1Samiɛl 13:5 - BII BILA

⁵ Mí Filistia bɛɛ cuungian le Israɛlla cɔlɔbaa. Ndáà nɔ ɲɛla ɲaanannda soa nan-ndan vaalan beleyaa, vanaa ɲaanun o soa coo-a vàálan tan ŋɔmpum a vanaa cɔwva sɛ́lɛ́ bɛndoo mɛɛ sióónndon và o mɛmma ihɛllan kɔngɔ nuaa yɛ. Má hun kila dɔ́ɔ́ngɔ́ ndaa Mikmas, Bɛt-Avɛn, a ba paalen le can-ndo.

1Samiɛl 13:5 Referans Kwoze

1Samiɛl 14:23

Nuaa Mɛlɛka mala Israɛlla paale len ni, má nɔla Filistia, má lo cɔwvo háá má kɔ hiaw Bɛt-Avɛn.

Yosue 11:4

Mí masaa kan kpow a can kɔlan a vanaa ndaa cɔwva, a va sɛ́lɛ́, vanáà cii nda cɔm te, vanáà ca nda ko aa sióónndon o mɛmma ihɛllan kɔngɔ ni, a va a soa a ɲɛla ɲaanannda soa nan-ndan sɛ́lɛ́ bɛndoo taw.

Yosue 18:12

Pɛɛngula ndalan a maluaŋ la va lan ni: cɔnɔnndo Yurdɛn, helɔɔ Yeriko a maluaŋ, hiovɔɔ o tàndá n'pemboo a ba paalen le del-lo, kɔlan tiiyaa háá o lɛŋnde veselɛilen Bɛt-Avɛn.

Osee 10:5

Vanaa co icali Samari-a co a mɔnɛi le navaa téndéa Bɛt-Avɛn. Vannda tosanin biisi piɔm sialaa kon. Vanaa-solia-lasálàà ndɔa va ɲaaloo dɔwnɔnndo o ndu nin-nda a tosanin biisi ndɔɔ, kani biilu ndɔɔ faŋannin nda tɛɛn mì vannda kɔɛ a ndu o biyɔɔ nin nda levil polon.

Osee 5:8

«La hɔŋ leo o kobio Kibea nin, mì la hɔŋ buloo o kobio Rama nin. La yonda yonda cɔwvo Bɛt-Avɛn. Niaa polale Bɛnyamɛn-nden, la caa dɛ! Kani yaamɔɔa co niaa vɔmndo a makɔɔ.

Osee 4:15

Éé niaa Israɛlla, la luɛi bɔɔ suundaa! Mbɔ̀ màá Yudaa nda va lɛ lende le! La kɔa o fonda diandaa Kilkal te, la hel Bɛt-Avɛn te. La mɛnan o diola Mɛlɛka yoomaa le!

Yeremi 15:8

Mí kui vanlaandua piaandaa ndaa vi-a hiovɔɔ mɛɛ sióónndon co o mɛmma ihɛllan kɔngɔ yɛ. Mí cuu vana tɛɛmbua, mó del kalaa kuubanɔ cɔw felengoo coo. O ve kɔl te, mí tuisi ndu dɛnɛ palaa coo, mí luei ndu o kɔndɔfillo nin.

Esai 48:19

cuavaa niaa ndáà kuinin maa n'sióón, mí polale fula niaa o ipulu len léè vangalan maa sióóŋun muimuiyon. Diola niaalan láà vɔɔsunnin mí láà ɲum ya o hɔl te few.

2Dɛnnda lemasalan 1:9

Lelan, peelu kpema nɔm óò yiilul ndu-o, kani a siinguu ya masaa vanaa sɛ́lɛ́ bɛndua ha coo, á co haa sɛ́lɔ́ɔ́ maa cundoo lɛŋ-nda.

Masaa kialaa n'yamaa 7:12

Madiannda, Amalɛkea a vanaa kelaa fula a ba paalen le can-ndo-a va a tivaa sɔ́ o dɛɛlaa nin, vanáà ce nda pɛ aa sóónɔa kunda bɛndua ni. Ɲɔɔmɛɛa ndaa ndáà cuu cɔm te, nda va sɛ́lɛ́ maa sióónndon o mɛmma ihɛllan kɔngɔ.

Yosue 7:2

A lo Yeriko, mí Yosue viam langbaa pum, má kɔa Ai co Bɛt-Avɛn ikɛi-yo, Betɛl a ba paalen le can-ndo, le lɛŋnden fɛfɛlaa. Mó dimul nda aa: «La kɔ mì la fɛfɛla lɛŋnden.» O kon, mí langbaa kan kɔa, má mɛɛndian Ai.

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

Rɔmnda 9:27

Mí Esai bɛɛ yonda a Israɛl o kɔɔ aa: «Hali Israɛlla ndáà va bɛɛ sɛ́lɛ́ maa sióónde o mɛmma ihɛllan kɔngɔ nuaa, vanaa pilɛn-pilɛŋaa lonin-nda kínɛí sɔlanin cindaa ni.

1Samiɛl 7:13

Mí siɛmbulan la bii Filistia. Kɔl del-lɛ nda le muungoo o lɛŋnde Israɛl-ten nin te. O palɛi Samiɛl va yoomu-e kpow nin, Mɛlɛka tosa lamamɔɔ a Filistia le.

1Samiɛl 13:2

Mó hɛli vanaa cɔwva vàálan tan yáá nda tɛɛn, mí vannda vàála tiɔn a lo ndu ikɛi Mikmas a o tàndá n'pemboo Betɛl nin, mí n'van vaa pilɛa tɔ̀a kɔ cal nda Yonatan po ndɔ-aa Kibea, o tàndá Bɛnyamɛn-ndo nin. Mí Saul mingi Israɛlaa tɔ̀a o la nda lo.

1Samiɛl 13:11

Mí Samiɛl ɲuna ndu aa: «Yɛɛ nɛ n va yɛ hoo tosaa?» Mó muli aa: «Lɔ́ɔ́ ya ce vanaa cɔwva faaŋianndo ya kɔɔli má va kɔnndan-ndo, mí ca maa nɔm bɛɛ a hin o lɔ́ɔ́ n mɛi-yo coo le, nduyɛ Filistia va nin a cuungiannda Mikmas,

1Samiɛl 17:1

Mí Filistia bɔɔŋiaa vanaa ndaa cɔwva le cɔwvo. Má cuungian Soko, o tàndá Yuda-o nin, má kila dɔ́ɔ́ngɔ́ ndaa Efɛs-Damim, Soko a Aseka tɛɛn.

2Samiɛl 17:11

Lelan, tuu nuu co hoo ni: cuungiaa vanaa cɔvaa Israɛlla kpow nɛɛ pilɛ mɛɛ sióónndon va o mɛmma ihɛllan kɔngɔ nuaa yɛ, kandɔɔ o tàndá Dan-ndo nin, kɔlan tiiyaa háá Bɛɛr-Seba. Mì nɔm pila bɛɛ kɔɛ le cɔwvo.

1Masaa 20:27

Tuma Aramiia va hunɔɔ ivɛ́ɛ́lɛ̀-vɛ̀ɛ̀lɛ̀i o lɛŋnde len nin-ndo, mí Israɛlla bɛɛ cɔm vanaa ndaa cɔwva, má ke nda ɲɛm ndáà bɛnda le baloo dɔwnɔnndo-on. Má bii nɛiyo le nda kuello. Má kɔ kila dɔ́ɔ́ngɔ́lan tan tiɔn Aramiia kan laci, a va sɛ́lɛ́ maa cuinaa kundala tiɔn.

Esai 10:28

Má cè nda hunɔɔ! A co kobio Ayat kuello! A kei Mikrɔn ma mɛi volɔɔla ndalan Mikmas.

1Samiɛl 14:52

Saul cii masale ndɔlen lende, cɔwla kàlà-kálàlan tuŋ la va ndu tɛɛn nda Filistia ni. Lelan, te ndóò ce dɔ́ɔ́ pɛ vana mayoomoo, te kon te vana dialun fulaa, ndóò nannun ndu o ibuŋ.