1Samiɛl 2:11 - BII BILA

¹¹ O kon kɔɔli, má mɛi Samiɛl Silo, Helii vana-solia-lasálàá o labɛngunin le Mɛlɛka baalaa tosallo, mí Ɛlkana ndu muungun o ndu lo Rama.

1Samiɛl 2:11 Referans Kwoze

1Samiɛl 3:1

Samiɛl va baala Mɛlɛka-o tosaa Helii o ba bɛngu. O telen kon yɛ, Mɛlɛka ndóò suu ka cuɛi-cuɛi o vanacieo lo le, ndóò cɔm vɛlɛ ka vanacieo vundulen cuɛi-cuɛi le.

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

1Samiɛl 1:28

Ya bɛɛ, i yeema niko mì yɔngu Mɛlɛka ndu, mò va le Mɛlɛka le lɔ́ɔ́-lɔ́ɔ̀.» O kon mí nda kpow a baŋ vulan Mɛlɛka o labɛngunin.

1Samiɛl 3:15

Mí Samiɛl lo ihini háá idiiyo. O kon, mó kɔ kumbi diola Cɛi-Mɛlɛka-o. Mí siòònde bii ndu le Helii vundule o ce len dimullo.

1Samiɛl 1:19

Diimandɔɔ idiiyo púŋ, mí Ɛlkana nda yungu ndɔɔ a kɔ baŋ vulan Mɛlɛka o labɛngunin, malan nda muungu o nda lo Rama. Mí Ɛlkana bɔŋa nda Anɛɛ laa ndɔ o nɔ̀u nin, mí Mɛlɛka yiyan Anɛɛ coo.

1Samiɛl 1:1

Langbanɔɔ pum va icali o tàndàá Suf nin, Rama o tàndá n'pembu Efraim-ndo nin, diolan aa Ɛlkana. Po Yeroham-ndo o va ni, Yeroham kon fuɲa ndɔ va Elihu ni, fuɲaa Elihu va Tohu ni, Tohu kon yɛ Suf yɔŋnun fuɲa ndɔ ni.

1Samiɛl 7:17

malan ndóò muungu o ndu lo Rama. Lon calta ndɔlan la va ni, lon ndóò kialu yaman cuavaa Israɛlla tɛɛn ni, lon koni ndóò tangul vɛlɛ fonda-loamaa-lasálàá le Mɛlɛka ni.