1Samiɛl 2:2 - BII BILA

² Vana co o diandaa maa Mɛlɛka le, Hala naa ndu pilɛ kpé co pow kpovaa ni. Hala celen co o ndu kɔɔli le.

1Samiɛl 2:2 Referans Kwoze

2Samiɛl 22:32

Nɛ̀ɛ́-nɛ̀ co yɛ Hala, te o co Mɛlɛka le? Nɛ̀ɛ́-nɛ̀ co yɛ pow kpovaa, te o co Hala naa le?

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

Condii lisai 86:8

Éé Maalii, hala kɛ́-kɛ̀ co maa nɔm o piɔmnda tɛɛn te, o kɛ́-kɛ̀ tiwba mò tosa dɛnndan maa nɔm te.

Condii lisai 89:8

Ɲaa-fàngà Hala co vanaa diandaa taw tɛɛn ni, Kpúlúnkùmaa le vanaa balu ndu-a.

Fulaa 15:11

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

1Piɛr 1:16

Kani o co o sɛvaa aa: «La va a diandaa, kani o diandaa ya co ni.»

Yeremi 10:6

Vana-vana co maa nɔm te Mɛlɛka, a co o bɔɔ, diola nɔmnda kpaaya lan la co la bɔɔ.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Tɔŋ miingua 3:24

‹Éé Maalii! Nɔm Mɛlɛka, a kandu ya vana baala nɔmndo bɔɔbɔɔyɛi nɔmnde a kpaaya nɔmndo cɔmndo, Hala kuɛɛ co yɛ o halataala, te kon te o lɛŋnden coo mò tiwba le dɛnnda bɛndula vaa nuaa tosaa a kpaayaa maa nɔm?

Tɔŋ lasálàá 19:2

«Soo o Israɛlla lo mà dimul nda aa: ‹La va vanaa diandaa, kani o diandaa fó-fó ya Mɛlɛka co ni, Hala niaa pɛɛn.

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Esai 44:8

Lelan, la yɔŋ isiòòn te, la ɲííyà le. Kabi lɔ́ɔ́ levil mí dimul niaa sɔɛi he, mí tɛɛsial niaa dɛnɔɔ ho lenin kpow. Seyaa niaa niaa co ni. Vɛ̀ɛ̀ Hala celen co macoaa o ya kɔɔli? Kɛì-kɛì bɛɛ! Pow kpova celen co le. I sina o kɛ́-kɛ̀ celen te few!»

Esai 40:18

A Nɛ̀ɛ́-nɛ̀ niaa yeema yɛ mì la tuu Hala? A tuula yɛɛ nɛ niaa tuu yɛnin ndu?

Esai 6:3

Má va yondaa vellaa-velle a dimio aa: «O diandaa, O diandaa, O diandaa Mɛlɛka-Nɔ-Kpaayaa-Kpow-vo co ni, lɛŋnden kpow le pɛ cá a biilu ndɔɔ.»

Condii lisai 111:9

O tosa mí vanaa ndɔa sɔla baŋaa, mó yiilu nda kpema fɛɛn-fɛɛndo. Mɛlɛka dendu, vana lakaamaa o co ni.

Condii lisai 99:5

La biilu Mɛlɛka Hala naa, la baŋ vulan ndu o labɛngunin nɛɛ o kɛsì pelon-nda. A toɲa, Mɛlɛka ndu pilɛ kpé co Hala kpeekpeiyo ni.

Condii lisai 89:6

Éé Hala, màá mɛlɛkaa a mel nɔm balika o halataala le dɛnnda kɛndɛla n tosa lan a le lo n lo o lediom coo-o!

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Condii lisai 99:9

La lisà Mɛlɛka Hala naa, la baŋ vulan ndu o labɛngunin o pembii ndɔɛi diandɛi hɔl-ndɔ, kani vana diandaa Mɛlɛka Hala naa co ni.

Condii lisai 73:25

Nɛ̀ɛ̀ celen ya nɔ yɛ o halataala le o nɔm kɔɔli? O nɔm kɔɔli, i yeema ɲɛ-ɲɛ celen o lɛŋnden coo le.

Condii lisai 71:19

Òó Hala! Sandii nɔmnde tiiya háá o halataala, kani a tosa dɛnnda bɛndulan. Ɔ́ɔ̀ vana siiman a nɔm-ndo, Hala?

Condii lisai 71:3

Siŋnun pow kpovaa le ya, o ya viannun nin-ndo, nɛɛ ya nɔla hunɔɔ vionnɔnndo lɔ́ɔ́-lɔ́ɔ̀-a, haliko mì sɔla cindaa. Kani nɔm co pow kpova nuu a kpaki nuu ni.

Condii lisai 18:2

I kaola nɔm Mɛlɛka, nɔm co kpaayaa nuu ni.

Tɔŋ miingua 32:20

Mó dimi aa: ‹I co nda hɔlaa niaa faŋal, mì tofa mɛɛlula ndalan. Kani vanaa laasiannda nda co ni, a co vanaa vana kɔngan te.

Tɔŋ miingua 4:35

Hala cɔm niaa kon kpow haliko mi la sina maa Mɛlɛka ndu pilɛ kpé co Hala ni, Hala celen co o ndu kɔɔli le.

Rɔmnda 4:8

Dɛnɛ kɛndɔɔ co le vana kon, vana Mɛlɛka co lɛ haki ndɔɔ cɔm coo loo!»

2Samiɛl 7:22

A co o bɔɔ Maalii, Mɛlɛka! Vana co maa nɔm te. Maa mɛɛ naa n tuei kabi paandu yɛ, Hala celen co o nɔm kɔɔli le.

2Samiɛl 22:3

Pow kpovaa Hala nuu co le ya ni, nɛɛ ya viannun-nda pɛɛn. Ndu co kɔ̀ɔ̀ cɔw kanda ya-o ni, ndu co vana ni ciindiaa ni, ndu baŋa ya vanaa kɔlvesɛiya o ba ni.

1Masaa 8:23

«Òó Mɛlɛka, Hala Israɛlla! Kandɔɔ o halataala coocoo, háá o lɛŋnden coo nanu, Hala celen co maa nɔm te. A lò o lediom coo, a nɔ vɛlɛ ɲííye a vanaa nɔmaa baalaa co kelaa o nɛila nɔmndan coo-a.

Condii lisai 18:31

Nɛi Hala-o co o tiwnanndo, sɔɛi Mɛlɛka-e co sɔɛi toɲa. Ndu Mɛlɛka co kɔ̀ɔ̀ cɔwvo le vanaa viannun ndu o ba bɛngu-a kpow ni.

Condii lisai 99:3

Màá vannda biilu nɔm, nɔm Hala bɛndoo a Hala lakaamaa! A toɲa, nɔm pilɛ kpé co Hala kpeekpeiyo ni.

Tɔŋ lasálàá 11:44

Kani ya co Mɛlɛka ni, Hala niaa pɛɛn. Lelan la dindin few, mì la va vanaa diandaa, kani o diandaa ya co ni. Le hee, la síŋnùn vanaa nɔɔlɛiya a ɲaa huulaa a visia pɔmbɔa sasun lɛŋ-nda o kɔɔ le.

Tɔŋ lasálàá 11:45

Ya kpeekpei co Mɛlɛka ni, ya soli niaa o lɛŋnde Esipte len nin ni, haliko mi va Hala niaa. La va vanaa diandaa, kani o diandaa ya co ni.

Tɔŋ miingua 4:39

La sina hau sɔɛi he pɛɛngu mì la mandan ndi o kɔl, maa Mɛlɛka ndu pilɛ kpé co Hala ni. Kandɔɔ o halataala, hunɔɔ tiiyaa o lɛŋnden coo, Hala celen co le.