1Samiɛl 2:6 - BII BILA

⁶ Mɛlɛka yɔngù piɔ́mndo ni, ndu koni yɔngù yoomoo ni. Ndu tuisi vana ciee-piɔ́m ni, ndu koni soli vɛlɛ vana ciee-piɔ́m ni.

1Samiɛl 2:6 Referans Kwoze

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Esai 26:19

Kɛ vanvílɛ́yaa nɔmnda muungunin yoomu, dialun vanaa nɔmaa vi-a n tendulnin! La tendul, la yɛkɛlan a kɔlkɛndɔɔ, niaa co o cundoo nin o lɛŋnden bɛngu-a! Kani mɔ́m mingi yoomoo-o mɔ́m nɔmndo co ni. Lɛŋnden le minginin vanaa vi-a yoomu ma ce paalen.

2Masaa 5:7

Masaa Israɛl ciiyo dɔ́ɔ́ sɛbɔɔ tofaa, mó sɛɛsian volɔɔlan lekɔɔ, mó deŋi aa: «Mò va maa ya co Hala le vannda diyɔɔ a le nda mingio yoomu ni? Vɛ mó vim ya vanndo le ndu singio a nàà siaŋaa? Vannda la ce isɔɔ nɛ? Kela tandaa daama hoo cɛn ya kɔɔli nuaa ni!»

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

SƐBƐ YƆB-O 5:18

Kani ndu soaŋ vana ni, kɛ ndu pila koni cɛw vɛlɛ vana ni. Ndu yɔŋùl vana ni, ndu koni cɛw vana a ba ndɔɔ ni.

Nsaŋ 11:25

Mí Yeesu dimul ndu aa: «Ya co tendul vanvílɛ́iya a yoomoo ni. Vana laalan ya pɛ, o vanin yoomu, hali o vu bɛɛ.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Condii lisai 116:3

Yooei piɔ́mnde ndíì cii ya nin kayakaya, ciee-piɔ́m ndóò cii ya nin miolɔɔ, mɔnɛi a somisominndo ndóò cii ya nin biyɔɔ.

1Samiɛl 20:3

Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

Condii lisai 68:20

Biiloo co le Mɛlɛka lepalaa-lepala, o co naa kpekulan solio lepalaa-lepala-o. Hala kon co Vana ciindiaa naa ni.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Esekiɛl 37:3

Mó ɲuna ya aa: «Po vanacieo sei, paalan ndan la nɔla lɛ pá mì la muungu yoomu?» Mí muli aa: «Maalii, Mɛlɛka nɔm pila sina.»

Esekiɛl 37:12

Lelan, nɔm tɛɛngul nda diom Hala-o. Dimul nda aa: Nuaa Maalii, o co Mɛlɛka-o dimi ni aa: ‹La tofa vɔ mɛɛ ya kumbi sɛila niaalan yɛ, i solinin niaa o sɛila lan nin, mì heelu niaa ceen. I co niaa mingi o lɛŋnde Israɛl-ten nin, niaa co vanaa nia-a pɛɛn.

1Masaa 17:22

O kon mí Mɛlɛka tuɛi Elii diom, mí poombɔɔ tendul, mó muungu yoomu.

Condii lisai 30:4

Nɔm soli ya ciee-piɔ́m ni, Mɛlɛka. Yáà bii nin nɛiyo le kɔlan o sɛiyo nin, kɛ má mingi ya yoomu.

Condii lisai 71:20

A tɔɔndan bɛɛ ya a dɛnnda imɔnɔlan a á dɛnnda palaalan nuaa taw, kɛ a mingin yoomoo ya o milin, a solinin ya o lɛŋnden bɛngu, o sɛiyo nin pɛɛn.