1Samiɛl 20:1 - BII BILA

¹ Mí David mal Nayɔt, o kobio Rama ikɛi, mó kɔ komal Yonatan po Saul-lo, mó ɲuna ndu aa: «Yɛɛ nɛ ya tosa yɛ? Dɛnɛ vɔɔn yɛɛ ya tosa yɛ o fuɲa nɔm? Haki yɛɛ kpeekpei ya cua yɛ a ndu mó va nɛilan nuwviaa le ya diyɔɔ?»

1Samiɛl 20:1 Referans Kwoze

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

1Nsaŋ 3:21

Caaŋaa nia hɛnan ya-a, te kɔlta naalan la yaala naa le, mɛɛ n nɔ tiindanndo Hala o hɔl.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

1Samiɛl 24:17

Lɔ́ɔ́ David cii sɔɛi lende o Saul lo-o, mí Saul ɲuna ndu aa: «David po ni, vɛ̀ɛ̀ diom nɔmndo ya tuei nuaa ni?» Mí Saul caŋ fúkpàà-fùkpàà!

1Samiɛl 24:11

Nɔm pila tofa vɔ, Mɛlɛka ndóò cii nɔm hau malɔɔ ya o ba o buululan ndan nin. Vannda va ya dimullo le nɔm diyɔɔ, kɛ i cɛl te, mí dimi aa i cɛlnin mì hol vana ni bɛndoo baa le, kani masa Mɛlɛka pɔla-o o co ni.

1Samiɛl 24:9

Mí David bɛɛ koma cɔn, mó fula ndu kɔɔli o buululan nin, mó yonda coocoo aa: «Vana bɛndoo sei! Masaa sei!» Mí Saul mulin mó tofan kɔɔli, mí David baŋ vulan, mó tundun lɛŋ dí.

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

1Samiɛl 20:2

Mí Yonatan mulul David aa: «Kɛì-kɛì bɛɛ! A co vu le. Kani fuɲa nuu tósà ɲɛ-ɲɛ mò kɛɛ ya fɔlɔn dimul te. Le kɔlɔ yɛɛ nɛ o vin yɛnin ya tùú ndɔɔ ho? Dɛnɛ vaa lende tosannin te.»

Condii lisai 54:3

Éé Hala, ciindiaa ya o diola nɔmndan! Kiolu ya iyama a kpaaya nɔmndo!

1Samiɛl 19:1

Mí Saul cɔm Yonatan po ndɔ a vanaa bɛndua va ndu Saul o ba bɛngu-a kpow tuu ndóò nɔ le David diyɔɔ-o. Kɛ mɛɛ Yonatan ndóò kaola David taw yɛ,

1Samiɛl 19:18

Nuaa David looku hiɔlɔn ni mó ɲaanun. Mɛɛ o hɛlun lende, mó kɔa Rama o Samiɛl lo, mó kɔ downun ndu kona a ɲɛ-ɲɛ Saul tosa a ndu. Má kɔa Nayɔt nda Samiɛl, má kɔ cal lon.

1Samiɛl 20:32

Mí Yonatan ɲuna fuɲa ndɔ aa: «Le yɛɛ ndu diyɔɔ? Yɛɛ nɛ o tɛɛmbuu yɛ?»

1Samiɛl 24:12

Òó Pua, tofa vɔ! Tofa vɔ bɔ̀ɔ̀le doma nɔm bɛndoo ya o ba! Yáà tiwba mì yáà dii nɔm, kɛ bɔ̀ɔ̀le doma nɔm bɛndoo daama ya kelu ni. Lelan sina maa i nɔ nɛyɔn nɔm te, i tɛɛndan nɔm te, i cue vɛlɛ haki a nɔm te. Kɛ mí nɔm va ya tovɔɔ le ya diyɔɔ.

1Samiɛl 26:18

Mí David ɲuna vɛlɛ aa: «Vana ni bɛndoo, vɛ ma va ya tovɔɔ ho? Yɛɛ nɛ ya tosa yɛ? Ɔ́ɔ̀ ɲɛ ya tɛɛmbuu-o?