1Samiɛl 16:1 - BII BILA

¹ Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

1Samiɛl 16:1 Referans Kwoze

2Masaa 9:1

Mí Elise, vana-tɛɛngaa-diom Hala-o veelu vana pilɛ o vanaa-tɛɛngaa-diom Hala-a tɛɛn, mó dimul ndu aa: «Yiinun yáwlen o caŋ, ma cua lee macuɛiyo, ma kɔɛ Ramɔt o tàndá Kalaad-o nin.

1Samiɛl 15:23

Kani mɛɛ yavaa vomɔɔ co dɛnɛ vɔɔndo yɛ, lende koni nila kalulan la co dɛnɛ vɔɔndo ni. Mɛɛ piɔmaa tongoninnda sooloo co dɛnɛ nɔɔlɛiyo yɛ, lende koni sɔɛi biyaa lepɛŋnde co dɛnɛ nɔɔlɛiyo ni. Lelan, mɛɛ n kɛɛ le diom Mɛlɛka-o biyɔɔ yɛ, Mɛlɛka bɛɛ kɛɛ nɔm. A co lɛ masa le.»

1Samiɛl 15:35

Háá mi Samiɛl vu, a ciikan ndɛ nda Saul te. Samiɛl va caŋndo taw le Saul. Mí mɔnɛi bii Mɛlɛka le tùú ndóò hɛli Saul mó suili ndu masaa Israɛl-lo.

Rɔmnda 15:12

Mí Esai bɛɛ dimi aa: «Cua imama Yisai-yo hunnin, o cannin le masalen tosaa vanaa-mangalaa-isɔɔa coo-o. Vanaa-mangalaa-isɔɔa kɛsinin ndu kɔllo coo.»

1Samiɛl 16:15

Mí buɛyaa Saul-la dimul ndu Saul aa: «Hala tosa ni mí kɔl vɔɔndo luɛi nɔm nin, kɔl kon co nɔm saangiaa ho ni.

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

1Samiɛl 15:26

Mí Samiɛl mulul ndu aa: «Ɛ-ɛ, n co muungu naa ŋiɔn te. Kani a ci sɔɛi Mɛlɛka-e ɲɛ-ɲɛ le, lelan Mɛlɛka bɛɛ kɛɛ nɔm ni. A ve lɛnin masa Israɛlla coo le.»

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.

Yeremi 6:30

A veelu nda aa: ‹Volin vɔɔnndon›, kani kɛɔ Mɛlɛka kɛɛ nda ni.

2Masaa 9:6

Mí Yehu can, mó luɛi cɛinin. O kon, mí langbanɔ felengi kon taaliaa cuɛiyan ndu o lebol, mó dimul ndu aa: «Diom Mɛlɛka Hala Israɛlla dimi-o co hoo ni aa: ‹I pɔla nɔm, mí siinguu nɔm masaa vanaa Mɛlɛka-a coo, Israɛlla pɛɛn.

1Samiɛl 16:23

Kandɔɔ ɲinkon, te Hala ndóò luei dɔ́ɔ́ pɛ Saul kɔl vɔɔndo nin, David ndóò cua bangaa, ndóò lɔɔ. O kon, Saul ndóò sɔla kɔllo ɲulullo o pɔm-pɔmbɔ háá mì kɔl vɔɔn kon ndóò fula ndu nin.

Yeremi 7:16

«Nɔm Yeremi yɛ, piɛi le vannda ha le, soli diom le nda le, piɛi le nda le, tɛɛlun ya o lepiɛi nin le nda le, kani i yeŋnin nɔm lani le.

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.

Esai 11:10

O palɛi ken nin, vana fula kon o polale Yisai len nin-ndo vanin maa lɛfɛ le vannda, vanaa-mangalaa-isɔɔa kpow a mulinin hɔlla o ndu lo, o biiloo nin calta ndɔlan la vanin ni.

2Masaa 9:3

Te la luɛi pɛ o cɛi kon nin, a cua lee macuɛi kon, a taaliaa ndu cuɛiyan o lebol, a dimi aa: ‹Nuaa Mɛlɛka dimi ni aa o pɔla nɔm, mó siinguu nɔm masaa Israɛlla coo.› A cii pɛ, a kumbi dioo, a ɲaanun kɛ, tamala le dɛ!»

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Yeremi 11:14

Lelan nɔm Yeremi, piɛi le vannda ha le, hali mà solul-la diom le ya tɛɛlɔn, te kon te le ya ɲɔɔlu le nda le. Kani telen nda vanin o dɛnɛ palaa nin-ndo, a veelunin ya le nda malaa, kɛ i yeŋnunnin nda le.»

Esai 11:1

O kon kɔɔli tɛiye piaŋnin o yɔm tum Yisai-yo, yɔmndo piaŋnin mò fula o dumbun ndɔn.

Hebreea 11:32

Vɛɛ ya dimi yɛ vɛlɛ a hee? I nɔ telen bɔɔ mì tɛɛsial niaa a Sedeɔn, Barak, Samsɔn, Yɛfte, David, Samiɛl a vanaa-tɛɛngaa-diom Hala-a o kɔɔ le.

1Masaa 8:16

‹Kabi paale ya soli vanaa nia, a co Israɛlla-a o lɛŋnde Esipte len nin-nden, i hɛli kobi kɛ́-kɛ̀ o polama Israɛlla tɛɛn le ya cɛi tengul nɛɛ diola nilan la vanin biilɔnndo-a le. Kɛ David ya hɛli ni, mí siinguu ndu simlacinɔ vanaa nia, Israɛlla pɛɛn.›

1Dɛnnda lemasalan 11:3

Le hee, mí kaasoŋaa kɔlkalua Israɛlla kpow a kɔ komal David nɛɛ o va Hebrɔn-nda, má yii kpemaa Hebrɔn ndon nda ndaa le ndu siinguuo masaa, má pɔla ndu pɔla lemasaa mɛɛ Mɛlɛka ndóò dimi sɔɛi ken a sondo Samiɛl-lo yɛ.

1Dɛnnda lemasalan 28:4

Nduyɛ, o yungu fuɲa nuu nin kpow, ya Mɛlɛka, Hala Israɛlla hɛli ni mì va masaa Israɛl coo le lɔ́ɔ́-lɔ́ɔ̀. Kani mó hɛli polale Yuda len le simlacilen tosaa. O polale Yuda len nin, mó hɛli fuɲa nuu, o poaa fuɲa nuu tɛɛn, mó naŋ kɔl le ya siinguuo masa Israɛlla kpow.

Sakari 4:14

Mó dimul-la aa: ‹Vanaa ŋiɔŋaa sɔla pɔla diandaa ma va isisi Maalii nɔ lɛŋnden kpow-vo o hɔl le ndu baalaa tosallo-a ni.›»

1Samiɛl 17:12

Nduyɛ, David po Yisai Efratiinɔ-o o va ni, Bɛtlɛhɛm o tàndá Yuda-o nin Yisai kon ndóò fula ni. Poaa nda ŋɔmaa ndóò nɔ ni. O paale Saul-ten, ndóò yuuva nin taw.