1Samiɛl 2:5 - BII BILA

⁵ Vanaa va a pumaa-a co vallo nuwviaa le ɲɛdiaa sɔlaa, kɛ vanaa va a yiaan-nda, nda buulan ndɛ le vali le. Vanalanɔ vilu loo ndu velu cuawva nda ŋɔmmɛw, kɛ o nɔ cuawva taw-vo co lɛ violɔɔ le.

1Samiɛl 2:5 Referans Kwoze

Luke 1:53

O yɔngu vanaa yiaan ma va nɛiyo-a ɲɛ-sɔlaa taw, mó mingi vanaa bolofaa vanaa bala fondoa.

Condii lisai 113:9

O ke vanalanɔ ndóò vilu loo cuawva, mó siinguu ndu vanalanɔ dɛnɛ kɛndɔɔ. La lisa Mɛlɛka.

Yeremi 15:9

Vanalanɔ nda va bɛɛlen keo le cuavaa ŋɔmmɛw o velu-a-o siŋnun ɲɛ fondoo, mò malnun kɔl. A telen paalen o pol kpen, mó yiyan maa paalen le del. Mí siɛmbulan la bii ndu, mí bɛɛle ndɔlen le hialun ndu. I malnin vanaa lonin-nda yaamɔaa ndaa o ba, mà diw nda.» Sɔɛi fula Mɛlɛka o sondo-e co ken ni.

Condii lisai 34:10

Niaa vanaa diandaa la ke Mɛlɛka bɛɛlen, kani vanaa co ndu bɛɛlen keo-va, ɲɛ-ɲɛ co nda lepɛŋ te.

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Esai 54:1

«Viow kponyoo, nɔm vanalanɔ bɔlɔkɛɔ, nɔm vilu cua loo! Viow kponyoo a yoondiaalan mà dɔwnun ɲaale, nɔm dembe vialaa nɛi hoo loo! Kani cuavaa vanalanɔ malnanndo vanin sɛ́lɛ́ mà hiow cuavaa vanalanɔ co o nɔu-vo.» Lende Mɛlɛka dimi ni.

1Samiɛl 1:6

Mí Penina diɛɛmu ndɔ, ndu va tosaa o nɛi oo nɛi coo le Anɛɛ kɔllo tɛɛmbuuo lɔ́ɔ́-lɔ́ɔ̀, mó va ndu siɛmbulan tuisio le tùú ndóò vilu loo.

1Samiɛl 1:20

Mó cua folio, mó vialu poo. Mó dimi aa: «I co ndu diolan ke aa Samiɛl. Kani Mɛlɛka ya piɛi le ndu sɔlaa ni.»

Kalatea 4:27

Kani o co o sɛvaa aa: «Dɔwnun ɲaale, nɔm vilu hoo loo. Yonda a kɔlkɛndɔɔ, mà deŋi, nɔm dembe vialaa nɛi hoo loo! Kani cuavaa vanalanɔ nda mal-lo hiow vaa sɛ́lɛ́ a cuavaa vanalanɔ loo pɔnɔ ndɔ-o».

Ruti 4:15

Poo ho kenin nɔm yoomuma sɛnɛi, mó hun manda nɔm o yuuvɛi nin. Kani lanɔ kaola nɔm-ndo velu ndu ni. Lanɔɔ ho co fisa le nɔm hiovɔɔ poaa nda ŋɔmmɛw coo.»

Esai 33:9

Lɛŋnden le co o sanga bɛndoo nin, le co o mɔnɛi nin, lɛŋnde Liban-nden le lɔngɔlian, le luɛi kɔsɔ, dɛɛlaa Saron siŋnun maa lɛŋnde veselɛi. Yɔmnde caa mì pei cɛɛlun kpow o tàndàá Basan nin a o pembei Karmɛl coo.