1Samiɛl 14:3 - BII BILA

³ Vana-solia-lasálàá va lon, po Ahitub puapilɛ I-Kabɔd-o. I-Kabɔd kon yɛ, Pineas po Helii-o velu ndu ni. Doma ifalen solia lasálàá va ndu lekɔɔ, ndu va vana-solia-lasálà Mɛlɛka-o Silo ni. Vanaa cɔwva ve sina maa Yonatan ndóò kɔɛnnun te.

1Samiɛl 14:3 Referans Kwoze

1Samiɛl 22:20

Fɔ Abiatar, po Ahimelɛk-o, po imama Ahitub-o, ndu pilɛ kpé hɛlun ni, mó ɲaanun nɛɛ David va-a.

1Samiɛl 4:21

Viovɔɔ ka-ka, mó dimi aa: «Le tùú biilu Hala-o faŋan Israɛl-lo, i ke hɔ́ɔ́ ho diolan aa I-Kabɔd.» Kon co dimio ni aa «Biiloo cuu.» Le kɔnnda ndáà kɔɛnnun a kesu kpema Hala-o lan a le piɔ́m pɔnɔ ndɔ bɛndoo nda pɔnɔ ndɔ sɔla-o ndóò yɔngu diola lan lende ni.

1Samiɛl 2:28

A sina maa o yungula yɛ́-yɛ́la Israɛlla tɛɛn kpow, fuɲa nɔm imamaa Aarɔn yáà hɛli ni, mó va vana-solia-lasálà nuu, haliko mi ndóò va sálàlan solio o fonda-loamaa-lasálà nuu coo le ansan lomɔɔ a le ya ɲunaa o sɔɔn nin. Nda poaa ndɔa yáà ke vɛlɛ ɲɛm Israɛlla va sálàlan solio-on n'pum ni.

1Samiɛl 1:3

Vɔsi oo vɔsi, Ɛlkana va cɔnɔnndo Rama le kɔlan Silo le Mɛlɛka-Nɔ-Kpaayaa-Kpow-vo biiloo a le ndu sálàlan solullo. Poaa ŋiɔŋaa Helii-a, Hɔfni nda Pineas, vanaa-solia-lasálàá Mɛlɛka-a nda va Silo ni.

1Samiɛl 14:36

O kon kɔɔli, mí Saul dimi aa: «N kɔnnun cɔɛllɛn mì n kɔ tolnun Filistia coo háá mi paalen le sɛ, mì n diwnun nda, n mɛinùn vana-vana yoomu le. O kon, mi n cuannun ɲɛm ndan.» Mí vanaa cɔwva mulul ndu aa: «Mɛ̀ɛ́-mɛ̀ɛ́ n dimi pɛ, n tosa lende.» Kɛ mí vana-solia-lasálàá dimi aa: «N ɲunan-ndɔ fɔlɔn Hala.»

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

1Samiɛl 4:4

Má viam vannda Silo le kɔlan hunɔɔ a kesu kpema Mɛlɛka-Nɔ-Kpaayaa-Kpow-vo-o, o co icali o mɛlɛkaa kanda ɲɛm Hala-on-nda tɛɛn-ndo pɛɛn. Poaa ŋiɔŋaa Helii-a, Hɔfni nda Pineas a va o kesu kpema Hala-o ikɛi lon.