1Samiɛl 18:1 - BII BILA

¹ David ciiyo suukanndo nda Saul, mí Yonatan holnun David, mó kaola ndu maa ndu pila.

1Samiɛl 18:1 Referans Kwoze

Talelan 18:24

Vanndo nɔ pɛ canyan sɛ́lɛ́, canyan mun tiwba mì n tuisi dɛnɛ palaa ndu coo. Kɛ caan kpeekpeiyo pum hiow lo lediom coo a bɛndoo, te kon te pɔmbɔɔ.

1Samiɛl 20:17

Mí Yonatan viam vɛlɛ David mɛnanndo le kaola bɛndu va nda tɛɛn-ndo, kani David ndóò kaola Yonatan mɛɛ ndu pila ndóò kaolan yɛ.

2Samiɛl 1:26

Mɔnɛi luɛi ya o kɔl di, le nɔm Yonatan caan ni. Yáà kaola nɔm bɔɔ! Kaola nɔmndo yáà hiow yeela tueyɔɔ a kaola vanlaandua.

1Samiɛl 18:3

O kon, mí Yonatan yii kpema icanyaa nda David, kani mó kaola ndu maa ndu pila.

Kolɔsea 2:2

haliko ma sɔla yoomuan, mà va diom pilɛ o kaolianndo nin, mà sɔla laalan kɔlkalu kpeekpeiyo. O kon mà sínà dɛnɛ viannan Hala-o, Krista pɛɛn.

O Kandɔɔ 44:30

Le hee, te i muungu pɛ fuɲa nuu o ibuŋ, mì kue a poombɔ o holnun hoo holnɔn bɛndoo mó kaola ndu taw-vo le,

Tɔŋ miingua 13:6

Le vana-tɛɛngaa-diom Hala kon, te kon te vana sɔlaa malɔ kon, o bɛnda mò sɔla piɔ́mndo. Kani ndu va tosa ni mì vannda ndáà simul Mɛlɛka Hala niaa, ó soli niaa o lɛŋnde Esipte len nin mó faŋa niaa o cɛlen nin-ndo. Vana kon ndóò yeema mì ndóò faŋa niaa o nɛi Mɛlɛka Hala niaa dimul niaa le kɔlan coo-o coo. Nuaa niaa bɛnda ni mi la faŋa dɛnɛ vɔɔndo niaa tɛɛn.

1Dɛnnda lemasalan 12:17

Mí vanpiaandua pum a fula o polale Bɛnyamɛn-nden nin, mí a pum a fula o polale Yuda len nin, má komal David nɛɛ o va o vionnɔnndo nin-nda.

1Samiɛl 19:2

mó kɔ cɔɔmuu fuɲa ndɔ o ndu David lo, mó dimi aa: «Saul fuɲa ni co nɛilan nuwviaa le nɔm diyɔɔ. Lelan siɔdii mɛɛ ma caa taw. Kindin ma nuwviaa fonda kɛndɛ-kɛndɔɔ pum, ma kɔ vionnun ndon.

Masaa kialaa n'yamaa 20:11

O kon, mí Israɛlla kpow a cɛlan le Kibea kɔlan delɔɔ coo a cɔwvo.

Condii lisai 86:11

Éé Mɛlɛka! Pɛɛku ya nɛila nɔmndan, mì kela o toɲa nɔmndo coo. Ke ya kɔllo ndu pilɛ kpé, haliko mi vo diola nɔmndan.

1Samiɛl 14:45

Kɛ mí vannda kpow dimul ndu Saul aa: «Yéè mì Yonatan vi? Kámáá ndu le baŋa naa hau baŋa bɛndoo ho le? Te Mɛlɛka co yoomu, hali yiinnde ndɔlen ten pilɛ bɛɛ le delnin lɛŋ te! Kani Hala va ndu ikɛi o dɛnɛ bɛndu o tosa hoo hau-vo nin.» Nuaa vannda baŋa Yonatan ni, o sɔla lɛ ɲinkon piɔ́mndo le.

1Samiɛl 19:1

Mí Saul cɔm Yonatan po ndɔ a vanaa bɛndua va ndu Saul o ba bɛngu-a kpow tuu ndóò nɔ le David diyɔɔ-o. Kɛ mɛɛ Yonatan ndóò kaola David taw yɛ,

1Samiɛl 20:8

Lelan, lo niko o lediom coo niaa buɛi nɔmndo tɛɛn, kani nɔm luei ya o kpemaa nin naa nɔm pila Mɛlɛka o hɔl ni. Te i tɛɛmbuu yɛ pɛ isɔɔ, mɛɛ o co fisa mì nɔm pila dii ya, kɛ kɔa a ya o fuɲa nɔm ndo le.»

1Samiɛl 22:8

I sina maa niaa kpow yii ya dúmbú ni? La sina maa kpema icanyaa co po nuu nda po Yisai-yo tɛɛn, kɛ vana-vana dimul-la le. La co sinaa maa po nuu hiow buɛi nuu kɔɔli le ya cɔlɔbaa mɛɛ i co hau tosanndo nuaa yɛ, kɛ vana-vana buulan le ya mó hun dow ya ndi bali le.»

1Samiɛl 23:18

Má yii kpema icanyaa Mɛlɛka o hɔl nda ŋiɔn. O kon kɔɔli, mí David lo Hɔrsa, mí Yonatan ndu muungun o ndu lo.