1Samiɛl 2:8 - BII BILA

⁸ Ndu cua vana ikɔɔ del lɛŋ-ndo mò simi ndu ni, ndu simi vɛlɛ vana ikɔɔ nda mal o sállo coo-o ni mò kɛsi nda o fondala sɔvɛlan. Kani Mɛlɛka cɔw sungbuma lelɛŋndan ni, mó kɛsi lɛŋnde kalalen lecoo.

1Samiɛl 2:8 Referans Kwoze

Daniɛl 2:48

O kon, mí masaa yɔngu Daniɛl fonda bɛndoo. Mó yɔngu ndu ɲɛm sɔvɛɔn taw-taw. Mó kɛsi ndu bollen o tàndá Babilɔn-ndo kpow coo, mó handu ndu bolle vanaa kɔlkalua Babilɔn kpow.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Daniɛl 6:3

Mó kɛsi vanaa lebolla nda yáá, a masaa n'bungaa kan ndáà bɛnda le konaa downɔnndo-a, yɔŋii ndáà yii masa bɛndoo dúmbú. Daniɛl va vana pilɛ o vanaa lebolaa yáá-aa kan tɛɛn.

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Vana Kɔlkaloo 4:14

Toɲaa co kon ni. Hali o va bɛɛ maa fulaa langbanɔ kon fula o kaasoo ni mó siŋnun masaa, te kon te aa violɔnndo o velun o bala fondolan nin ni, mó va kelaa piɛilen o masale ndɔlen nin.

1Samiɛl 15:17

Mí Samiɛl dimi aa: «Paandu, nɔm pila va cɔnnɔnndo o pɔmbɔ, vɛ̀ɛ̀ o co nɔm kon te siŋnun simlacinɔ polama Israɛlla le? Vɛ̀ɛ̀ o co nɔm kon te Mɛlɛka pɔla ma siŋnun masaa o lɛŋnde Israɛl-ten coo le?

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.

Dɛnnda cɔɔmuanndan 5:10

A siinguu nda masalen a kunda vanaa-solia-lasálàá le Hala naa, nduyɛ a tosanin masalen o lɛŋnden coo.»

2Samiɛl 7:8

Lelan sisa, dimul David vana ni baala aa: ‹Mɛlɛka-Nɔ-Kpaayaa-Kpow-vo dimi aa: Ya cua nɔm nɛɛ n va cɔlua mandaa yondoo nin-nda ni, mí siinguu nɔm simlacinɔ Israɛlla, vanaa nia pɛɛn.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Condii lisai 104:5

A cii lɛŋnden kila má baŋ nden, le kpeŋan ndɛnin lɔ́ɔ́-lɔ́ɔ̀ le.

Condii lisai 102:25

O kon, mí yonda aa: «Éé Hala nuu, kialu palɛi nii yoomuɛi tɛɛn te, nɔm Hala fɛɛn-fɛɛndo!»

Condii lisai 24:2

Ndu cɔw ceendo o mɛmma bɛnduan coo ni, ndu simi ndu o peelan coo ni.

O Kandɔɔ 41:14

O kon mí Faraɔnnɔɔ viam vannda le kɔlan hunɔɔ a Yosɛf. Má kɔa cɔ́-cɔ́, má kɔ soli ndu o kaasoo, má sendi ndu, má soli ndu volɔɔla va ndu lekɔɔlan, má vow ndu volɔɔla celen. Má kɔa a ndu o Faraɔnnɔɔ lo.

SƐBƐ YƆB-O 2:8

Mí Yɔb cua tɛndula kpɛɛnɛi puululan le ɲɛɛsɔnndo a lan, mó cal o pultan nin.

O Kandɔɔ 41:40

Lelan, nɔm co va bollen o masale nilen coo ni, mì vanaa co o ba nuu bɛngu-a kpede a va nɔm o labɛngunin. Ya pila Faraɔnnɔɔ bɛɛ, ɲɛ ya hiawnin nɔm-ndo koni co le co ya co icali o kpɛŋɛ lemasaa nin-ndo ni.

Daniɛl 4:17

Yɔm bɛndu-bɛndu n ce hoo mó nɔ kpaayaa taw, mó tiiya bandei háá o halataala-o, o vanáà sim kon nɛɛ-nɛɛ ka o ceendo coo ma ce ndu-o,

1Masaa 16:2

«O cundoo nin ya soli nɔm ni, mí siinguu nɔm simlacinɔ Israɛlla kpow, kɛ má kela mɛɛ Yeroboam kela yɛ, má luei yungu nuu, Israɛlla o hakilan nin le ya kɔllo tɛɛmbuuo.

2Masaa 9:6

Mí Yehu can, mó luɛi cɛinin. O kon, mí langbanɔ felengi kon taaliaa cuɛiyan ndu o lebol, mó dimul ndu aa: «Diom Mɛlɛka Hala Israɛlla dimi-o co hoo ni aa: ‹I pɔla nɔm, mí siinguu nɔm masaa vanaa Mɛlɛka-a coo, Israɛlla pɛɛn.

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

Condii lisai 75:3

Hala dimi aa: «Telen ya pila handunin-ndo, telen kon ya kialunin yamɛi sandɛi ni.

Condii lisai 75:7

Kani o co a ba paalen le can-ndo a à ba le del-lo le vanabɛnduyɛi i fula le, o co vɛlɛ o lɛŋnde veselɛilen nin te vanabɛnduyɛi cɛn tum te.

Condii lisai 107:41

Kɛ Mɛlɛka co vana bala fondoo malaa, o co yungu ndɔɔ kuiyo maa n'cɔlu.

Esai 22:23

I tɔalnin ndu maa leciŋɔ o fonda kàlà-kálàá coo, o vanin maa fonda calaa lebɛɛo le cɛi fuɲa ndɔ-o.

Condii lisai 75:4

Te lɛŋnden a vanaa co lecoo-a hiilun pɛ, ya pila bii sungbuma lelɛŋndan.