1Samiɛl 2:10 - BII BILA

¹⁰ Mɛlɛka co a hiilɛi o halataala le yaamɔaa ndɔa tɛɛmbuuo, kani ndu co yamɛi lɛŋnden kpede kiolɔɔ ni. Ndu lueì masa vanaa ndɔa yoomuan ni, mò cɔɔlu vana o hɛli-o masalen.»

1Samiɛl 2:10 Referans Kwoze

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Condii lisai 89:24

Kani i puusiaanin yaamɔaa ndɔa ndu hɔl, i lɔɔanin vanaa co ndu simullo-a.

Condii lisai 96:13

Mɛlɛka o hɔl! Kani o co hunɔɔ, o co hunɔɔ le lɛŋnden yamɛi kiolɔɔ. O kialunin lɛŋnden iyama o sandei nin, mò kelu vannda iyama mɛɛ toɲa ndɔɔ co yɛ.

Fulaa 15:6

Mɛlɛka, ba nɔm kɛndɔɔ cɔm kpaaya nɔmndo. Mɛlɛka, ba nɔm kɛndɔɔ kposoŋa yaamɔaa nɔmnda.

Condii lisai 98:9

Mɛlɛka o hɔl! Kani o co hunɔɔ lɛŋnden iyama kiolɔɔ. O kialunin nden iyama o sandei nin, mò kelu vannda iyama a toɲaa.

Condii lisai 20:6

O kon, n yondanin a ɲaaloo le mala n sɔlanin-ndo. N heelunin lɛfɛ landaa le diola Hala naa lisaa. Màá Mɛlɛka muli sɔɔn n ɲunannin ndu-on kpow!

1Samiɛl 7:10

Telen Samiɛl va sálàá solio-o kínɛí Filistia hin le Israɛlla delɔɔ coo ni. Kɛ mí Mɛlɛka tosa mí taŋnden le piɔndi kpakan! Mí vanaa cɔvaa Filistia yɔŋnun laasi-laasi, mí Israɛlla nɔla nda.

Luke 19:27

Le yaamɔaa nia yɛ, áà yeema mì yáà sul masa nda coo le-a, la hun a nda nanu, mì la diw nda ya o hɔl.›»

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Condii lisai 45:7

Masale nɔmnden le vanin le lɔ́ɔ́-lɔ́ɔ̀ a le fɛɛn a fɛɛn. Tinda nɔm lemasaa tinda dɛnɛ sandaa o co ni.

Condii lisai 21:1

Condii David-e, í fula o condun simlacinɔ vanaa n'condua nin-nde.

Condii lisai 2:6

O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

Condii lisai 2:2

Le yɛɛ masaa lelɛŋnda co yɛ cɔnɔnndo nda simlacia, má va dúmbúlan yiiyo nda ndaa le Mɛlɛka a vana o pɔla-o cɔlɔbaa?

Masaa kialaa n'yamaa 5:31

Àá Mɛlɛka, màá yaamɔaa nɔmnda cuu lende muɛɛn! Màá vanaa kaola nɔm-nda diondu mɛɛ ɲɔɔ tenga a paalen kalale ŋama-ŋama len nuaa yɛ.» Mì kɔlɲuloo muungu o lɛŋnden nin háá le vɔsilan belehiɔɔlu!

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Dɛnnda kiilaa 4:27

I co toɲa, maa mí Herɔde nda Pɔnse-Pilate a cɛlan o kobio ho nin nda vanaa-mangalaa-isɔɔa celen, a Israɛlla, má yii Yeesu dúmbú, Yeesu vana baala diandaa nɔmndo, o n hɛli mo va Krista-o pɛɛn.

Luke 1:69

O yɔngu naa vana ciindiaa bɛndoo fulaa o polale David len nin, David vana baala ndɔɔ pɛɛn.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Esai 45:24

Vannda diminin a ya o kɔɔ aa: «O Mɛlɛka nin ndu pilɛ kpé sandei a yoomuan ma co ni.» Vanaa tuulu kɔl a ndu-a kpow a hunnin háá o ndu lo a siɛmbulan.

Esai 32:1

Masaa pum tosanin masalen mɛɛ dɛnɛ sandaa co yɛ, simlacia vanin ndu o ba bɛngu-a tosanin simlacilen o sakpoyɛi nin.

Condii lisai 148:14

O yɔngu vanaa ndɔa yoomuan, mo tosa mà cua bollen. Lelan vanaa lo o lediom coo o cuavaa Israɛlla tɛɛn-nda kpow a co ndu lisaa o condon nin ni, vanaa co ndu kan ikɛi-ya pɛɛn. La lisa Mɛlɛka!

Condii lisai 89:17

Niinoo kpɛŋ, a co yolan a ɲaaloo le diola nɔmndan, a co cɔnɔnndo isisi le tùú n sandu-o.

Condii lisai 28:8

Mɛlɛka co yoomuma vanaa ndɔa ni, ndu co Pow kpovaa le vana o pɔla-o ni.

SƐBƐ YƆB-O 40:9

Vɛ̀ɛ̀ yoomuma nɔmndan ma sulan pá a yoomuma ya Hala-an? Diom nɔmndo co pá ma diom ni letaŋndo?

2Samiɛl 22:14

Mí Mɛlɛka deŋi o halataala maa letaŋ, mí Ó-Hiow-Ɲɔɔn-Kpow-vo soli diomndo.

2Samiɛl 7:13

Ndu tangulnin cɛiyo le ya ni. I kɛsinin ndu o kpɛŋɛ lemasaa coo a kɔlɲuloo le lɔ́ɔ́-lɔ́ɔ̀.

2Samiɛl 7:8

Lelan sisa, dimul David vana ni baala aa: ‹Mɛlɛka-Nɔ-Kpaayaa-Kpow-vo dimi aa: Ya cua nɔm nɛɛ n va cɔlua mandaa yondoo nin-nda ni, mí siinguu nɔm simlacinɔ Israɛlla, vanaa nia pɛɛn.

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

1Samiɛl 15:28

O kon, mí Samiɛl dimul Saul aa: «Nuaa Mɛlɛka sɛɛsiaa nɔm hau masalen o ba Israɛlla coo ni, mó yɔngu vana celen, vana co fisa a nɔm-ndo pɛɛn.

1Samiɛl 12:18

Mí Samiɛl piɛi Mɛlɛka, mí Mɛlɛka tuisi piɔɔ paale len, mí taŋndan ma va deŋio taw, mí siòònde bii vannda taw a Mɛlɛka a á Samiɛl.

1Samiɛl 12:13

Ava, la ce niko masa niaa hɛli-o, o niaa ɲuna-o pɛɛn. Mɛlɛka ke niaa ndu.

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

Esai 29:6

Mɛlɛka-Nɔ-Kpaayaa-Kpow-vo toalnin niaa tɛɛn a diom mataŋndo, a lɛŋnde ɲiiyaalen, a vóólun-vóólunn bɛndoo, a felenfelen bɛndoo, a hoeyii fùkù-fùkùei a á yinnde yelenyelennde bɛndulen.

Esekiɛl 29:21

Paale len, i cɔɔlunin cuavaa Israɛlla yoomuan. Nɔm Po vanacieo yɛ, i kumbinin nɔm sondoo mà soo ɲɛkɛndɛi nda tɛɛn, o kon nda bɛɛ sinanin maa ya co Mɛlɛka ni.

1Samiɛl 12:17

Vɛ̀ɛ̀ telen koavaa n'mallo le co hoo le? I co Mɛlɛka piɛi mó tuisi piɔɔ bɛndoo a taŋndan. O kon niaa co sina ni maa dɛnɛ vɔɔn bɛndoo pila niaa tosa Mɛlɛka o hɔl le masa celen yeemaa o ndu Hala kɔɔli ni.»

Condii lisai 20:7

I sinà nihau maa Mɛlɛka baŋa masa o pɔla-o. O lo o Cɛi ndɔ diandaa nin o halataala, mó va ndu mulullo a kpaaya ba ndɔ kɛndɔɔ.

Condii lisai 89:25

Kaola nuu a kɛndɛi nii vanin ndu ikɛi, o sɔlanin kpaayaa o diola nilan.

Condii lisai 132:17

I tosanin mì masa kpaayaa hun violun o polale David len nin. I bɛɛndiaanin vanndo le muungoo o fonda vana ya pɔla-o, vana kon vanin maa fitina co biyɔɔ-o.