1Samiɛl 2:1 - BII BILA

¹ O kon mí Anɛɛ tosa piɛilen mó dimi aa: «Kɔl nuu co o piaa a ɲaaloo le kɛndɛi Mɛlɛka-e. Le kɛndɛi Mɛlɛka-e, siɛmbula co ya le. I nɔla nin mì mam yaamɔaa nia. I co a kɔlkɛndɔɔ, kani Mɛlɛka cii ya mala.

1Samiɛl 2:1 Referans Kwoze

Condii lisai 13:5

mì yaamɔɔ nuu dimi aa: «I nɔla ndu», mì vanaa nɔ nɛyɔn nuu-a dɔwnun ɲaale telen ya delnin-ndo.

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Condii lisai 92:10

Maakɛndɛi Mɛlɛka, yaamɔɔa nɔmnda vunin, mì vanaa yɔŋ vɔɔnda piɔl.

Condii lisai 89:17

Niinoo kpɛŋ, a co yolan a ɲaaloo le diola nɔmndan, a co cɔnɔnndo isisi le tùú n sandu-o.

Filipea 4:4

La dɔwnun ɲaale lɔ́ɔ́-lɔ́ɔ̀ o Maalii nin, mì tɔla vɛlɛ dimi, la dɔwnun ɲaale.

Condii lisai 20:5

Màá o ke nɔm ɲɛ kɔl nɔmndo yeema-o, mò peelu tuula nɔmndan kpow!

Condii lisai 9:14

Éé Mɛlɛka! Tofa vɔ mɔnɛi yaamɔɔa co ya lueiyo-e, Tuinun ya iɲíí, ma faŋa ya o dio piɔ́mndo sondoo.

Condii lisai 35:9

Ya ya, i dɔawnunnin ɲaale o Mɛlɛka nin, mì naŋ kɔl le ciindiaa o ciindiaa ya-o.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

Habakuk 3:18

Kɛ ya ya, i dɔawnunnin ɲaale o Mɛlɛka nin, mì viow kponyoo o Hala vana ciindiaa nuu nin.

Condii lisai 118:14

Mɛlɛka co yoomuma nian ni, ndu ya co condei solullo ni, ndu co vana ciindiaa nuu ni.

Condii lisai 89:24

Kani i puusiaanin yaamɔaa ndɔa ndu hɔl, i lɔɔanin vanaa co ndu simullo-a.

Fulaa 15:21

Mí Miriam cua condei aa: «La lisa Mɛlɛka o condei nin, kani o cɔm biilu ndɔɔ ceen vakpa. O miisuu soa a vanaa ɲaanun o soa coo-a o mɛmma ihɛlma makpɛ̀ndɛ̀an nin.»

Fulaa 15:1

O kon, mí Moise nda Israɛlla soli condei he le Mɛlɛka lisaa aa: «I solinin condei le Mɛlɛka lisaa, kani o cɔm biilu ndɔɔ ceen vakpa. O miisuu soa a vanaa ɲaanun o soa coo-a o mɛmma ihɛlma makpɛ̀ndɛ̀an nin.

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Condii lisai 51:15

O kon, i pɛɛkunin vanaa co nɔm simullo-a nɛila nɔmndan, mì vanaa lahakia muungu nɔm o ibuŋ.

Condii lisai 18:2

I kaola nɔm Mɛlɛka, nɔm co kpaayaa nuu ni.

Habakuk 3:1

Cɛɛŋɔn Habakuk cɛɛŋun o piɛilen nin-ndo yɔŋnun hoo ni aa:

Condii lisai 75:10

Ya ya, i vanin sɔɛi ken dimio lɔ́ɔ́-lɔ́ɔ̀, i vanin condon solio lɔ́ɔ́-lɔ́ɔ̀ le Hala Yakɔb-o:

Condii lisai 71:8

Màá sondo nuu piɔ a candula nɔmndan! Màá i va biilu nɔmndo cɔmndo lepalaa-lepala!

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Luke 1:69

O yɔngu naa vana ciindiaa bɛndoo fulaa o polale David len nin, David vana baala ndɔɔ pɛɛn.

Nehemi 11:17

Matania po Misee-o, po Sabdi-o, po Asaf-o, ndu va condun lisan simndan laci o telen lepiɛiyo ni, Bakbukia va vana diinndɔɔ Misee ikɛi ni, a Abda po Samua-o, po Kalal-lo, po Yedutun-ndo.

Tɔŋ miingua 33:17

Ndu yɔŋnun naw tova ndɔ tasoo ni. Màá o sɔla bɛɛlen! Leela ndɔlan maa leela cìí la co ni. A lan o kundunin vanaa-mangalaa-isɔɔa háá nɛɛ lɛŋnden le mɛɛlu-a ni. Lende sɛ́lɛ́ bɛndu-bɛndu fula Efraim o ipulu-o co ni, lende fàngà-kunda fula o Manase nin-ndo co ni.»

SƐBƐ YƆB-O 16:15

I sɔndu bɔlɔɔ le yáw nuu kumbɔɔ a ndu. I co bollen yukpuliaa o cundoo nin.

Condii lisai 148:14

O yɔngu vanaa ndɔa yoomuan, mo tosa mà cua bollen. Lelan vanaa lo o lediom coo o cuavaa Israɛlla tɛɛn-nda kpow a co ndu lisaa o condon nin ni, vanaa co ndu kan ikɛi-ya pɛɛn. La lisa Mɛlɛka!

1Samiɛl 1:6

Mí Penina diɛɛmu ndɔ, ndu va tosaa o nɛi oo nɛi coo le Anɛɛ kɔllo tɛɛmbuuo lɔ́ɔ́-lɔ́ɔ̀, mó va ndu siɛmbulan tuisio le tùú ndóò vilu loo.

1Samiɛl 1:7

Lende Ɛlkana ndóò tosa vɔsi oo vɔsi ni. Nduyɛ, telen oo telen Anɛɛ ndóò kɔɛ pɛ o Cɛi-Mɛlɛka-o nin, mɔnɛi pilɛi ken tuŋ Penina ndóò luei ndu ni. Vɔsio pum, mí Anɛɛ pial caŋndo, mó kɛɛ le ɲɛ-ɲɛ dioo.

2Dɛnnda lemasalan 20:27

Mí Yosafat sim vannda Yuda a haa Yerusalɛm laci, mí nda kpow a bii nɛiyo le muungoo Yerusalɛm a ɲaaloo, kani mí Mɛlɛka luei nda kɔlkɛndɛ bɛndoo nin le baŋa o baŋa nda yaamɔaa ndaa o ba-o.

Condii lisai 21:2

Mɛlɛka, Masaa dɔwnun ɲaale le kpaaya nɔmndo, o naŋ kɔl le baŋa n baŋa ndu-o.

Condii lisai 89:18

Kani nɔm co biilu ndaa a kpaayaa ndaa ni. N co hiovɔɔ laci a yoomuan sɔlaa o kɛndɛi nɔmnde bɛngu.