1Samiɛl 19:5 - BII BILA

⁵ O vɔngul yoomu ndɔɔ le Koliat Filistinɔɔ diyɔɔ. Ɲinkon, mí Mɛlɛka mala Israɛlla kpow má nɔla yaamɔaa ndaa. Mí nɔm pila ca dɛnɛ kon, nduyɛ ma dɔawnun ɲaale a ndu. Le yɛɛ nɛ n co yɛ niko hakio cuaa ma cii yoomu vana tɛɛmbuu isɔɔ loo? Le yɛɛ nɛ n yeema yɛ le David diyɔɔ o fondo fúúo coo?»

1Samiɛl 19:5 Referans Kwoze

1Dɛnnda lemasalan 11:14

Mí Eleasar nda vanaa ndɔa cɔwva kɔ cal Filistia mɛngɛlaa o ciɛi ken kɔllo, má fulal nda fɛlɛmɛndɛn a cɔwvo, má diw Filistia kan. Mí Mɛlɛka yɔngu Israɛlla yoomuma bɛndu-bɛnduan, má nɔla yaamɔɔa o cɔwvo.

1Samiɛl 11:13

Kɛ mí Saul dimi aa: «O bɛnda mì vana-vana sɔla piɔ́mndo paalɛn te, kani hau Mɛlɛka baŋa Israɛlla ni.»

Matie 27:4

Mó dimul nda aa: «I tosa yɔŋ vɔɔndo le vana tɛɛmbuu isɔɔ loo malɔɔ vannda o ba le ndu diyɔɔ.» Kɛ má mulul ndu aa: «O co sɔɛi naa le co ken te! Nɔm sina ken ni!»

1Samiɛl 20:32

Mí Yonatan ɲuna fuɲa ndɔ aa: «Le yɛɛ ndu diyɔɔ? Yɛɛ nɛ o tɛɛmbuu yɛ?»

Masaa kialaa n'yamaa 9:17

Kani fuɲa nuu tosa cɔwvo le niaa, mo va le yoomu ndɔɔ pisi le niaa baŋaa Madiannda o ba.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Condii lisai 119:109

Yoomu nuu va bɛɛ o malnanndo lɔ́ɔ́-lɔ́ɔ̀, i pɔɛɛnunnin tɔŋ nɔmndo le.

1Samiɛl 28:21

Mɛɛ cua n'vanvílɛ́i kon sɔɔnguu Saul kalaa ikɛi, mó ca maa o va buulanndo taw. O kon, mó dimul ndu aa: «Masaa, ya buɛi nɔmndo, i bii diom nɔmndo, mí pisi yoomu nuu le ɲɛ n dimul-la-o tosaa.

Filipea 2:30

kani le baala Krista-o o va le piɔ́mndo sɔlaa ni. Yoomu ndɔɔ va le ndu hiɔlɔnndo o ya malaa, mala niaa pilaa tiwnin ba loo.

Nsaŋ 15:25

Nduyɛ le sɔɛi co i sɛvaa o tɔŋ ndaa nin-nde peelɔnndo kon tosan lende ni aa: ‹A kɛɛ ya o fondo fúúo coo.›

Matie 27:24

Mí Pilate ca maa ndóò nɔla lɛ ɲɛ-ɲɛ tosa le, kani vannda va hiovɔɔ laci a vɔngaa. Mó kɔandu mɛnndan, mó pulu balan nda kpow o hɔl, mó dimi aa: «I nɔ laba o sɔɛi piɔ́m vana sandaa ho nin te. Niaa pila sɔɛi piɔ́m ndɔɔ co coo ni.»

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Condii lisai 69:4

I co sangaa yondaa le malaa sɔlaa, diomndo kandan ya kpiŋ, i co sangaa hɔlla keeliaa le Hala nuu nuwviaa.

1Samiɛl 14:45

Kɛ mí vannda kpow dimul ndu Saul aa: «Yéè mì Yonatan vi? Kámáá ndu le baŋa naa hau baŋa bɛndoo ho le? Te Mɛlɛka co yoomu, hali yiinnde ndɔlen ten pilɛ bɛɛ le delnin lɛŋ te! Kani Hala va ndu ikɛi o dɛnɛ bɛndu o tosa hoo hau-vo nin.» Nuaa vannda baŋa Yonatan ni, o sɔla lɛ ɲinkon piɔ́mndo le.

Masaa kialaa n'yamaa 12:3

Mɛɛ ya ce maa la hin le ya mala le, mí vɔngul yoomu nuu, mí kɔ del Amɔnnda coo a cɔwvo. Kɛ mí Mɛlɛka mal nda ya o ba. Le kɔlɔ yɛɛ niaa co yɛ niko ya hau hunɔɔ delɔɔ coo a cɔwvo?»

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

Condii lisai 25:3

Vanaa tiindan nɔm-nda kpow, o kɛ́-kɛ̀ siɛmbula biinin te. Kɛ vanaa co nɔm dúmbóó yiiyo-a siɛmbulan la biinin ni, mà lo bala fondo.

1Samiɛl 19:6

Mí Saul tuɛi Yonatan diom, mó mɛnan aa: «Te Mɛlɛka co yoomu, David sɔlanin piɔ́mndo le!»

1Samiɛl 22:14

Mí Ahimelɛk mulul ndu aa: «Kɛ masaa, o vanaa nɔmaa baalaa tɛɛn kpow, ɔ́ɔ̀ vana sandu maa David-o? Lefu nɔm o co ni, nɔm masaa pɛɛn, ndu co vanaa co nɔm kandaa-a bollen ni. Vannda ke vɛlɛ ndu bɛɛlen taw o cɛi lemasaa nin.

2Samiɛl 23:10

Ndu Eleasar kon cɛn ni mó diw Filistia háá mí baa kengela ndu, mí ba kalaa baanun o mɔɛi cɔwve. Paale len, mí Mɛlɛka yɔngu Israɛlla yoomuan taw, má nɔla yaamɔɔa. Mí vanaa cɔwva muungu Eleasar o ibuŋ, kɛ le ɲɛ vanaa o diw-va cɔwviaa daama ndáà muungu ni.

Condii lisai 94:21

A co yiinanndo le vana sandaa delɔɔ coo, le vana tɛɛmbuu isɔɔ loo yaalaa.

1Dɛnnda lemasalan 11:18

O kon mí kuubaa yáá-aa kan dimi aa: «Mɛɛ la va pɛ la va!» Má kɔa cɔ́-cɔ́, má kɔ luɛi a kpaayaa o dɔ́ɔ́ngɔ́ɔ̀ Filistia nin, má kɔandu mɛmma kalan. Má muungu a man, má kɔ yɔngu David. Kɛ David cɛl le man kolɔɔ le, mó solul Mɛlɛka man sálàá, mó cuiŋi man lɛŋ.

Condii lisai 109:5

I co nda dɛnɛ kɛndɔɔ tosallo, mì nda va ya dɛnɛ vɔɔndo mingullo. I co nda canyɛi cɔmndo, mì nda va ya nɛyɔnndo tosallo.