1Samiɛl 13:11 - BII BILA

¹¹ Mí Samiɛl ɲuna ndu aa: «Yɛɛ nɛ n va yɛ hoo tosaa?» Mó muli aa: «Lɔ́ɔ́ ya ce vanaa cɔwva faaŋianndo ya kɔɔli má va kɔnndan-ndo, mí ca maa nɔm bɛɛ a hin o lɔ́ɔ́ n mɛi-yo coo le, nduyɛ Filistia va nin a cuungiannda Mikmas,

1Samiɛl 13:11 Referans Kwoze

1Samiɛl 13:23

Mí kunda vanaa cɔvaa Filistia pilɛ kɔ cal cumullo o kpolonndo nin Mikmas.

1Samiɛl 13:16

Mí Saul kɔ cal Keba o tàndá Bɛnyamɛn-ndo nin nda Yonatan po ndɔ a vanaa cɔvaa lo ndu kɔɔli-a. Mí Filistia nda va icali Mikmas.

1Samiɛl 13:5

Mí Filistia bɛɛ cuungian le Israɛlla cɔlɔbaa. Ndáà nɔ ɲɛla ɲaanannda soa nan-ndan vaalan beleyaa, vanaa ɲaanun o soa coo-a vàálan tan ŋɔmpum a vanaa cɔwva sɛ́lɛ́ bɛndoo mɛɛ sióónndon và o mɛmma ihɛllan kɔngɔ nuaa yɛ. Má hun kila dɔ́ɔ́ngɔ́ ndaa Mikmas, Bɛt-Avɛn, a ba paalen le can-ndo.

1Samiɛl 13:2

Mó hɛli vanaa cɔwva vàálan tan yáá nda tɛɛn, mí vannda vàála tiɔn a lo ndu ikɛi Mikmas a o tàndá n'pemboo Betɛl nin, mí n'van vaa pilɛa tɔ̀a kɔ cal nda Yonatan po ndɔ-aa Kibea, o tàndá Bɛnyamɛn-ndo nin. Mí Saul mingi Israɛlaa tɔ̀a o la nda lo.

Esai 10:28

Má cè nda hunɔɔ! A co kobio Ayat kuello! A kei Mikrɔn ma mɛi volɔɔla ndalan Mikmas.

2Masaa 5:25

O kon mí Kehasi kɔa nɛɛ Elise vana ndɔ bɛndoo va-a, mí Elise ɲuna ndu aa: «Kehasi sei, kuɛɛ nɛ n va yɛ?» Mó muli aa: «Buɛi nɔmndo ve nɛɛ-nɛɛ le.»

2Samiɛl 3:24

O kon mí Yoab komal masaa, mó ɲuna ndu aa: «Le kɔlɔ yɛɛ Abnɛr hin yɛ o nɔm ndo má mal ndu kɔnndan fɛɛ?

1Samiɛl 14:5

Pow kpova tasoo va a ba luaŋ-ndo, kpengii Mikmas-e, o diinndɔɔ va a ba too, kpengii Keba-e.

Yosue 7:19

O kon, mí Yosue dimul Akan aa: «Po nuu, ke Mɛlɛka Hala Israɛlla bɛɛlen ma biilu ndu. Cɔm ya dɛnɛ n tosa-o, nduyɛ vin ya ɲɛ-ɲɛ le.»

O Kandɔɔ 4:10

Mí Mɛlɛka dimul ndu aa: «Dɛnɛ yɛɛ n tosa yɛ hoo? I co kooma pɔmbɔ nɔmndan tueyɔɔ koŋullo lɛŋ.

O Kandɔɔ 3:13

Mí Mɛlɛka Hala ɲuna vanalanɔɔ aa: «Dɛnɛ yɛɛ n tosa yɛ hoo?» Mí cuaa muli aa: «Kɛwvo pálá ya nuaa ni mí dia kɔmnde yɔm kon.»

1Samiɛl 13:12

mí yiyan maa Filistia co nin naa hinullo a cɔwvo Kilkal. Nduyɛ, náà n tɛɛlun-ndɔ bɛɛ Mɛlɛka le. Lelan ya ce ni maa o va fisa mì ya pila soli sálà loamaa.»