1Samiɛl 2:16 - BII BILA

¹⁶ Te vana kon ndóò mulul ndu pɛ aa: «Cum-ndɔ mì vana lom fɔlɔn visin macuɛiyon, o kon a cua niko o hɛnan nɔm-ndo», buɛi kon ndóò mulul ndu aa: «Ɛ-ɛ, sisa n bɛnda ma ke ya ni, te o co kon te, i cua a paa-kala.»

1Samiɛl 2:16 Referans Kwoze

Tɔŋ lasálàá 3:16

Mì vana-solia-lasálàá lom ɲɛm mun kpow o fonda-loamaa-lasálàá coo. Ɲɛm dian nda loam o yin-ndon co mun ni. Cuɛima fula cɔloo nin-ndan kpow ma co le ya Mɛlɛka.

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Nehemi 5:15

Nduyɛ masaa n'bungaa cal-la tase-a va vannda delɔɔ coo le muloo malɔɔ a ɲɛm dian a á mɔiyan. Handɔɔ o kon coo, má va nda volin latámán belehiɔɔlu biyɔɔ coo le bolle vana pilɛ. Hali buɛyaa ndaa va nin vannda masalen tosaa coo. Kɛ ya yɛ, i tosa lende le, kani siòòŋii Hala-e va ya.

Masaa kialaa n'yamaa 18:25

Mí vanaa fula kan o polale Dan-nden nin-nda mulul ndu aa: «Bɔ́ɔ́lùù naa nilan te dɛ! A bɔɔluu pɛ naa nilan, vannda pum o naa tɛɛn a co kɔltan tuulu, má del niaa coo. O kon, nɔm pila kondulun dɛnɛ, a kondul vɛlɛ cɛi nɔmndo dɛnɛ.»

1Samiɛl 2:15

Lɔ́ɔ́ lepum yɛ, telen pá ndáà hun loam cuɛima cɔlu solin sálàá-an, buɛi vana-solia-lasálàá ndóò hin, ndóò dimul vana co sálàá solio-o aa: «Ke ya visiei mì tuɛi le vana-solia-lasálàá, kani o cɛlnin visin nɔmndon n'yavan te, fɔ n'kiyɛiyon.»

1Samiɛl 2:17

Nuaa poaa Helii-a va hakilan kɔndɔɔ taw a Mɛlɛka ni. Kani ndáà ke Mɛlɛka lebɛɛ a sálàla vannda va ndu solullo lan te.