni, mɛɛ mì ndóò sanga haliko mi Hala ndóò peelu ndu o dɛnndan kpow nin.

Matie 11:12

Cɔn o paale Nsaŋ Vana-yinaa len háá hau, vannda co masale halataala len cɔlɔbaa, nduyɛ vanaa kɔlvesɛiya co len hiɔlɔ̀ɔ́ ni.

Talelan 31:6

La yɔngù vana co vuo-o mɔima nɛyan, mì la ke vana co o mɔnɛi nin-ndo mɔiyan.

2Masaa 20:5

«Muungu ma kɔ dimul Esekia, o co simlacinɔ vanaa nia-o aa: ‹Diom Mɛlɛka, Hala David fuɲa nɔm mama dimi-o co hoo ni aa: I tuei piɛile nɔmnden, i ce mɛmɛma nɔmndan. I co nɔm singi, o kon o paale yàándɔlen, a hel o Cɛi-Mɛlɛka-o nin.

2Samiɛl 17:8

O kon kɔɔli, mó dimul Absalɔm aa: «Nɔm pila sina fuɲa nɔm nda langbaa ndɔa. A sina maa vanaa cɔwva lekɛ́ndɛi nda co ni. A fula pɛ kɔl, a siŋnun maa kɔ́lɔ́vúlu nda cuel cuavaa ndɔa yondoo nin-ndo. Handɔɔ o kon coo, vana cɔwvo fuɲa nɔm co ni, o lɔlnin nɛɛ pilɛ nda caanda le.

2Samiɛl 5:2

Lɔ́ɔ́ Saul va paandu masaa naa coo-o, nɔm va Israɛlla simndan laci o cɔwvo ni. Nduyɛ, Mɛlɛka cii nin nɔm dimul maa nɔm vanin masa Israɛlla ni, vanaa ndɔa pɛɛn. Nɔm vanin simlacinɔ ndaa ni.»

Masaa kialaa n'yamaa 18:25

Mí vanaa fula kan o polale Dan-nden nin-nda mulul ndu aa: «Bɔ́ɔ́lùù naa nilan te dɛ! A bɔɔluu pɛ naa nilan, vannda pum o naa tɛɛn a co kɔltan tuulu, má del niaa coo. O kon, nɔm pila kondulun dɛnɛ, a kondul vɛlɛ cɛi nɔmndo dɛnɛ.»

1Samiɛl 22:3

Mí David faŋan Adulam, mó kɔa Mispe o lɛŋnde Moab len nin. Mó kɔ dimul masaa Moab aa: «Cɛl mì fuɲa nuu nda kala nuu hun cal o nɔm ndo háá mì sina ɲɛ Hala tosanin a ya-o.»

2Masaa 4:1

Paale pum, mí vanalanɔ pum komal Elise. Vanalanɔ kon pɔnɔ ndɔ va vana pilɛ o kunda vanaa-tɛɛngaa-diom Hala-a pum nin, kɛ mí pɔnɔ kon vu. Mɛɛ o kɔɛ o Elise lo, mó ɲɔɔlu ndu aa: «Vana nɔm baalaa, o yɔŋnun pɔnɔ nuu-o vi, nduyɛ nɔm pila sina maa vana nɔ siòòŋii Mɛlɛka-e-o vana nɔm baala kon va ni. Vana naa n cua lɔ́ɔ́ kon kueo o ba-o hin le poaa nia ŋiɔnda biyɔɔ, le kɔlan nda siinguuo cɛa ndɔa.»