1Samiɛl 21:7 - BII BILA

⁷ O kon mí vana-solia-lasálàá yɔngu David bulula sálàlan, kani lan koni la va ndu o ba ni. Mɛlɛka o hɔl ndáà kɛsì bulula lan ni, ndáà faŋa pɛ lan Mɛlɛka o hɔl, paale pilɛle len ndáà mingi bulula tuwlan o fonda kon.

1Samiɛl 21:7 Referans Kwoze

1Samiɛl 22:9

Mí Doɛk Edɔmnɔ va vana pilɛ o buɛyaa Saul-la tɛɛn-ndo dimi aa: «Paale pilɛ, mí ca po Yisai-yo hunɔɔ Nɔb ciee o Ahimelɛk po Ahitub-o lo.

1Dɛnnda lemasalan 27:29

Sitrai fula Saron-ndo ndóò nɔ hɔlten o navaa va yondoo nin Saron-nda coo ni. Safat po Adlai-yo ndóò nɔ hɔlten o navaa va o dɛɛlalan nin-nda coo ni.

Matie 15:8

‹A n'cɔcɔ vannda ha co ya biiloo ni, kɛ kɔlta ndalan la co bɔɔ ya levil.

Amɔs 8:5

La co dimio aa: «Lɔ́ɔ́ kuɛɛ kafo paangii sɛnɛiyo co yɛ cuvɔɔ, haliko mi n kɔ muungu malun naan pisio? Lɔ́ɔ́ kuɛɛ nɛ kafo paale pɛngiaa ho co yɛ nin cuvɔɔ, haliko mi n kɔ kumbi kondala naalan le malun naan muungoo pisio? N co panilan bɔɔfiàà mì la dɔɔnan, mì n cɔɔlu vɛlɛ maalon báà heelu, n co ɲɛla tuvaala n'ɲɛlan mangaliaa le vannda palaa.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

2Dɛnnda lemasalan 26:10

Mó tangul vɛlɛ cɛila coocoolan o lɛŋnde veselɛilen nin, mó toaw soonnda mamɛnndan taw, kani ndóò nɔ cɔlua taw o dɛɛlalan nin a o dɛngbɛlan nin. Ndóò nɔ vɛlɛ vanaa vàá a vanaa tɔalaa n'rɛsɛnnda o pembon coo a o tàndá Karmɛl-lo nin, kani ndóò yeema bɔɔ vali yondoo.

1Samiɛl 14:47

Saul sulɔɔ masa o lɛŋnde Israɛl-ten coo, mó cɔlɔba yaamɔaa va o tàndà kon nin-nda: Moabua, Amɔnnda, Edɔmnda, masaa yɛ́-yɛ́a Soba a Filistia. Nɛɛ-nɛɛ ndóò mulin pɛ a cɔwvo, ndóò nɔla vanaa va lon-nda.

1Samiɛl 11:5

Tuma kon kpafii Saul va fulaa yondoo nin a navaa ndɔa ni. Mó ɲuna aa: «Vóólun-vóólun yɛɛ vannda co yɛ hoo?» Má downun ndu kona a sɔɔn vannda Yabɛs soo-on kpede o kɔɔ.

O Kandɔɔ 26:20

Le mɛmma man, mí vanaa mandaa n'cɔlua Kerar a tisa vanaa mandaa n'cɔlua Isaak-a kɔɔli a sɛɛngianndo. Má dimi maa nda nɔ mɛmma kɛndɛma man ni. Le hee, mí Isaak ke soon kólaa kon diolan aa Esɛk (kon co dimio ni aa «Sɛɛngianndo»), kani sɛɛngianndo va nda tɛɛn le soon kólaa kon.

1Samiɛl 21:8

Nduyɛ vana baala Saul-lo pum va ɲinkon vallo tosaa Mɛlɛka o hɔl lon, diola ndɔlan aa Doɛk, Edɔmnɔɔ o va ni. Ndu va bolle vanaa mandaa n'cɔlua Saul-la ni.

1Samiɛl 22:22

Mí David mulul ndu aa: «Kabi ɲinkon, mí sina maa Doɛk Edɔmnɔ co lakɔ ya lɔlɔɔ o Saul-lo, kani ndu bɛɛ va ɲinkon Nɔb. Le ya nda diw yungu nɔmndo kpow ni.

1Dɛnnda lemasalan 27:31

Yasis Hakeriinɔ ndóò nɔ hɔlten o cɔlua pɔmbɔa coo ni. Haa kpow a va bolofaa masaa David-o mandaa ni.

Tɔŋ lasálàá 22:10

Vana co vana-solia-lasálà loo bɛnda mò de ɲɛm dian diandan nda soli mún sálàá-on te. Hali o va bɛɛ vana niaa yoongu-o, te kon te vana co baalaa tosaa vana-solia-lasálàá o ba le salaa sɔlaa-o, a bɛnda mà de sálà diandaa kon te.

Tɔŋ lasálàá 22:13

Kɛ te pɔnɔɔ cua vana-solia-lasálàá velu-o vi pɛ, te kon te mà kɛyan nda pɔnɔ ndɔ, te o vilu hɔ́ɔ́ le, mò muungu o fuɲa ndɔ lo cɛinin le calle maa telen o va cuaambɔ felengoo-o, ndu tiwba mo de ɲɛdiaa fuɲa ndɔ co dioo-o. Kɛ vana celen bɛnda mò de ɲɛdiaa kon te.

Tɔŋ lasálàá 24:5

«Nɔm Moise, ma cua kpeyanndo, ma lom bululan tɔ́ a latiɔn a ndu. Le buloo o pilɛ lomɔɔ, a bɛnda ma tuu kpeyanndo kiloo leŋɔmpum.

Tɔŋ lasálàá 24:8

Le fɛɛn a fɛɛn, te paale pɛngiaalen le tiiya pɛ, a bɛɛndiaa bulula vaa lende, a kɛsi lan ya Mɛlɛka o hɔl. Kpema Israɛlla bɛnda mà yii le fɛɛn a fɛɛn-ndo co kon ni.

1Samiɛl 22:10

Mí Ahimelɛk ɲuna Mɛlɛka le ndu, mó ke ndu ɲɛm dian, mó yɔngu ndu vɛlɛ mɔɛi cɔvii Koliat Filistinɔ-e.»