1Samiɛl 20:3 - BII BILA

³ Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

1Samiɛl 20:3 Referans Kwoze

2Masaa 2:6

Mí Elii dimul vɛlɛ Elise aa: «Lo nanu, kani Mɛlɛka vem ya Yurdɛn o peelo.» Mó mulul ndu aa: «Te Mɛlɛka co yoomu, mí nɔm bɛɛ va yoomu, i faŋannin nɔm kɔɔli le few!» O kon má hiaw laci a kɔlan nda ndu.

1Samiɛl 27:1

Mí David pila dimi o kɔl ndɔɔ nin aa: «O va paale pum, Saul co ya diyɔɔ. Lelan o co fisa mì hɛlun ndu, mì kɔɛnnun o lɛŋnde Filistia nin. Te o ve lɛ ya cɔ o lɛŋnde Israɛl-ten nin te, o tuw lɛnin ya le.»

1Samiɛl 25:26

I laalan maa Mɛlɛka pila kuuna nɔm le koovan solio ni, ndu kuuna nɔm le cɔlɔbaa le nɔm pila ni. Lelan te Mɛlɛka co yoomu, mí nɔm pila bɛɛ va yoomu, yaamɔaa nɔmnda a vanaa yeema dɛnɛ nɔm kɛndɔɔ le-a kpede a siŋnunnin maa Nabal.

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

2Masaa 2:4

Mí Elii dimul vɛlɛ Elise aa: «Elise, lo nanu, kani Mɛlɛka vem ya Yeriko.» Kɛ mí Elise mulul ndu aa: «Te Mɛlɛka co yoomu, mí nɔm bɛɛ va yoomu, i faŋannin nɔm kɔɔli le few!» Má kɔa Yeriko nda ndu latulu.

2Masaa 2:2

mí Elii dimul Elise aa: «Lo nanu, kani Mɛlɛka vem ya háá Betɛl.» Kɛ mí Elise mulul ndu aa: «Te Mɛlɛka co yoomu, mí nɔm bɛɛ va yoomu, i faŋannin nɔm kɔɔli le.» Má kɔa Betɛl nda ndu latulu.

1Samiɛl 1:26

Mí Anɛɛ ɲuna Helii aa: «Vɛ̀ɛ̀ a loonun pá a cuaa pum o kɔɔ, ó va ɲin pilɛ isisi nanu nɔm ikɛi le Mɛlɛka piɛiyo-o? Ya kpeekpei va piɛile len ni.

Hebreea 6:16

Kani vanndacieea va pɛ mɛnanndo, a mɛnan o diola vana hiow nda-o. Mɛnan kon tosà ni mì vannda laalan sɔɛi ndɔɛi, mì sɛɛngianndo cuu.

Yeremi 38:16

Mí masaa Sedekia mɛnalan Yeremi o vionnɔnndo nin aa: «Te Mɛlɛka co yoomu, o ke naa yoomoo-o. I diinin nɔm te, i melnin nɔm vanaa yeema haa le nɔm diyɔɔ-a o ba le!»

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Condii lisai 116:3

Yooei piɔ́mnde ndíì cii ya nin kayakaya, ciee-piɔ́m ndóò cii ya nin miolɔɔ, mɔnɛi a somisominndo ndóò cii ya nin biyɔɔ.

2Samiɛl 15:21

Kɛ mí Itai mulul masaa, mó dimi aa: «Te Mɛlɛka co yoomu, te nɔm masa, nɔm vana ni bɛndoo bɛɛ co yoomu, nɛɛ-nɛɛ n kɔɛ pɛ, i co nɔm kɔɔli! Taa vi pɛ, n vi latulu, taa cinda yɛ pɛ, mɛɛ n cinda latulu naa ŋiɔn.»

1Samiɛl 17:55

Tuma Saul ndóò ce David Koliat kuello-o, mó ɲuna Abnɛr va simlacinɔ vanaa cɔwva-o aa: «Abnɛr sei! Nɛ̀ɛ́-nɛ̀ kpeekpei velu yɛ poombɔ felengoo ho?» Mí Abnɛr mulul ndu aa: «Masaa a toɲa, i sínà le.»

Tɔŋ miingua 28:66

Ceen niaa vanin o laasianndo niaa o hɔl, siòònde vanin niaa biyɔɔ icɔl a ipala. La nɔnin tiindan oo tiindan le yoomu niaa siɔdii laci le.

1Samiɛl 20:2

Mí Yonatan mulul David aa: «Kɛì-kɛì bɛɛ! A co vu le. Kani fuɲa nuu tósà ɲɛ-ɲɛ mò kɛɛ ya fɔlɔn dimul te. Le kɔlɔ yɛɛ nɛ o vin yɛnin ya tùú ndɔɔ ho? Dɛnɛ vaa lende tosannin te.»

1Samiɛl 20:4

Mí Yonatan dimul David aa: «Ɲɛ-ɲɛ n yeema pɛ, i tosal nɔm kon?»