1Samiɛl 15:6 - BII BILA

⁶ O kon kɔɔli, mó viam kiilaa le Keniia dimullo aa: «La ló Amalɛkea tɛɛn te, la fula nda tɛɛn mì la kɔɛnnun polon, yɔŋii ya diw niaa niaa ndaa latulu. Kani niaa niaa, la yɔŋnun vanaa kɛndɛ a Israɛlla lɔ́ɔ́ nda va fulaa Esipte-o.» O kon, mí Keniia fula Amalɛkea tɛɛn.

1Samiɛl 15:6 Referans Kwoze

Masaa kialaa n'yamaa 1:16

Mí poaa Keni lefoo Moise-a faŋan o kobi mavawvo nda vanpiaandua fula o polale Yuda len nin-nda, má kɔ cal o lɛŋnde veselɛile co o tàndá Yuda-o nin-nden nin, Arad a ba too, má cal lon nda vanaa va lon-nda latulu.

Masaa kialaa n'yamaa 4:11

Mí Hebɛr Keniinɔ sɛyan nda Keniaa tɔ̀a, poaa Hobab lefoo Moise-a pɛɛn, mó kɔ toandu cɛi-kola-toandaa ndɔɔ pɔɔli o yálánndo Saananim, Kedɛs ciee-lekɔɔ.

Fulaa 18:19

Lelan sisa, yaŋ nilan mà bii sila ya co nɔm yɔngu-o. Màá Hala sɔɔnguu nɔm ikɛi! Nɔm nɔm, baala n nɔ le tosaa-o co le sɔɛi o Hala lo ma cɔm ndu balahavɛila vannda ha ni.

1Samiɛl 27:10

Lɔ́ɔ́-lɔ́ɔ̀ Akis ndóò ɲuna pɛ David aa: «Ɔ́ɔ̀ vanaa niaa del hau coo a cɔwvo-a?» David ndóò mulul ndu aa: «Vanaa co o tàndá Yuda-o nin a ba too-a naa n del coo ni.» Te kon te ndóò mulul ndu aa: «Yerameliaa co a ba too o lɛŋnde len nin-nda naa n del coo ni.» Te kon te ndóò mulul ndu vɛlɛ aa: «Vanaa co o lɛŋnde Keniia nin a ba too-a naa n del coo ni.»

Masaa kialaa n'yamaa 5:24

Duaa co le Yaɛl lanɔɔ Hebɛr Keniinɔ. Duaa co le ndu hiovɔɔ vanlaandua tɔ̀a co o cɛila-kolala-toandaalan bɛngu-a coo.

Dɛnnda cɔɔmuanndan 18:14

Ɲɛm kɔl nɔmndo va yeema-on kɔɛ nɔm levil, ɲɛm sɔvɛɔn a n nɔ ɲamaa-on hɛlun nɔm, vana ci lɛnin mun le fɛɛn a fɛɛn te.

2Timote 1:16

Màá Mɛlɛka tuinun yungu Onesifɔr-o iɲíí, kani o co ya ɲɔɔloo cuɛi-cuɛi, siɛmbula co ndu vɛlɛ biyɔɔ le co ya co o yɔlɔn-ndo le.

2Korɛntea 6:17

Lelan Mɛlɛka dimi ni aa: «La fula nda tɛɛn, mì la sɛyan niaa ndaa. Ɲɛ-ɲɛ co ɲɛ nɔɔlɛiyo, la pilan ndu le! O kon, i cɛlnin niaa.

Dɛnnda kiilaa 2:40

Mí Piɛr dimul nda vɛlɛ sɔɔn celen taw, n pilan nda kɔltan mí n luei nda yoomuan-ndon. Mó sila nda aa: «La hiɔlun vanaa laasiannda ha!»

Talelan 9:6

La mal diɔmnde mì la va yoomu, la bii nɛi dɛnɛ sinaa.»

1Dɛnnda lemasalan 2:55

a yungula vanaa sɛvaa va icali o kobio Yaebɛs nin-nda. Yungula lan la yɔŋnun yɛ lan ni: Tiratiia, Simeatiia a Sukatiia. Nda kpow Keniia nda co ni, fulaa o polale Hammat len nin. Hamat kon yɔŋnun fuɲa-mama yungu Rekab-o ni.

Kundalan 16:34

A lo yeelan, mí Israɛlla kpow a ɲaanun a dimio aa: «N ɲaanun, yɔŋii naa bɛɛ lɛŋnden le miol naa kpow!»

O Kandɔɔ 18:25

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

1Samiɛl 15:5

Mí Saul kɔa a nda o kobi Amalɛkea ikɛi, mó kɔ kɛsi nda cumullo o bóllo nin.

1Samiɛl 30:29

haa Rakal, haa o kobila Yerameliia nin, haa o kobila Keniia nin,

O Kandɔɔ 15:19

tàndá Keniia, Kenisiia, Kadmoniia,