1Samiɛl 2:9 - BII BILA

⁹ Ndu manda vana lo o lediom coo-o ni, kɛ vanaa kɔlvesɛiya nda, o ɲumndan nin nda laasiàn ni. Kani vanacieo tiwba ɲɛ-ɲɛ sɔla a kpaaya ndɔɔ le.

1Samiɛl 2:9 Referans Kwoze

Condii lisai 121:3

O cɛlnin mà siɛla le, vana co nɔm mandaa-o lɔlnin te.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Condii lisai 97:10

Niaa vanaa kaola Mɛlɛka-a, la kɛɛ yɔŋ vɔɔndo, Mɛlɛka co yoomula vanaa lo o lediom coo-a mandaa, o co nda baŋaa vanaa yɔŋ vɔɔnda o ba.

Condii lisai 94:18

Telen oo telen ya dimi pɛ aa: «I co delɔɔ», kaola nɔmndo saa ya, nɔm Mɛlɛka pɛɛn.

Condii lisai 37:28

Kani Mɛlɛka kaola dɛnɛ sandaa, o mel vanaa lo o lediom coo-a le. O co nda mandaa lɔ́ɔ́-lɔ́ɔ̀, kɛ cuavaa vanaa kɔlvesɛiya ɲumnin bómbò.

SƐBƐ YƆB-O 5:24

A sinanin kɔlɲuloo o nɔm ndo cɛinin, A mɛɛndiannin ɲɛm nɔmndon, a komalnin mì ɲɛ-ɲɛ faŋan lecoo le.

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

Talelan 16:9

Mì vanacieo tuu le ipum tosaa, kɛ Mɛlɛka tosa ni mò tiwba tuu kon peeloo.

Condii lisai 121:8

O mandanin nɔm o kɔlan, mo manda nɔm o muungoo, kandɔɔ sunsun háá le fɛɛn a fɛɛn.

2Piɛr 2:17

Vanaa kan co macoaa maa soonnda mamɛnnda nɔ mamɛn lenin te lan, maa piɔɔ helaa hoeyii fùkù-fùkùei hivi-o, ɲumma bɛndu-bɛnduan ma co nda cum.

Matie 8:12

Kɛ mà viow vanáà bɛnda le masalen loo kɛɔ-va o ɲumndan nin o bɛ́ɛ̀, nɛɛ vannda vanin caŋndan a ciŋndon sɔmndo-a.»

Sofoni 1:15

Paale kɔltuwlen paale len le vanin ni, paale ŋɔɔciannden a paale dɛnɛ palaalen le vanin ni. Paale tɛɛmbua len a paale imɔnɛ len le vanin ni, paale maɲumnden a paale ɲumma n'kpungbalen, paale yumbuyumbulen a paale mɔ́m bɛndulen le vanin ni.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Talelan 3:26

Kani Mɛlɛka mandanin nɔm o kɔlkɛsiaa nin, o faaŋiaanin yaŋɔɔlan nɔm o pelon bɛngu.

Vana Kɔlkaloo 5:17

O ya dɔw taasi-o co hoo ni, o naŋ mì vanacieo va dioo a kolɔɔ, mò dɔwnun ɲaale a sanga bɛndu o co o paalen bɛngu-o, ó palɛi Mɛlɛka kilu ndu le yoomoo-e bɛngu pɛɛn. Ó ndɔɔ co kon ni.

Talelan 2:8

O co nɛila dɛnɛ toɲalan kandaa, o co nɛi vanaa lo o diomnden coo a ndu-a kandaa.

Condii lisai 121:5

Mɛlɛka mandanin nɔm, o co nɔm ikɛi mɛɛ vundulen le kanda vana nuaa yɛ.

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

Yude 1:3

Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Yeremi 9:23

Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

SƐBƐ YƆB-O 5:16

O kon, mì vanaa nɔ mayoomu le-a sɔla kɔlkɛsiaa, mì dɛnɛ sandaa lepɛŋndo kinda sondoo.

Kundalan 6:24

Màá Mɛlɛka dɔw nɔm duaa mò kanda nɔm!

Condii lisai 31:17

Teengiaa hɔlaa nɔmnda ya coo, ya vana nɔm baalaa. Ciindiaa ya le vanakɛndɛyɛi nɔmnde.

Esai 27:3

«Ya Mɛlɛka, ya co vana mandaa nakɔ kon ni, telen oo telen, i co ndu pɔɔliaa. Paalen a ɲumndan, i co cumullo le ndu mandaa, yɔŋii vannda hun luɛi lenin a kalan.

1Samiɛl 25:26

I laalan maa Mɛlɛka pila kuuna nɔm le koovan solio ni, ndu kuuna nɔm le cɔlɔbaa le nɔm pila ni. Lelan te Mɛlɛka co yoomu, mí nɔm pila bɛɛ va yoomu, yaamɔaa nɔmnda a vanaa yeema dɛnɛ nɔm kɛndɔɔ le-a kpede a siŋnunnin maa Nabal.

SƐBƐ YƆB-O 18:18

A faŋanin ndu o ɲɛ-tengaa, mà ɲindu ndu o ɲumndan nin. À toawnin ndu mà faŋa ndu o ceendo coo.

SƐBƐ YƆB-O 40:13

Mingi vɔ nda kpow o puuloo bɛngu o lepilɔɔ, ma kinda nda o kaasoo ciee-piɔ́m.

Condii lisai 1:6

Kani Mɛlɛka sinà nɛi vanaa sandaa, kɛ o tambei nin nɛi vanaa kɔlvesɛiya yaa vana ni.

Condii lisai 105:37

Mó soli Israɛlla o lɛŋnde len nin a volion a á sianion o laba. O polama ndan nin, vana-vana lo kɔɔli le.

Condii lisai 145:20

Mɛlɛka co vanaa kaola ndu-a kpow kandaa, kɛɛ, o co vanaa yɔŋ vɔɔnda kpow tɛɛmbuuo.

Esai 47:5

Lelan niaa Kaldea, la cal mì la mei kpili, la kɔ o ɲumndan nin! Kani a veelu lɛnin niaa aa: «Vanaa bɛndua co masɛi bollen nda» le.

Nahum 1:8

tuma kpundɔɔ hun maa mɛmma hunaa-o. Kɛ o toaw yaamɔaa ndɔa o ɲumma piɔ́mndan nin, mò tɛɛmbuu nda kpede.»