1Samiɛl 2:3 - BII BILA

³ La híw sɔɔn kuundianndon dimi le, la solin ndɛ yeowlan o lasondo o sɔɔn niaan nin te. Kani Mɛlɛka co Hala sina dɛnndan kpow-vo ni, ndu kialu yamɛi dɛnnda vannda kpow ni.

1Samiɛl 2:3 Referans Kwoze

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

1Masaa 8:39

mulul nda nɛɛ n co o calta nɔmndan o halataala-a, mà mal nda haki, mà kelu yamɛi vana-vana mɛɛ dɛnnda ndɔlan la co yɛ. Kani nɔm pilɛ kpé sina kɔlta vanndacieea kpow ni.

Talelan 24:12

Bɔɔle ma dimi aa: «I ve sina le». Kɛ vɛ̀ɛ̀ vana sinà kɔltan-ndo ndu sinà masinaa le? Bàà vana co nɔm mandaa-o sinà le? O mingulnin vana-vana mɛɛ dɛnnda ndɔlan la co yɛ.

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

Talelan 16:2

Vanacieo yiyan lɔ́ɔ́-lɔ́ɔ̀ maa kela ndɔɔ dendu, kɛ vana yaasiaa kɔltan-ndo co Mɛlɛka ni.

Esai 37:23

Nɛ̀ɛ́-nɛ̀ n yeow yɛ, nɛ̀ɛ́ n dimul-lɛ sɔɔn tanaan? A Nɛ̀ɛ́-nɛ̀ n tosal-lɛ paa-kala má soaa a ndu coocoo? A Nɛ̀ɛ́-nɛ̀ n heelu yɛ hɔlla coo? Ya Hala Diandaa Israɛlla n hol sondoo nuaa ni dɛ!

Condii lisai 147:5

Mɛlɛka naa co o bɔɔ, o nɔ kpaayaa taw, kɔlkalu ndɔɔ nɔ lamɛɛlu le.

Condii lisai 94:4

A co sɔɔn yongan dimio, vanaa yɔŋ vɔɔŋaa kan kpow a co kuundianndo.

Condii lisai 44:21

Te náà n pɔɛɛnun pɛ diola Hala naa, te náà n sooluu pɛ hala celenndo,

SƐBƐ YƆB-O 31:6

mɛɛ Hala tùú vɔ ya hau o ɲɛ ndɔ tuvaa nɔ lakafa loo coo, o sinanin maa i tɛɛmbuu isɔɔ le.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Malasi 3:13

Mí Mɛlɛka dimi aa: «La co ya sondoo heelɔnndo mì la muungu dimio aa: ‹Vɛ̀ɛ̀ naa n co yɛ nɔm sondoo heelɔnndo?›

Daniɛl 5:27

Tekɛl! Kon co dimio ni aa: ‹Tuuvo (landɔɔ) o kiloo›. A tuunun o kiloo coo, kɛ a lusul lende le.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Esai 26:7

Nɛi vana sandaa, o sandaa sakpo o co ni. Nɔm vana sandaa n co ni, nɔm peelu nɛi vana sandaa ni.

Condii lisai 17:10

A nɔ iɲíí o lakɔl te, sɔɔn yongan tuŋ nda co solinndo o lasondo ni.

Condii lisai 31:18

Mɛlɛka, i piɛi nɔm pɛ, màá siɛmbula bii ya le. Kɛ màá siɛmbulan la bii vanaa kɔlvesɛiya, mà tol ciee-piɔ́m o meiyo nin!

Condii lisai 75:5

I kpaa vanaa yongaa aa: ‹La tosa lɛ yongaa le.› I dimul vɛlɛ vanaa yɔŋ vɔɔnda aa: ‹La heelu lɛ hɔlla le.

Yosue 22:22

«A toɲa, Mɛlɛka co Hala bɛndoo ni, lende i co ni, Mɛlɛka co Hala bɛndoo ni. O sina le kɔlɔ naa n tosa nuaa-o. Israɛlla bɛɛ bɛnda mà sina ken. Te nila kalulan a kɛndɛi sinaa lepɛŋnde vem naa fonda-loamaa-lasálàá ho simio ni, màá Mɛlɛka mal naa haki hau le!

Masaa kialaa n'yamaa 9:38

Mí Sebul mulul ndu vɛlɛ aa: «Ɔ́ɔ̀ niko sɔɔn nɔm bɛndun n va dimio-on? A va naa dimullo aa: ‹Nɛ̀ɛ̀ Abimelɛk co yɛ mì naa Sikɛmnda n va ndu o ba bɛngu?› Tofa niko ndu hunɔɔ a vanaa n va pɛɛsaa-a kɔɔli, mɛɛ cɔn niko ma kɔ simul ndu.»

Esekiɛl 35:13

Mí la simul-la a tombola maloo-maloo niaa, mí la soaa yongaa a ya, i tuɛi yonga niaa soo kon-ndo válán.