1Samiɛl 12:3 - BII BILA

³ Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

1Samiɛl 12:3 Referans Kwoze

Dɛnnda kiilaa 20:33

I fula ɲɛ pila lehɔl te, o va n'voli, te kon te a n'siani, te kon te vɛlɛ a volɔɔ-cuɛinan.

Kundalan 16:15

Mí Moise tuulu kɔl taw-taw, mó dimul Mɛlɛka aa: «Cɛl sálà ndaa le. Kabi bɛɛ i bii ɲɛ-ɲɛ nda le, hali sofɛlɛ taaninndo i bii ndu vana pilɛ o ba o nda tɛɛn te. I tosal vɛlɛ vana dɛnɛ vɔɔn o nda tɛɛn te.»

1Piɛr 5:2

la manda kunda saa Hala-a, a co niaa o ba bɛngu-a, ò va maa baŋɔɔ le nda baŋ niaa le, kɛ o va a yeemɛi niɛi mɛɛ Hala yeema yɛ. Ò va vɛlɛ a hɔlte ɲɛ-sɔlaa le, kɛ a kɔlkɛndɔɔ.

1Samiɛl 24:6

Kɛ mí kɔllo kandu ndu fulaa taw le bɔ̀ɔ̀le doma bɛndu Saul-te o kelu len-nden.

Tɔŋ miingua 16:19

La tósà kafalan o yaman kiolɔɔ nin te. La hiyan vannda le, la cɛl ɲɛm nda vanin niaa yɔngoo le niaa luɛyɔɔ nin-ndon te. Kani ɲɛm mun suumiaa vanaa kɔlkalua ni mi n laasiaa di vanaa tɛɛmbuu isɔɔ le-a.

1Tesalonikea 2:10

La co lesei, Hala bɛɛ co lesei maa n kela kela diandaa, kela sandaa a kela yaalan too niaa vanaa laalannda kpow tɛɛn.

1Samiɛl 12:5

Mí Samiɛl cua vɛlɛ sɔɛi, mó dimi aa: «Mɛlɛka a masa o pɔla-o co lesei hau, maa i tɛɛmbuu isɔɔ-sɔɔ a vana o niaa tɛɛn te.» Má mulul ndu aa: «Oi, a co lesei».

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

Fulaa 23:8

La cɛl ɲɛm nda vanin niaa yɔngoo le niaa luɛyɔɔ nin-ndon te, kani ɲɛm vaa lende n suumiaa vanaa co cɔu-va, mì n laasiaa sɔɔn vanaa sandaa.

1Tesalonikea 2:5

La sínà maa kabi n dimi sɔɔn sondo yeelɛi le, n vin vɛlɛ yeemɛi ɲɛ-sɔlaa o sɔɔn naan nin te, Hala co lesei.

Fulaa 20:17

La fúla cɛi pilaa lehɔl te. La fúla lanɔ pilaa lehɔl te, la fúla cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúla ɲɛ-ɲɛ co ɲɛ pilaa lehɔl te.»

Luke 19:8

Kɛ mí Saasee can, mó dimul Maalii aa: «Maalii, i co vanaa bala fondoa ɲɛ-sɔlaa nuu ke ba pilɛ. Te i cua pɛ ɲɛ vana, i mingulnin vana kon kundalan lahiɔɔlu.»

Matie 22:21

Má mulul ndu aa: «Sesar ni.» O kon mó dimul nda aa: «Mɛɛ la mingul Sesar ɲɛ co le Sesar-o, mì la mingul Hala ɲɛ co le Hala-o.»

Tɔŋ lasálàá 6:4

Kon cuu pɛ, o soli volɔɔla co ndu lekɔɔ lan, o vownun volɔɔla súú celen, o soli pultan o dɔ́ɔ́ngɔ́ɔ̀ kɔɔli, o kɔɛ a lan nɛɛ diandaa pum.

Fulaa 22:4

Te vanndo yɛɛ pɛ cɔlua ndɔa o ciɛi pílɛi nin, te kon te o nakɔ n'rɛsɛn pilaa nin, mà kɔ dio tɔlɔɔ co lon-ndo, o bɛnda mò salal vana ɲɔɔ ɲɛm kɛndɛ-kɛndɛn o koawnin o ciɛi ndɔɛi nin-ndon, te kon te tɔlɔɔ kɛndɛ-kɛndɛ o kiandunin o nakɔ n'rɛsɛn ndɔɔ nin-ndo sɔ̀ngɔ́ cɔlua ndɔa de o pílaa-o.

2Korɛntea 12:14

I cii nin bɛɛndian le niaa kɔlan yilɔɔ, kɔla yàándɔlan la vanin ndan ni. I venin o ba vana bɛngu le. Kani o co bolofaa niaa le ya co nuwviaa le, kɛ niaa pila. Kani, o co cuawva le a cuungiaa volion le kala-ncuawva le, kɛ kala-ncuawva a cuungiaa mun le cuavaa ndaa ni.

1Samiɛl 2:35

O kon kɔɔli, i hɛlinin vana-solia-lasálà sandaa biinin diom nuu-o, ó tosanin hɛnan nuu-o pɛɛn. I yɔngunin ndu poaa, mí poaa kan siŋnun vanaa-solia-lasálàá masa ya hɛlinin-ndo ikɛi le fɛɛn a fɛɛn.

1Samiɛl 12:4

Mí Israɛlla mulul ndu aa: «A saangiaa naa le tɔnɔ soli naa o n'dial te, a luei naa imɔnɔ le, a bii vɛlɛ vana ɲɛ o ba a lakafa le few.»

Talelan 15:27

Vanndo nɔ hɔlte ɲɛ-sɔlaa lakafaa, o tuisi dɛnɛ palaa yungu ndɔɔ coo. Kɛ vana ɲɛ-sɔlaa luɛyɔɔninndo nɛinun pɛ, ndu viow yoomu.

Tɔŋ lasálàá 6:5

Fɔ mì yinnden le va biyɔɔ o fonda-loamaa-lasálàá coo tuŋ, le bɛnda mì le ɲum te, vana-solia-lasálàá bɛnda mò va yɔmnde vowvo o yin idii oo idii, mò handu sálà loamaa lecoo telen pá mo lom visin macuɛin cɔlua co le sálà kɔlɲuloo-a lecoo.

1Samiɛl 24:7

Mó dimul langbaa ndɔa aa: «Màá Mɛlɛka kanda ya le vana ni bɛndoo dɛnɛ vaa lende tosallo, le masa Mɛlɛka pɔla-o baa holɔɔ! Kani masa Mɛlɛka pila pɔla-o o co ni.»

1Samiɛl 24:11

Nɔm pila tofa vɔ, Mɛlɛka ndóò cii nɔm hau malɔɔ ya o ba o buululan ndan nin. Vannda va ya dimullo le nɔm diyɔɔ, kɛ i cɛl te, mí dimi aa i cɛlnin mì hol vana ni bɛndoo baa le, kani masa Mɛlɛka pɔla-o o co ni.

1Samiɛl 26:9

Kɛ mí David mulul Abisai aa: «Dii ndu le! A sina pá maa vana-vana hol pɛ masa Mɛlɛka pɔla-o baa, vana kon sɔla sangaa?»

1Samiɛl 26:11

Lelan màá Mɛlɛka cɛl lɔ́ɔ́-lɔ́ɔ̀ mì hol masa ndu Mɛlɛka pila pɔla-o baa le! N cua bál co ndu o bollen coo-o, a bɔlɔ ndɔ mamɛnndo, mì n kɔɛnnun.»

2Samiɛl 22:22

Kani i co keelaa o nɛila ndu Mɛlɛka lan coo, i tosa dɛnɛ vɔɔn mì kɔɛ Hala nuu levil te.

Nehemi 5:11

Lelan hau hauve he, la mingi nda ciɛɔn ndan, nakɔla n'rɛsɛnnda ndalan a cɛila ndalan o laba. La nuwviaa vɛlɛ tɔnɔ celen o ɲɛm niaa dɔnda nda-on coo le, o va n'voli, o va n'malu, o va mamɔi te kon te macuɛi.›

Condii lisai 15:5

O yɔngu vana kuee le tɔnɔ sɔla lecoo le, o cɛl luɛyɔɔninndo le vana tɛɛmbuu isɔɔ loo palaa le. Vana kela pɛ o nɛilan ndan coo, vana kon del lɔ́ɔ́-lɔ́ɔ̀ le.