1Samiɛl 20:5 - BII BILA

⁵ Mí David mulul Yonatan aa: «Siɔdii kafo paangii sɛnɛiyo co ni, yáà bɛnda mì yáà de ɲɛdiaa naa masaa latulu. Kɛ yandi cɛl-la mì ɲaanun, mì kɔ vionnun yondoo nin háá diɛŋ icɔl.

1Samiɛl 20:5 Referans Kwoze

Kundalan 10:10

O palɛi niɛi kɔlkɛndɛi coo bɛɛ, la bɛnda mì la hɔŋ bululan ndan: o kafola niaala lekaanndan coo, o kafola paangun sɛnɛilan coo, telen niaa soli sálàla loamaalan-ndo a telen niaa soli sálàla kɔlɲululan-ndo. Nɛiyo vanin kon le ya Mɛlɛka Hala niaa loonɔnndo a niaa o kɔɔ ni.»

1Samiɛl 19:2

mó kɔ cɔɔmuu fuɲa ndɔ o ndu David lo, mó dimi aa: «Saul fuɲa ni co nɛilan nuwviaa le nɔm diyɔɔ. Lelan siɔdii mɛɛ ma caa taw. Kindin ma nuwviaa fonda kɛndɛ-kɛndɔɔ pum, ma kɔ vionnun ndon.

Kundalan 28:11

«O ipaangu oo ipaangu kandɔɔ, la bɛnda mì la solul-la sálà loamaa a navaa tovaa téndéa nda ŋiɔn, saa kóndóó o pilɛ a saa téndéa nɔ vɔsio pilɛ-a nda ŋɔmmɛw, cɔlua kan kpow a bɛnda mà nɔ lenamta le.

Condii lisai 81:3

La lɔɔ ɲɛm-caan: la lɔɔ dundoo, la lɔɔ banga diom kɛndɔɔ mì la lɔɔ bondomaa.

Kolɔsea 2:16

Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa,

Dɛnnda kiilaa 17:14

Fɔ́ɔ́fɔ̀, mí vanaa laalannda liila Pol a kpengii mɛmma ihɛl-le. Kɛ mí Silas nda Timote lonnun Beeree.

Nsaŋ 8:59

O kon, má cua powtan le ndu viiyo. Kɛ mí Yeesu viannun, mó fula o Cɛi-Hala-o nin.

Talelan 22:3

Vana taasio ce pɛ dɛnɛ palaa hunɔɔ, o vennun. Kɛ vanaa bii dɛnɛ bila le-a nda kɔnndan tuŋ, sanga fula pɛ o tol nda coo.

Condii lisai 55:12

Diuvanndo tuŋ co lenin ni, delɔɔcoo a kafalan la co cuvɔɔ lenin te.

1Samiɛl 20:19

Diɛŋ, a paale yɔngannden a tuusu o fonda nɔm óò kɔ vionnun lɔ́ɔ́ sɔɛi he ndíì kandun-ndo-o. O powvo Esɛl ikɛi.

1Samiɛl 20:6

O kon, te fuɲa nɔm koma va pɛ ɲunaa le ya, a dimul ndu aa nɔm Yonatan cɛl le faŋan nuu ni, mí kɔa cɔ́-cɔ́ o ya lo Bɛtlɛhɛm le sálà vɔsio solio latulu naa yungu nuu.

2Masaa 4:23

O kon mí pɔnɔ ndɔ ɲuna ndu aa: «Vɛɛ hau kɔlan ndan o ndu lo? O co paangii sɛnɛi le, o co yɛ vɛlɛ paale pɛngiaa le.» Mó mulul ndu aa: «Hali ma buulan te.»

1Samiɛl 20:4

Mí Yonatan dimul David aa: «Ɲɛ-ɲɛ n yeema pɛ, i tosal nɔm kon?»

1Samiɛl 20:18

Mí Yonatan dimul David aa: «Siɔdii kafo paangii sɛnɛiyo co ni, vannda sinanin maa a co lon te. Kani fonda nɔmndo vanin fondo, vana celen celnin ndon le ɲɛdiaa dioo le.

1Samiɛl 20:24

O kon, mí David kɔ viannun yondoo nin. Paale kafo paangii sɛnɛiyo tiiyaa, icɔllo, mí masaa Saul cal o tabalio le dioo.

1Samiɛl 20:27

Kɛ diimandɔɔ, o paale diinndɔle kafo paangii sɛnɛi pilɛ kon coo, fonda David-o vannun vɛlɛ fondo. Mí Saul ɲuna Yonatan aa: «Le yɛɛ nɛ po Yisai-yo kɛɛ yɛ hunɔ̀ɔ̀ le ɲɛdiaa dioo ciɛi a hau?»

Amɔs 8:5

La co dimio aa: «Lɔ́ɔ́ kuɛɛ kafo paangii sɛnɛiyo co yɛ cuvɔɔ, haliko mi n kɔ muungu malun naan pisio? Lɔ́ɔ́ kuɛɛ nɛ kafo paale pɛngiaa ho co yɛ nin cuvɔɔ, haliko mi n kɔ kumbi kondala naalan le malun naan muungoo pisio? N co panilan bɔɔfiàà mì la dɔɔnan, mì n cɔɔlu vɛlɛ maalon báà heelu, n co ɲɛla tuvaala n'ɲɛlan mangaliaa le vannda palaa.