1Samiɛl 21:5 - BII BILA

⁵ Mí vana-solia-lasálàá kon mulul ndu aa: «Bulu celen co ya o ba le, bulu sálàá daama co nihau ya o ba ni. I nɔla mì ke nɔm ndu, kɛ fɔ mò va dɔ́ɔ́ maa vanaa co nɔm kɔɔli-a mɔɔsa kpele vaalio a vanalanɔ le.»

1Samiɛl 21:5 Referans Kwoze

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Tɔŋ lasálàá 24:9

Bulula lan la vanin le Aarɔn nda poaa ndɔa. A va lan pɛ dioo, a de lan nɛɛ diandaa pum, kani o ɲɛm kei o yin le ya Mɛlɛka-on nin, ɲɛ diandaa-diandaa siŋnun teengen o bulula lan nin-ndo co le nda ni. Ɲɛ nda bɛnda mà sɔla-o co kon le fɛɛn a fɛɛn ni.»

Tɔŋ lasálàá 8:26

mó cua dɛɛ toaŋaa toosian a lɛvɛn too, o toŋnun a cuɛiyan-ndo, a dɛɛ toaŋaa o pilɛ o kambɛi bulu toosian a lɛvɛn too va nin-ndo nin, kambɛi va Mɛlɛka o hɔl-lo pɛɛn, mó kɛsi lan o visin macuɛiyon coo a o lɔlu ba kɛndɔɔ coo.

1Piɛr 3:17

Kani o co fisa mì vana sanga o dɛnɛ kɛndɔɔ tosaa, te hɛnan Hala-o co kon ni, a sangaa o dɛnɛ vɔɔndo tosaa.

1Korɛntea 7:5

Pɔnɔɔ a lanɔɔ bɛnda mà kɛyan cɛinin te, fɔ dɔ́ɔ́ ma cɛlan le telen bingi cuaa le piɛilen. Kɛ nduyɛ, te telen kon cuu dɔ́ɔ́ pɛ, a muungu diom pilɛ, yɔŋii Setana tɔɔndan nda, kani a tiwnin kɔlta ndalan ba le.

Fulaa 19:14

Mí Moise toal pembei, mó muungu o Israɛlla lo, mó dindi nda Mɛlɛka o hɔl. Má tɔaa vɛlɛ volɔɔla ndala cuɛinanndan.

Fulaa 19:15

O kon kɔɔli, mó dimul nda aa: «La va a bɛɛndiannda le diɛŋ. Háá ɲinkon, la bɛnda mì la tosa kpelemɔɔsaa niaa laandaa niaa le.»

Fulaa 25:30

Ma kɛsi bulu nda solul-la sálàá-o ya o hɔl o tabali kon coo, mò va o kɛsiaa lon le lɔ́ɔ́-lɔ́ɔ̀.»