1Samiɛl 12:11 - BII BILA

¹¹ Mí Mɛlɛka viam Yerubaal, Bedan, Yɛfte a ya Samiɛl le niaa baŋaa a le niaa solio yaamɔaa va niaa a balaa sɔ́-a o ba. O kon, mí la cal a kɔlɲuloo.

1Samiɛl 12:11 Referans Kwoze

Masaa kialaa n'yamaa 6:32

Paale len nda ke Sedeɔn diolan ni aa Yerubaal, má dimi aa: «Baal pila ciŋilan ndu le máán ndɔ o puusiaa-o.»

Masaa kialaa n'yamaa 4:6

Paale pilɛ, mí Debora yoongu Barak po Abinoam fula Kadɛs o tàndá Nɛftali-o nin-ndo, mó dimul ndu aa: «Mɛlɛka Hala Israɛlla dimi aa: ‹Kɔ sanaa o pembei Tabɔr, ma cua vanpiaandua vaalan tɔ́ o polale Nɛftali len nin a o polale Sabulɔn-nden nin.

Masaa kialaa n'yamaa 6:14

O kon, mí Mɛlɛka mulin nɛɛ Sedeɔn va-a, mó dimul ndu aa: «Kɔ a kpaaya n nɔ hoo-o, ma kɔ baŋa Israɛlla Madiannda o ba. Ya co nɔm vomɔɔ ni.»

1Samiɛl 7:13

Mí siɛmbulan la bii Filistia. Kɔl del-lɛ nda le muungoo o lɛŋnde Israɛl-ten nin te. O palɛi Samiɛl va yoomu-e kpow nin, Mɛlɛka tosa lamamɔɔ a Filistia le.

Masaa kialaa n'yamaa 8:35

A dɛnɛ kɛndɛ Sedeɔn ndáà veelu vɛlɛ aa Yerubaal-lo tosal Israɛlla-o kpow, a sina kɛndɛi ndɔɛi mà caa yungu ndɔɔ biyɔɔ le.

Masaa kialaa n'yamaa 8:29

Mí Yerubaal, po Yoas-o muungun, mó kɔannun o ndu lo.

Masaa kialaa n'yamaa 6:31

Kɛ mí Yoas mulul vanaa hin kan-nda kpow aa: «Mò va maa niaa bɛnda ni mi la lɔɔnun ibuŋ le Baal? Vɛ̀ɛ̀ niaa bɛnda ni mi la sɔɔnguu le ndu malaa? Vana-vana sim nihau pɛ mo soo le Baal, vana kon co vu telen pá mì ɲɔɔ tenga. Te hala Baal co lekɛ́ndɛi ni, mɛɛ la mal ndu mì ndu pila soo le máán ndɔ nda puusiaa-o.»

Masaa kialaa n'yamaa 7:1

Idiiyo púŋ, mí Sedeɔn ndáà veelu aa Yerubaal-lo can nda vanaa ndɔa cɔwva, má kɔ kila dɔ́ɔ́ngɔ́ɔ̀ o soon mamɛnndo Harɔd ikɛi. Dɔ́ɔ́ngɔ́ Madiannda va nda tiŋ a maluaŋ a ba pembei More, o bóllo nin.

1Samiɛl 3:20

Kon tosa ni mí Israɛlla kpow, kandɔɔ Dan kɔlan tiiyaa háá Bɛɛr-Seba, a sina lekɛ́ndɛi maa vana-tɛɛngaa-diom Hala-o Mɛlɛka siinguu Samiɛl ni.

2Masaa 13:5

Mí Mɛlɛka yɔngu Israɛlla vana baŋaa. Má fula o ba Aramiia bɛngu, má muungu o cɛila-kolala-toandaala ndalan nin maa o tasendɔ.

1Dɛnnda lemasalan 7:17

Mí Ulam vialu Bedan. Haa yɔŋnun poaa Kalaad po Makir-o, po imama Manase-o velu-a ni.