1Samiɛl 13:12 - BII BILA

¹² mí yiyan maa Filistia co nin naa hinullo a cɔwvo Kilkal. Nduyɛ, náà n tɛɛlun-ndɔ bɛɛ Mɛlɛka le. Lelan ya ce ni maa o va fisa mì ya pila soli sálà loamaa.»

1Samiɛl 13:12 Referans Kwoze

2Korɛntea 9:7

Lelan, vana-vana yɔngu mɛɛ o kelun o kɔl-lɛ, o va a imɔnɔ le, te kon te maa baŋɔɔ le nda baŋ ndu le, kani Hala kaola vana yɔngu a ɲaaloo-o.

Amɔs 8:5

La co dimio aa: «Lɔ́ɔ́ kuɛɛ kafo paangii sɛnɛiyo co yɛ cuvɔɔ, haliko mi n kɔ muungu malun naan pisio? Lɔ́ɔ́ kuɛɛ nɛ kafo paale pɛngiaa ho co yɛ nin cuvɔɔ, haliko mi n kɔ kumbi kondala naalan le malun naan muungoo pisio? N co panilan bɔɔfiàà mì la dɔɔnan, mì n cɔɔlu vɛlɛ maalon báà heelu, n co ɲɛla tuvaala n'ɲɛlan mangaliaa le vannda palaa.

Condii lisai 66:3

La dimul Hala aa: «Dɛnnda nɔmndan la co bɔɔ dɛnnda kaamaala bɛndu! Le kpaaya nɔm bɛndoo, yaamɔaa nɔmnda co nɔm lisaa

1Samiɛl 21:7

O kon mí vana-solia-lasálàá yɔngu David bulula sálàlan, kani lan koni la va ndu o ba ni. Mɛlɛka o hɔl ndáà kɛsì bulula lan ni, ndáà faŋa pɛ lan Mɛlɛka o hɔl, paale pilɛle len ndáà mingi bulula tuwlan o fonda kon.

1Samiɛl 13:11

Mí Samiɛl ɲuna ndu aa: «Yɛɛ nɛ n va yɛ hoo tosaa?» Mó muli aa: «Lɔ́ɔ́ ya ce vanaa cɔwva faaŋianndo ya kɔɔli má va kɔnndan-ndo, mí ca maa nɔm bɛɛ a hin o lɔ́ɔ́ n mɛi-yo coo le, nduyɛ Filistia va nin a cuungiannda Mikmas,

1Samiɛl 13:13

Mí Samiɛl dimul ndu aa: «A tosa dɛnɔɔ maa diɔm! A bii diom Mɛlɛka Hala nɔmndo dimul nɔm-ndo le. Te nɔm óò bii pɛ diom kon, Mɛlɛka va tosa mì yungu nɔmndo ndóò va masalen tosaa Israɛlla coo le lɔ́ɔ́-lɔ́ɔ̀.

1Samiɛl 15:12

Diimandɔɔ idiiyo púŋ, mó can le kɔlan o Saul-lo. Má dimul ndu aa: «Saul kɔɛ Karmɛl mó kɔ cownun pow sálàá lon, mɛɛ o cii, mó tuusu Kilkal.»

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.