1Samiɛl 13:6 - BII BILA

⁶ Lɔ́ɔ́ Israɛlla ce maa dɛnɛ palaa co nin hunɔɔ le nda delɔɔ coo-o, mí vannda kɔa vionnɔnndo o powta kpovalan bɛngu, o buululan nin, o bɔɔlan bɛngu, o bóltan nin a o soonndan nin.

1Samiɛl 13:6 Referans Kwoze

Masaa kialaa n'yamaa 6:2

Mí Madiannda tuisi Israɛlla sangaa coo. Le Madiannda hiɔlɔnndo, mí Israɛlla sɔɔndian, má kɔa o bólta bɛndula co o pembon tɛɛn-ndan nin, má kɔ cal o buululan nin a o powta kpovala bɛndu-bɛndulan coo.

Hebreea 11:38

O lɛŋnde veselɛilen nin a o pembon coo vannda ha ndáà kela ni, má kei luɛyɔɔ o powta kpovalan bɛngu a o buululan nin. Ndóò bɛnda bɛɛ mí vanaa kɛndɛa vaa lende ndáà hin o ceendo coo nanu le.

Filipea 1:23

O yɔm tɛndaa tɛɛn ya co ni: yeemɛi co ya le kɔnndan, mì n kɔ vannun naa Krista latulu, ndu hiow va fisa,

Esai 42:22

Kɛ tofa vɔ, vannda cii nda ɲɔɔn poondiaa o laba, má yunga nda. A kinda nda kpow o kaasoo o soonndan nin, a co o biyɔɔ nin o kaasoo. Vannda del nda coo, má poondiaa ɲɛm ndan, vana-vana ve le nda baŋaa le. A hɛlu ɲɛm ndan, kɛ vana ve le dimio aa: «La mingi nda o ba» le.

2Samiɛl 24:14

Mí David muli aa: «O sanga kɔl bɛndu-bɛndoo nin ya co nuaa ni. Kɛ o co fisa mì n del Mɛlɛka o ba, yɔŋii naa n del vanacieo o ba. Kani Mɛlɛka ndu caa vanà ɲííye tuinɔnndo taw.»

1Samiɛl 24:3

Mó cuungiaa vanpiaandua vàálan tan yáá, a o hɛli o vanaa cɔwva Israɛl tɛɛn-nda, mó kɔa a nda le David nda langbaa ndɔa cɔwva nuwviaa o pow kpova cuinaa bandíláà va-o ikɛi.

1Samiɛl 23:19

Mí vannda Sif komal Saul Kibea, má dimul ndu aa: «David co o viannanndo o naa lo, o bundɔɔ Hɔrsa nin, o fondala feke-fekela co o pembei Hakila coo lan, o dɛɛlala vesɛila co a ba too lan nin.

1Samiɛl 14:11

O kon má kɔa nda ŋiɔn kpow, má kɔ fula Filistia o hɔl. Mí Filistia dimulan aa: «La tofa vɔ! Hebreea co fulaa o soonndan nin nɛɛ nda va a viniannda-a.»

Masaa kialaa n'yamaa 20:41

Mí Israɛlla mulin niko, má kuel nda. Mi siòònde bii vanaa kan taw le dɛnɛ palaa va nda hinullo-o.

Masaa kialaa n'yamaa 10:9

Mí Amoriia taŋ Yurdɛn leeloo le kɔlan vanaa fula o polale Yuda len nin-nda, vanaa fula o polale Bɛnyamɛn-nden nin-nda a á fula o polale Efraim-nden nin-nda delɔɔ coo a cɔwvo. Mí dɛnɛ palaa bɛndoo toal Israɛlla coo.

Yosue 8:20

Vannda Ai tofanndo kɔɔli, má ca kumnde o kobi ndaa coo, i va helɔɔ coocoo ningo-ningo. A sɔla lɛ nɛɛ-nɛɛ ɲaanan te, kani mí Israɛlaa va ɲaanɔnndo a kpengii lɛŋnde veselɛilen-nda mululan vanaa va nda kan tovɔɔ-a.

1Samiɛl 7:7

Mɛɛ Filistia tuei maa Israɛlla va a cuungiannda Mispa, mí simlacia ndaa tuu le kɔlan nda delɔɔ coo a cɔwvo. Israɛlla tueyɔɔ ken, mí siòònde bii nda a Filistia.

1Samiɛl 13:15

Mí Samiɛl can Kilkal, mó kɔa Kibea o tàndá Bɛnyamɛn-ndo nin. Mí Saul koma cɔm vanaa cɔvaa tɔ̀a lo ndu kɔɔli-a tɛ́kpɛ́-tɛ́kpɛ́, a va le n'van kɛmɛ leŋɔmpum.

1Samiɛl 14:22

Mɛɛ Israɛlaa va a viniannda o tàndá n'pembu Efraim-ndo nin-nda tuei maa Filistia ɲaanun, mí nda bɛɛ muungu nda tovɔɔ a nda cɔlɔbaa a labɛɛla kpeekpei.

Yeremi 41:9

O soon masaa Asa ndóò tow telen nda va cɔwvo nda Baesa masaa Israɛl-lo nin Ismaɛl viow vanaa o diw-va ni.

Esekiɛl 33:27

Lelan dimul nda maa nuaa Maalii Hala dimi ni aa: «Le yoomu nuu, vanaa tɔ̀a lo icali o cieon piɔlɛi mun nin-nda a delinin mà vi o mɔɔn cɔwvon bɛngu, visia biyaa sɔamnin vanaa co yondoo nin-nda, mì nàà n'kɔnyaa diw vanaa vanin o powta kpovalan bɛngu-a a vanaa viannunnin o buululan nin-nda.

1Samiɛl 31:7

Israɛlaa va o bóllo leeloo-a a á va Yurdɛn leeloo-a cɔu maa vanaa cɔvaa Israɛlla ɲaanun, maa Saul nda poaa ndɔa sɔla piɔ́mndo, má mal kobila ndalan, má ɲaanun, mí Filistia kɔ cal lon.