1Samiɛl 15:1 - BII BILA

¹ Mí Samiɛl dimul Saul aa: «Ya Mɛlɛka vem sindɛ le nɔm pɔlaa ma siŋnun masaa vanaa ndɔa coo ni, Israɛlla pɛɛn. Lelan yaŋ-ndɔ nilan, ma tuei ɲɛ Mɛlɛka kalaa dimi-o.

1Samiɛl 15:1 Referans Kwoze

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

1Samiɛl 12:14

Te la nɔ pɛ siòòŋii Mɛlɛka-e, te la tosal pɛ ndu baalaa, te la tuei pɛ ndu diom, te la bii pɛ sɔɛi ndɔɛi mì la tosa lanila kalu le silala ndɔlan biyɔɔ le, mɛɛ niaa pila a masa niaa, la lonin ndu Mɛlɛka Hala niaa kɔɔli.

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

1Samiɛl 9:15

Nduyɛ, lɔ́ɔ́ pá mí Saul ciikan nda Samiɛl, Mɛlɛka ndóò cii nin Samiɛl dimul aa:

2Masaa 7:1

Mí Elise dimi aa: «La tuei-yɔ sɔɛi Mɛlɛka-e! O dimi aa: ‹A telen vaa nuaa siɔdii, o lɔ́ɔ́ Samari nin, kpeyanndo vanin kiloo tɔ́ a lediin le volii támái ndii pilɛ, mì ɔrse ndu va kiloo bidiin a lehiɔɔlu le volii támái ndii pilɛ.›»