1Samiɛl 2:12 - BII BILA

¹² Vanaa fondoa poaa Helii-a va ni, ndáà nɔ siòòŋii Mɛlɛka le.

1Samiɛl 2:12 Referans Kwoze

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

2Korɛntea 6:15

Ɔ́ɔ̀ bɛnda co Krista nda Setana tɛɛn-ndo? Te kon te ɔ́ɔ̀ bɛnda co vana laalanndo nda vana co vana laalan too tɛɛn-ndo?

Masaa kialaa n'yamaa 2:10

Mí vanaa nda va lambi pilɔɔ-a kpow diam fuɲaa ndaa ciee-piɔ́m, mí lambi celen koma can nda kɔɔli, ndáà sina Mɛlɛka le, ndáà sina vɛlɛ ɲɛ Mɛlɛka tosal Israɛlla-o le.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Nsaŋ 16:3

A tosanin ken le tùú nda kɛɛ ya a Pua sinaa-o.

Nsaŋ 8:55

Kɛ la sina ndu le. Ya yɛ, i sina ndu. Te i dimi pɛ maa i sina ndu le, i siŋnun ɲɛ pilɔɔ naa niaa, vana lacòòvaa pɛɛn. Kɛ i sina ndu, i co sɔɛi ndɔɛi biyɔɔ.

Yeremi 22:16

O va sɔɛi le vanaa bala fondoa a le vanaa ikɔɔa, mí ɲɛ-ɲɛ va kɔlan o kɛndɛ. Vana kela pɛ lende, mɛɛ ndu cɔm maa o sina ya. Sɔɛi fula ya Mɛlɛka o sondo-e co ken ni.

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

1Masaa 21:13

Mí vanaa fondoa ŋiɔŋaa kan hun sim Nabɔt o hɔl, má kandu ndu sɔɔn ɲiinduuo coo vannda kpow o hɔl aa: «Nabɔt dimi sɔɔn tanan a Hala a á masaa!» Má kɔa a ndu o cieo kɔɔli, má vii ndu a powtan, mó vu.

1Masaa 21:10

O kon mì la kɛsi ndu vanaa fondoa nda ŋiɔn laci, mì vanaa kan ɲiinduu ndu còòlan coo aa o dimi sɔɔn tanan a Hala a á masaa. O kon kɔɔli, la soli ndu o cieo kɔɔli, la kɔ vii ndu a powtan háá mo vi.»

1Samiɛl 25:17

Lelan nɔm bɛnda nihau ni mà yiyan mɛɛ n co sɔɛi kalɛi biyɔɔ yɛ, kani dɛnɛ palaa cuu kiolɔn le tolɔɔ vana naa bɛndoo nda yungu ndɔɔ coo. Kani o hiw ba vɔwlen, vana tɔ́ɔ́ndàn bɛɛ le ndu isɔɔ dimul te.»

1Samiɛl 10:27

Kɛ diɔmnda pum va Saul pɛɛsaa, má va dimio aa: «Bɔ! Vɛɛ nɛ hoo nɔla yɛnin naa baŋa?» A ke ndu ɲɛ-ɲɛ le. Kɛ Saul ve nda sondo vowlul te.

1Samiɛl 3:7

Háá o telen kon, Samiɛl ndóò sina vɔ Mɛlɛka le, kani Mɛlɛka ndóò cɔmnun ndɔ ndu paandu le.

Masaa kialaa n'yamaa 19:22

A lo ɲɛdiaa dioo, mí vanaa fondoa pum o kobi kon nin a hun sɛ́lɔ́ɔ́ fili-fili, má balu cɛiyo sɔ́, má va dioo lɔɔ. Má dimul vana cɛiyo aa: «Solul naa langbanɔ n yiya o nɔm ndo-o. N yeema mì n va a ndu.»

Tɔŋ miingua 13:13

Te la tuei pɛ maa o kobila Mɛlɛka Hala niaa ke niaa le calle lan o pilɛ nin,

1Samiɛl 3:13

Mí yáà dimul Helii maa i co yungu ndɔɔ dɛnɛ palaa tuisi coo le lɔ́ɔ́-lɔ́ɔ̀ le dɛnɛ ndɔ vɔɔndo. Kani o va sinaa mí poaa ndɔa va dɛnnda vɔɔnndan tosaa, o kpee nda le.

Yeremi 9:3

Vana-vana bɛnda mò mandan a puapilɛ ndɔɔ, vana-vana co caan ndɔ toɲa dimul te, kani vana-vana co kafalan tosaa a vanndo pilɔɔ, vana-vana dimi sɔɛi kɛndɛ a caan ndɔ le.

Esekiɛl 22:26

Vanaa-solia-lasálàà ndɔa co tɔŋ nuu tɛɛmbuuo, a co kasio delɔɔ o cɛila-kolala-toandaala ndala diandaalan nin, a sina pɛngulan ɲɛ co o solian sálà-o a ɲɛ co o solian sálà loo tɛɛn te. Lelan, a cɔmnin sɛyanndo ɲɛ co o diandaa-o a ɲɛ co o nɔɔlɛiyo-o tɛɛn te. A co hɔlaa ndaa faŋaa o palɛi nii pɛngiɛi coo, a cii ya bɛ̀ɛ̀lan nda tɛɛn few-few.

Tɔŋ miingua 13:14

Israɛlaa fondoa pum a cɛn, má luei vanaa co o kobi kon nin-nda o pɔwlan nin, má dimul nda aa: ‹N kɔ soolun halaa celeŋaa naa n sina le-a›,